Apocalipse 13:5 - Tradução Bíblica Pacaas Novos

⁵ Mi' ac tocwa na pain ca tomi' ximao wa co ma' co ac caji carawa ma' quem. Tomi' xec xec na, tomi' napat non Iri' Jam. Mi' ta pain ca taramaxicon pe cain macan' quem. Ma' 42 tara panawo' pain ca taramaxicon pe rain macan' ta tocwa ma'.

Apocalipse 13:5 Iomraidhean Croise

2 Tessalonicenses 2:3

Om ca na camain' ne pain ca howa hun wari' co tomi' mixein ac i ma' nuhu'. Xi iri'o' ne ca tomi' nucun ta. Om ta maqui' hap ne xec nein ca in qui' ta' nucun Jeju ta. Maqui' cain' tara oro xec pain ca ari tamana cocon Iri' Jam oro wari'. Mija pin iri tatara co an to pin nanain ca howa wa ne, ane ane maqui' ac ca tara xucun wari' co iri' waximain ca caracat wa. Iri' caxicon wari' tara. Main xin mi' pan toron pain cote ne xe Iri' Jam ta, ame hwe e'.

2 Tessalonicenses 2:4

Caxicon wari' ma', co iri' waximain ca caracat wa ma', noc tamana toron Iri' Jam. Noc tamana tarain oro caji pacun ca Iri' Jam xi' ma caca oro wari' ma' quem. Oro ca pe torotop mi' querec te caca pain ca howa cacain ma', noc tamana tarain quem. Xec xec tamana tara. Xao pe pin tarain cote ne xiricon Iri' Jam ca in ac pe tocwa. Wata' co Iri' Jam ta ac ca tara.

2 Tessalonicenses 2:8

An in mao iri tarain i ma' ca ma' caho' non ne, maqui' pan ac ca tara caxicon wari' co iri' waximain ca caracat wa ma', co to' pa' pin ton pan ca Taramaxicon nexi' Jeju pain ca aram aram in qui' ta' nucun. Mam' to' pa' toron pain ca huco' nucun. Mam' to' om pin tarain ca hwara' opa nucun pain ca toc meremem nein ca in qui' nucun.

Apocalipse 11:7

Pijim' hwet pi' pin iri tatarain oro ca pijim' je tococwa ne, hwet qui' ac ca tara co ma' co ac caji carawa ca mana' tamana, hwet qui' tarain cote ne man ca om tawirinain cain. Quep toton ta ac tococwa tara, to' quiji' pin ac tococwa tara, to' parapa' pin ac tococwa tara quem.

Apocalipse 12:14

Quep tam paxi' na, ane mi' cam pain tapaxicon cote ca wajo Iri' Jam ne, ma' 2 na tapaxicon wajo ca mi' cam ma'. Ma' ta ha' quem pain ca taqui' mao main mahweri cain, ca wara an pe xo' mi' xim cain nam. Querec wet pe ac xim tara pain i cain ta nam. Ma' 3 tara cawaxi' pain ca querec wet pe xim pain i cain, ximijain xijein cawaxi' pa' terem quem, querec wet xo' xim ta. Om ta quep ac quem co ma' co ac caji hop ma', co caxicon em' ma' nam.

Apocalipse 12:6

Mo mao ac cama na jicon ma', pain mahweri ma'. Wara an pe xo' nain ca pe ra cam Iri' Jam. Ma' ta querec wet pe xima pain i cain ta nam. Je ca mo mao cama ma'. Ma' 1.260 na xec pain ca querec wet tacama pain i cain.

Apocalipse 13:7

Mi' ta pain ca mixita cocon oro wari' nucun Iri' Jam, mi' ta pain ca to' quiji' pin cocon quem. Mi' ta pain ca taramaxicon pe ho' cocon oro co xucun wari' xucun wari' pi' pin nana ma', cocon oro co to ni ca' nonon oro xucucun wari' pain macaracocon ma', cocon oro co capija ni ca' nonon ma', cocon oro co to nanain oro xijein macan' ma' quem.