Apocalipse 14:6 - Tradução Bíblica Pacaas Novos

⁶ Querec ac ton na xucun jam co taramaja mi' non Iri' Jam. Ho pe nain iri' pawin. Tomi' hwet tain capijacon Iri' Jam ca om pi' ra ha' ma', ca tomi' hwet nonon pain ca to' witan pin toton cocon oro wari' Iri' Jam ta na. Tomi' hwet toton pain oro wari' co to nanain macan' ma', wiricoco co to nanain oro xijein macan' ma', cocon oro co xucun wari' xucun wari' pi' pin nana ma', cocon oro co capija ni ca' nonon oro xucucun wari' ma', cocon oro co to ni ca' nonon oro xucucun wari' pain macaracocon ta na.

Apocalipse 14:6 Iomraidhean Croise

Mateus 10:27

Ca tomi' ne pain ca tomi' noc xa xuhu' pain ca paric to nexi' pain xirixi' ca', pain ximijain xim ca', tomi' hwet pi' pin ac huhun tara pain oro wari' pain tocon xina.

Marcos 16:15

Mama' jein oro xijein macan' ta ac tococwa na. Pijim' hwet pijim' hwet xam' jujun pain capija pain ca to' witan toton ta' oro wari' ta na ca tomi' tococwa ma'.

Romanos 16:25

Tomi' querec te xun Iri' Jam co hwara' opa tamana ta. Ha' non pain ca to' hwara' opa cuhu' quem. Je ca xirao' pe xine pain capijacon ca tomi' hwet napari' con Jeju pain ca to' witan xim capari' ca'. Je ca pijim' taxipa' ta' ca', pain ca pijim' hwet xuhu' con Jeju Cristo. Om paxi' na ca taraju pa' xine ca coromicat xo' nucun con Jeju pane, om ca taraju pa' xine pain ca xo' ma' qui' ne oro carawa cara pane.

Colossenses 1:23

Mo ta howa tiquin' howa tiquin' hun Cristo ma', mo ta hwara' opa cara hwe pain ca howa nuhu' ma', mi' ac cuhu' tara pain ca om ma' camain' cuhu' ca to' em' nuhu' ma'. Ta howa ni ca' camain' hwein capijacon Iri' Jam con Cristo me ta. Howa howa tiquin' jein oro ca wara tomi' pe nucun ca ara mi' xim cuhu' con. Wara pijim' xihwe pain pane, taraju hwein. Pijim' hwet pijim' hwet xam' tata pain oro xijein macan' oro wari' quem. Je ca taramaja ne ca' quem. Wata' pain ca Paulo ta' ca', pijim' hwet taxipa' inain capijacon Iri' Jam con Cristo.

2 Tessalonicenses 2:16

Tomi' mi' urut pahu' con Taramaxicon nexi' Jeju Cristo con Cotere' Iri' Jam. Om ca noc capari' Iri' Jam. Om ca pi' ra ha' ne ca to' hwara' opa cara capari'. Xiram pa' napari' pain ca mi' e' capari' pain ca momon winim' xun pain ca main mi' xim capari' pain carawa ca awi ca wara coromicat an pe xo' mi' capari' quem. Om xi mi' capari' pain, xi iri' wari' iri' ta. Ane xiram pa' pan capari' ne. Je ca mi' e' capari' pain.

Hebreus 13:20

Quicon Taramaxicon nexi' Jeju ma', ca ao mao pane, je ca mam' tomi' an pe xo' cain ca tomi' xo' nucun Iri' Jam ma'. Om ta xic am camain' cain ca tomi' xo' nucun, mao ac ne ma' tara, to wet cara tara ta. Je ca to' e' mami' con Jeju ma', co iri' co querec wet xo' napari' pain ca ac ovelha nucun iri' ca'. Je ca tomi' xuhu' ca'. Tomi' mi' inuhu' con Iri' Jam cwa', co to' om pin nain ca toron ne ximixi' ca'. Param inon

1Pedro 1:25

Ane to wet cara ne capijacon Taramaxicon nexi' ne. Ac i ma' na ca xirao' pe xine pain capijacon Iri' Jam ma'. Je ca tomi' xuhu' ca'. Je i ma' capijacon Iri' Jam con Jeju ma', ca pijim' hwet xihwe pane.

Apocalipse 10:11

Tomi' ac capa' na: Tomi' hwet mami' rain carawa ca hwet pa' ton nonon oro wari' cocon oro taramaxicon pain oro xijein macan' ma', wiricoco co to ni ca' nonon oro xucucun wari' pain macaracocon ma', co to nanain oro xijein macan' ma', wiricoco co capija ni ca' xucucun ma' quem. Tomi' hwet mami' roron pain carawa ca hwet pa' ton nonon ta, ac i ma' na ca tomi' capa' ma'.

Apocalipse 10:7

On tain caji taracom ta iri tara jam co taramaja mi' non ne, co ja' corom mao nonon win ma' ca ma', pain ca ma' 7 pin ta' nucun ma'. On tain iri tarain ne, ara pin ac cain tara ca param nucun Iri' Jam. Ara tarain carawa ca ara ta' ca pane, ca om an hwet querec ca pane ira. Win ne ca wara tomi' an pe mi' tococwa pain ca tomi' nucun oro profeta cocon co taramaja mi' nonon pain cara pane.

Apocalipse 13:7

Mi' ta pain ca mixita cocon oro wari' nucun Iri' Jam, mi' ta pain ca to' quiji' pin cocon quem. Mi' ta pain ca taramaxicon pe ho' cocon oro co xucun wari' xucun wari' pi' pin nana ma', cocon oro co to ni ca' nonon oro xucucun wari' pain macaracocon ma', cocon oro co capija ni ca' nonon ma', cocon oro co to nanain oro xijein macan' ma' quem.

Apocalipse 3:10

Wara hu inuhu' pane, quereme cara jein oro ca to' i'ina nuhu' me inuhu' pane. Tomi' ha' mahu' quem. Je ca narain ho' xim xuhu' pain ca jain jain wa pain oro xec pain ca to' jain jain toton ta' oro wari' co to nanain macan' ma'.

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.

Apocalipse 8:13

Noro noro wet inain, taraju ac ton na wajo co ho pe pawin. Tomi' mip ac ca na: Ximin tamana tatara oro wari' ta. On iri tatarain caji taracom oro xucucun jam co taramaja mi' nonon Iri' Jam ma' ne, co ma' 3 nana ma', co om on querec nanain caji taracom nucucun ma', ximin tamana ac caca tara oro wari' co to nanain macan' ma', pain ca maqui' pa' toton cocon carawa ca om awi. Wa inonon me, wa inonon me, wa inonon me, ac i ma' na ca tomi' mip ca ma'.