Apocalipse 12:7 - Tradução Bíblica Pacaas Novos

⁷ Mixita ac xucucun na pain pawin. Miguel cocon oro win jam ca co taramaja mi' nonon Iri' Jam ma', mixita ac cocon na co ma' co ac caji hop ma'. Wirico, wiricoco oro caxicon jam co taramaja mi' nonon ma' quem.

Apocalipse 12:7 Iomraidhean Croise

Mateus 13:41

Tomi' ac toton tara oro jam co taramaja mi' nanapa' ma', wata' pain ca Iri' Wari' ta' ca', tomi' pan ac toton tara: Cut in jujun oro caracat ta, cut in ca' jujun pain ximijacocon oro wari' co taramaxicon ne nonon Iri' Jam ma' ac toton tara, cut in ac tococwa tara co to' caracat nonon oro win ma' nucucun cocon oro wari' co pan teretem taxipa' nana ma'.

Mateus 16:27

Je ca tomi' xuhu' ca' ac caparut na. Ja' ja' xine. Ta jin' huhun oro wari' co quep em' xim nunuhu' pain ca ja' ja' mahu' me. Maqui' ta' ara xi' na xec nein ca in qui' ta' ne ca', wata' pain ca Iri' Wari' ta' ca', in qui' ac tain tara pawin. Maqui' wi ta' cocon oro jam co taramaja mi' nanapa'. Maqui' wi ta' pain ca hwara' opa nucun Te quem. Pagar ac toton tara oro wari', pagar toton pain oro ca ara caca pain ca e' e' wet nucucun. Win ne ca ara hwe pane toton, mi' mi' xam' ac toton pain tara. Wahu' quem, win ne ca ara hwe pain ca ja' ja' mahu' pane xuhu', pagar pagar xam' ac xuhu' tara quem.

Mateus 24:31

On mip ac ne tara caji taracom. Tomi' ac toton tara oro jam co taramaja mi' nanapa' ma'. Mama' jein oro xijein macan', cut in cut in xam' jujun oro wari' co tora' ca Iri' Jam ta, cut in qui' jujun pain oro xijein macan' pain pira ta, ac i ma' tara ca tomi' toton ta.

Mateus 25:41

Tomi' ac toton tara co to nanain paraju quem, co om xuruxut xo' nana quem: Wahu' pain ca tomi' noro cuhu' Te ma', to ni ca' xine. Mama' jein cote ne xe ca om jo' ra ha' cain, ca wara quep awori mi' tocwa pain Caxicon Jam cocon oro jam nucun co taramaja mi' nonon cwain.

Mateus 26:53

Cain' cain' ne ca coromicat nem quem? Om ta quep xiho' con Cote ca mapa' ra? Mo xi quep xiho' ne ton, mam' hap ac capa' xira cocon oro jam co taramaja mi' nonon. Mija xira ca 1.000 nucucun. Om xi narain ho' capa' cocon ta.

2 Coríntios 12:7

Awi tamana na oro ca an hwet mi' capa' Iri' Jam pane. Je ca mi' capa' pain ca caxi wa ca'. Ma' ta om tomi' xec xec ma pain napa'. Jain jain ina pain ca caxi ne, ac jam co taramaja mi' non Caxicon Jam na pain ca to' jain jain capa'. Ac ca mam' xucun' capa' na pain pi pain cwere ca'.

Efésios 6:12

Xi wari' caca co mixita iri' ta. Oro caxicon jam nana co mixita iri'. Mixita ururun oro caxicon jam cocon oro taramaxicon nucucun co taramaxicon to ho' nanain oro ca om awi wa pain macan' ca', cocon oro wari' co ac ca to cacain ca jitacat nein na pain ca ari cocon Iri' Jam ma' quem. Mixita ururun oro caxicon jam co hwara' opa to nanain nanawin cain quem. Wiricoco co mixita iri' ta.

2 Tessalonicenses 1:7

Ara xo' na pain ca to' om pin tain cain ca jain jain nuhu' pain ca quep em' xihwe ma' quem. To' om pin tarain ca jain jain nuhu', to' om pin tarain ca jain jain nuxut ca' quem, pain ca aram aram quiji' qui' tain cain pawin Taramaxicon nexi' Jeju. Maqui' wi tara pain ca weo nein xe. Ja' ja' totoron oro jam co taramaja mi' nonon ma', co hwara' opa nana ma'.

Hebreus 2:10

Wirico Iri' Jam co tomi' ma' tomi' ma' pi' pin nain oro carawa ma', co querec wet querec wet pi' pin nain ma' quem. Hohot na ca coromicat an pe xo' nucun pain ca jain jain jain jain mi' pin caho' roron ta con Jeju pari'. Ma' ta ha' quem pain ca ara pi' pin main ca taramaja nem pain ca to' witan toton momon ta non pari'. Ma' ta mija caca oro mana panxita' co to ho' xim nanapa' pain pawin ca' quem non pari'. Wum tara co o mi' napa' cocon ta non pari'.

2 Pedro 2:4

Taxi' urun Iri' Jam pain ca wap toton cocon ma', xi xiram pa' tococwa oro jam co caracat nana pain ca taramaja mi' cocon pane. Wixicaracao' mi' tata pain cote ne man ca om tawirinain cain, ca jitacat tamana xim nein cain. Pao' to tata, to wet iri caca ma' ac tococwa na. Winim' e' jein xec nein ca wap xim xuhu' ta tata.

Judas 1:9

Om xi tomi' napat cocon quem, xi tomi' napat con Caxicon Jam Miguel co taramaxicon pe ho' nonon oro jam co taramaja mi' nonon Iri' Jam pane ta. Mi' pin iri na Moisés cara pane ne, tomi' caracan ac xucucun na Caxicon Jam con Miguel. Pe ho' pan tarapa' curucun Moisés cwa' ne iri na Caxicon Jam ne, om na ta pan ac ca na Miguel. Om ca tomi' napat xiton na con, om na. Tomi' e' non: Pan to' pan tarain tarajum Taramaxicon Iri' Jam ta non.

Apocalipse 12:8

Mixita paxi' na co ac caji hop ma', cocon oro caxicon jam co taramaja mi' nonon ma', ane om hwara' opa pan caca ne. To' quiji' pin ac tococwa na. Om ca to mami' ac cacain pawin.

Apocalipse 12:9

Xin hwet pin ac tocwa na co ma' co ac cote ne caji hop ma'. Wirico co ma' co caxicon em' cara pane, co mixein nonon hwanana pain cara pane. Wirico co Caxicon Jam ma', co Satanás na xijein wixicon ma', wirico co mixein taxipa' nonon oro wari' pain macan' ca'. Xin pan' hwet pin ac tocwa na pain macan'. Wixicaracao' camara' hwet pin ac tococwa na pain macan' oro caxicon jam co taramaja mi' nonon ma' quem.

Apocalipse 13:7

Mi' ta pain ca mixita cocon oro wari' nucun Iri' Jam, mi' ta pain ca to' quiji' pin cocon quem. Mi' ta pain ca taramaxicon pe ho' cocon oro co xucun wari' xucun wari' pi' pin nana ma', cocon oro co to ni ca' nonon oro xucucun wari' pain macaracocon ma', cocon oro co capija ni ca' nonon ma', cocon oro co to nanain oro xijein macan' ma' quem.

Apocalipse 20:2

Quep xat ac con na co ma' co ac caji hop ma', co caxicon em' pain cara pane, co Caxicon Jam ma', co Satanás na xijein wixicon. Pao' pe ac con na pain arain too, xin mi' ac con na pain cote ne man ca om tawirinain cain. Tao' pa' ac cain na, tao' pa' mip nain, ma' ta om mixein mami' momon oro wari' co to nanain oro xijein macan' ta non. Tao' pa' cara ac tocwa tara, maqui' pa' toron ca 1.000 nein cawaxi' pain ca tao' pa' tocwa ta. Pi' pin iri tara ca 1.000 nein cawaxi' ne, pa hwet wijimain ac tocwa tara, ame hwe e'.