Apocalipse 13:7 - Tradução Bíblica Pacaas Novos

⁷ Mi' ta pain ca mixita cocon oro wari' nucun Iri' Jam, mi' ta pain ca to' quiji' pin cocon quem. Mi' ta pain ca taramaxicon pe ho' cocon oro co xucun wari' xucun wari' pi' pin nana ma', cocon oro co to ni ca' nonon oro xucucun wari' pain macaracocon ma', cocon oro co capija ni ca' nonon ma', cocon oro co to nanain oro xijein macan' ma' quem.

Apocalipse 13:7 Iomraidhean Croise

Lucas 4:6

Tomi' ac con na: Mi' xim pain ca taramaxicon pe ho' momon oro wari' pain oro xijein macan' cain. Mi' xim pain oro caramajinain quem. Mene mene pi' pin rain xim. Xi wara mi' ara capa' pain Iri' Jam ta. Ha' napa' pain ca mi' tiquin' ton pain co param ta' quem.

João 19:11

Mo xi om mi' quem pain ca taramaxicon wa Te Iri' Jam ma', om xi na camain' quem pain ca ara mi' mapa' pain ca param nem ta ac con na. Je ca tomi' xim ca' taramaxicon ac con na. Co ma' co o mi' jun con Pilatos napa' pum, wirico co caracat tamana pan. Caracat tiquin' ca' nem ta non.

Apocalipse 10:11

Tomi' ac capa' na: Tomi' hwet mami' rain carawa ca hwet pa' ton nonon oro wari' cocon oro taramaxicon pain oro xijein macan' ma', wiricoco co to ni ca' nonon oro xucucun wari' pain macaracocon ma', co to nanain oro xijein macan' ma', wiricoco co capija ni ca' xucucun ma' quem. Tomi' hwet mami' roron pain carawa ca hwet pa' ton nonon ta, ac i ma' na ca tomi' capa' ma'.

Apocalipse 11:18

Mana' tamana paxi' nana oro wari' co to nanain oro xijein macan' ma', ane maqui' pin ne xec nein ca mana' toton pan momon pain ca win hwe pane toton momon ne. Maqui' pin na xec nein ca wap toton momon oro wari' co wara cono' nana. Wap toton momon pain oro carawa ca ara caca pain ca e' e' wet nucucun pane. Win hwe pane ac momon tara oro co taramaja mi' nenem pane, cocon oro profeta cocon oro wari' nem ma', cocon oro co tomi' ha' taxipa' nenem pane, co hwara' opa nana ma', co om hwara' opa nana ma' quem, win hwe pane ac momon tara, mi' ac momon tara pain oro ca awi wa. Maqui' pin na xec nein ca to' parapa' pin toton momon oro co to' parapa' pin nonon oro wari' pain macan' quem. Ac i ma' na ca tomi' cocon Iri' Jam.

Apocalipse 11:7

Pijim' hwet pi' pin iri tatarain oro ca pijim' je tococwa ne, hwet qui' ac ca tara co ma' co ac caji carawa ca mana' tamana, hwet qui' tarain cote ne man ca om tawirinain cain. Quep toton ta ac tococwa tara, to' quiji' pin ac tococwa tara, to' parapa' pin ac tococwa tara quem.

Apocalipse 12:17

Mana' tamana pin ac cam na narima' ma', mixita toton ta ac tococwa na humaxicam cocon oro waram winacam ma', wiricoco co tomi' ha' nonon Iri' Jam ma', co om an to camain' nanain oro ca tomi' hwet xine con Jeju.

Apocalipse 17:15

Tomi' tomi' tiquin' ac capa' na quem. Oro iri' cwerein com ca querec ma ma', ca xao pe pe cama caxicam narima' ma', tomi' joc mam' mi' nonon oro wari' co to nanain oro xijein macan'. Mija nana, capija ni ca' xucucun.

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.