Hwet iri urut cocon pain macaracocon ne, wiricoco pan ac caca na co tomi' hwet nanaparut pahu'. Tomi' hwet nanaparut pain ca tomi' querec te hwein capijacon Iri' Jam pain ca xo' hwet urut pahu' pain cidade nuhu' pane. Tomi' hwet nanaparut pain ca howa howa om pin hwein caji pacun ca Iri' Jam xi' ma hwe pane ira. Tomi' hwet nanaparut pain ca howa pin hun Iri' Jam, je pain ca taramaja mi' hun Iri' Jam co e' cara ma', co iri'o' ma'.
Apocalipse 15:7 - Tradução Bíblica Pacaas Novos7 Ma' na co win ma' ne nonon caram ma' co e' nana ma', co ac jam paxi' nana ma', co ma' 4 nana ma', mi' mi' xam' ac tococwa na pain ouro ma', ca wara moin' pe nain carawa ca tomi' joc mam' mi' nain ca mana' tamana nucun Iri' Jam ma', co e' cara ma'. Faic an caibideil |
Apocalipse 15:7
13 Iomraidhean Croise
Wata' co e' cara cwa'. Mi' pin paxi' ina pane, ane e' cara ta' pain xocori ca' ne. Om ta pi' ra ha' ne ca e' ne ta. Wata' co taramaxicon hwara' opa tiquin' ca' nain ca cono' wa. Taramaxicon pe ho' inonon oro co cono' nana ma' quem, to ho' napa' oro ca mam' pa xine ca to pan caca ta, ac i ma' na ca tomi' capa' ma'.
wap ac tocwa tara, wap pan toron Iri' Jam. Ac ca toc rain ta tocwa tara pain comi uva nucun ca mana' ma', ca tomi' joc mam' mi' nain ca mana' tamana nucun ma', ca ji'ao mi' ca pain ca mam' toc nucun ca an xiho' nain ca mana' tamana nucun ma'. Iri' comi uva nucun, om ta joc wanan xine pain com, mana' tamana tara comi uva nucun. Om ta xiram pa' camain' tocwa wari' co toc rain wa ma'. Jain jain tamana tara pain xe, je pain pacun ca weo tamana ma', ca enxofre caca oro wari' ma'. Oro jam co taramaja mi' nonon Iri' Jam ma', wirico co ma' co ac Wijimain Taramaji Ovelha ma' quem, querec totoron pain ca jain jain tamana nucun.
Querec ac tain na xijein carawa pain pawin. Tomi' joc mam' mi' nain carawa ca maqui' ta' ma'. Wa wa tamana inain. Querec inonon jam co taramaja mi' nonon Iri' Jam. Ma' 7 nana. Ma' 7 na oro ca xirac wa ca ara xi' caca ma', ca to' jain jain xun nonon oro wari' pain oro xijein macan' quem. Pi' pin iri tara ca to' jain jain xun tococwa ne, pi' pin ac ne tara ca mana' nucun Iri' Jam.
Xucun ma', co mao cain' ta' ma', mao ac ca na, ji'ao pin ac cain na ca xirac wa ca moin' pe nain too nucun. Ji'ao mi' nain pain oro xijein macan'. Ji'ao mi' iri nain pain ne, nona pin ac caca na oro wari' co xirao' xirac wawa pain wixicon co ma' co ac caji carawa co hwet qui' cain' ma'. Nona pin nana co pe torotop mi' querec te nanain pacun ca ara an xiho' xine curucun ma'. Om ca xio camain' ne oro nonacocon. Caxi tamana nonon.
Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ma'. Tomi' ac capa' na: Hap ra, an hwet mi' xim pain carawa ca hwet pa' tam nam caxicam narima' ma', co hwara' opa paxi' ma', co xao pe pe nain ca mija pe nein oro iri' cwerein com ma'. An hwet mi' xim pain carawa ca ara tam cam Iri' Jam ma', pain ca wap tam cam ma'.
Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ca ma' 7 ma' quem, tomi' ac capa' na: Hap ra, an hwet mi' xim cam narima' ma', co an ta' ca co ma' co ac Wijimain Taramaji Ovelha ma', ac i ma' na ca tomi' capa' ma'.
An ca' iri non pain ne, pe torotop mi' pan ac cocon na caram ma' co e' nana ma', co ac jam paxi' nana ma', co ma' 4 nana ma'. Pe torotop mi' nonon caram ma' co ma' 24 nana ma' quem. Ma' ma' xam' nonon ca mam' tao' wa, ac violão paxi' na cocon. Ma' ma' xam' nonon too ca mam' quep xine pain ouro ma', ca moin' to pain incenso ma', ca tomi' joc mam' mi' nain ca tomi' nucucun oro wari' nucun Iri' Jam ma', pain ca tomi' cocon ma' quem.
Sanasan