Apocalipse 15:1 - Tradução Bíblica Pacaas Novos

¹ Querec ac tain na xijein carawa pain pawin. Tomi' joc mam' mi' nain carawa ca maqui' ta' ma'. Wa wa tamana inain. Querec inonon jam co taramaja mi' nonon Iri' Jam. Ma' 7 nana. Ma' 7 na oro ca xirac wa ca ara xi' caca ma', ca to' jain jain xun nonon oro wari' pain oro xijein macan' quem. Pi' pin iri tara ca to' jain jain xun tococwa ne, pi' pin ac ne tara ca mana' nucun Iri' Jam.

Apocalipse 15:1 Iomraidhean Croise

Apocalipse 10:3

Merem mip ac ca na, ac ca xum mip ca leão na pain ca merem mip ca ma'. Merem iri na ne, toroho mip ac ca na comerem. Ma' 7 na ca mana' nucun. Ac ca tomi' ca na pain ca mana' nucun

Apocalipse 11:14

Je ca ma' 2 pin ne carawa ca om awi ca hwet pa' mami' nonon oro wari' pain macan' ca', pain ca to' ximin tamana mami' cocon ma'. Ame hwe e', ma' ma' wet na wirain carawa ca om awi ca hwet pa' ton nonon quem.

Apocalipse 14:10

wap ac tocwa tara, wap pan toron Iri' Jam. Ac ca toc rain ta tocwa tara pain comi uva nucun ca mana' ma', ca tomi' joc mam' mi' nain ca mana' tamana nucun ma', ca ji'ao mi' ca pain ca mam' toc nucun ca an xiho' nain ca mana' tamana nucun ma'. Iri' comi uva nucun, om ta joc wanan xine pain com, mana' tamana tara comi uva nucun. Om ta xiram pa' camain' tocwa wari' co toc rain wa ma'. Jain jain tamana tara pain xe, je pain pacun ca weo tamana ma', ca enxofre caca oro wari' ma'. Oro jam co taramaja mi' nonon Iri' Jam ma', wirico co ma' co ac Wijimain Taramaji Ovelha ma' quem, querec totoron pain ca jain jain tamana nucun.

Apocalipse 14:19

Wac ac cain na oro winain uva pain oro macori pain oro xijein macan'. Wixicaracao' mi' ac ca pain na manain cote ne pacun ca xom torotot pe xine ma', ca tomi' joc mam' mi' nain ca mana' tamana nucun Iri' Jam.

Apocalipse 16:1

Taraju ac tain na ca tomi' wa ca maqui' nain xiricon Iri' Jam. Tomi' mip tata oro jam co taramaja mi' non Iri' Jam, co ma' 7 nana ma': Wara mama' je ta, cut jein too nuhu' ca ma' 7 ma', ca moin' pe nain oro ca xirac wa ma'. Ji'ao mi' jujun pain oro wari' co to nanain oro xijein macan' ta. Ac i ma' na ca tomi' mip tococwa ma'.

Apocalipse 17:1

Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ma'. Tomi' ac capa' na: Hap ra, an hwet mi' xim pain carawa ca hwet pa' tam nam caxicam narima' ma', co hwara' opa paxi' ma', co xao pe pe nain ca mija pe nein oro iri' cwerein com ma'. An hwet mi' xim pain carawa ca ara tam cam Iri' Jam ma', pain ca wap tam cam ma'.

Apocalipse 19:15

Hwet qui' nain capijacon cote ne quit ca xa ma', ca mam' to' quiji' pin toton cocon oro wari' co to nanain oro xijein macan'. Iri' taramaxicon tara, taramaxicon hwara' opa tamana tara. Om ta xiram pa' camain' cocon oro wari' co om tomi' ha' nonon. To' quiji' pin totoron, ac ca xom xom torotot pin xine tara winain uva pain manain cote ne pacun ca tomi' joc mam' mi' nain ca mana' nucun Iri' Jam ma', co hwara' opa tamana pan.

Apocalipse 21:9

Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ca ma' 7 ma' quem, tomi' ac capa' na: Hap ra, an hwet mi' xim cam narima' ma', co an ta' ca co ma' co ac Wijimain Taramaji Ovelha ma', ac i ma' na ca tomi' capa' ma'.

Apocalipse 8:13

Noro noro wet inain, taraju ac ton na wajo co ho pe pawin. Tomi' mip ac ca na: Ximin tamana tatara oro wari' ta. On iri tatarain caji taracom oro xucucun jam co taramaja mi' nonon Iri' Jam ma' ne, co ma' 3 nana ma', co om on querec nanain caji taracom nucucun ma', ximin tamana ac caca tara oro wari' co to nanain macan' ma', pain ca maqui' pa' toton cocon carawa ca om awi. Wa inonon me, wa inonon me, wa inonon me, ac i ma' na ca tomi' mip ca ma'.

Apocalipse 8:2

Querec ac toton na oro jam co taramaja mi' nonon Iri' Jam ma', pain ca coco' quima hwet cocon ma'. Ma' 7 nana. Mi' mi' xam' ac tococwa na pain caji taracom.

Apocalipse 8:6

Coco' xo' ac caca na oro jam co taramaja mi' nonon Iri' Jam ma', co ma' 7 nana ma', co cut nanain caji taracom ma'. On xin ac cacain na.

Apocalipse 9:20

Oro xucucun wari' co om to' parapa' wawa pain oro ca xirac wa ma', witan ca' paxi' nanain, ane om cwirin' pin cacain oro ca pan teretem nucucun ne. Om ca pe torotop mi' querec te maho' cocon oro caxicon jam, om ca pe torotop mi' querec te maho' cacain oro ca Iri' Jam xi' ma caca ma' quem, ca mam' quep pan caca pain ouro je bronze je pana je pacun ma' quem. Om paxi' na ca querec ac ne, om paxi' na ca taraju ac ne, om paxi' na ca xuruxut ac ne quem, ane pe torotop mi' querec te cara cacain ne.