Apocalipse 12:3 - Tradução Bíblica Pacaas Novos

³ Hwet qui' ac ne na xijein carawa pain pawin. Tomi' joc mam' mi' nain carawa ca maqui' ta' ma' quem. Co ma' co ac iri' cote ne hop na co hwet qui' ma'. Paca' na. Ma' 7 na winacon, ma' 10 na pixicon quem. Pe pe xam' nain oro winacon caji waji' nucun taramaxicon.

Apocalipse 12:3 Iomraidhean Croise

Apocalipse 12:1

Hwet qui' ac ne na carawa pain pawin ma'. Wa wa tamana inain. Ac narima' na. Tomi' joc mam' mi' nain carawa ca maqui' ta' ma' quem. Cwere mam' pin nam xina, ac womicam na. Xat pe non panawo'. Pe nain caji waji' nucun taramaxicon ca ma' 12 ca pijo' pain winacam quem.

Apocalipse 12:13

Xin hwet pin iri ta co ma' co ac caji hop pain macan' ne, tomi' ac xucun na: Ja' tequi' tam narima' ma', co xo' pan' qui' cawinacam ma' ac ca na, ja' tequi' ac cam na quem.

Apocalipse 12:17

Mana' tamana pin ac cam na narima' ma', mixita toton ta ac tococwa na humaxicam cocon oro waram winacam ma', wiricoco co tomi' ha' nonon Iri' Jam ma', co om an to camain' nanain oro ca tomi' hwet xine con Jeju.

Apocalipse 12:4

Pain cahurucun ma', mam' wap camara' um terço pin non pijo' co to nain pawin. Wixicaracao' camara' mi' non pain macan'. Hwet pin ac cam na narima' ma', co pan' ta' cawinacam ma', xat quima hwet ac cam na, winim' ac cain na ca pan' nucun cawinacam. Ma' ta cao' pin ton ta na.

Apocalipse 12:7

Mixita ac xucucun na pain pawin. Miguel cocon oro win jam ca co taramaja mi' nonon Iri' Jam ma', mixita ac cocon na co ma' co ac caji hop ma'. Wirico, wiricoco oro caxicon jam co taramaja mi' nonon ma' quem.

Apocalipse 12:9

Xin hwet pin ac tocwa na co ma' co ac cote ne caji hop ma'. Wirico co ma' co caxicon em' cara pane, co mixein nonon hwanana pain cara pane. Wirico co Caxicon Jam ma', co Satanás na xijein wixicon ma', wirico co mixein taxipa' nonon oro wari' pain macan' ca'. Xin pan' hwet pin ac tocwa na pain macan'. Wixicaracao' camara' hwet pin ac tococwa na pain macan' oro caxicon jam co taramaja mi' nonon ma' quem.

Apocalipse 13:1

Querec ac ton na co ma' co ac caji carawa co mana' tamana ma'. Hwet qui' nain cote ne com. Ma' 7 na winacon, ma' 10 na pixicon quem. Pain oro pixicon ma', ma' ma' xam' nain caji waji' nucun taramaxicon. Xirao' pe pan nain oro winacon oro ca om awi wa ca tomi' napat non Iri' Jam quem.

Apocalipse 13:2

Co ma' co ac caji carawa co querec ta' ma', ac cote ca copacao' mixem mixem na curucun. Caximacon ma', an xiho' nain caximacon urso. Capijacon ma', an xiho' nain capijacon leão quem. Co ma' co ac caji hop ma', mi' non pain ca hwara' opa pan nucun. Taramaxicon pe rain ca taramaxicon pe pan ta' ca' non, mi' ac con na pain ca taramaxicon pin wi con quem.

Apocalipse 13:4

Pe torotop mi' querec te nonon co ac caji hop ma', co mi' non pain ca hwara' opa nucun co ac caji carawa ma', pe torotop mi' querec te nonon co ac caji carawa ma' quem. Tomi' ca' nana: Noro jun co ma' co ac caji carawa ma'. Om na win hwara' opa ca. Om na wari' co ha' non pain ca mixita ton con. Ac i ma' na ca tomi' nucucun pain ca wa wa cocon ma'.

Apocalipse 15:1

Querec ac tain na xijein carawa pain pawin. Tomi' joc mam' mi' nain carawa ca maqui' ta' ma'. Wa wa tamana inain. Querec inonon jam co taramaja mi' nonon Iri' Jam. Ma' 7 nana. Ma' 7 na oro ca xirac wa ca ara xi' caca ma', ca to' jain jain xun nonon oro wari' pain oro xijein macan' quem. Pi' pin iri tara ca to' jain jain xun tococwa ne, pi' pin ac ne tara ca mana' nucun Iri' Jam.

Apocalipse 16:13

Querec ac toton na oro caxicon jam co ac tururu nana. Ma' 3 nana. Hwet qui' nain capijacon co ma' co ac caji hop xucun. Xucun ma', hwet qui' nain capijacon co ma' co ac caji carawa co hwet qui' cain' ma' quem. Xucun ma' iri na ne, hwet qui' ac cain na capijacon co ma' co hwet qui' pa'ao' ma', co profeta mixein ma', pain ca tomi' hwet taxipa' cain oro ca tomi' mixein nucun co hwet qui' cain' ma' quem.

Apocalipse 17:12

Tomi' tomi' tiquin' ac capa' na: Querec main oro pixicon co ma' co ac caji carawa ma'. Ma' 10 na. Oro pixicon ma', tomi' joc mam' mi' nonon oro taramaxicon co ma' 10 nana quem. Om ca taramaxicon querec caca, ame ma e'. Mi' xun ac tococwa tara pain ca taramaxicon wa. Taramaxicon wi tatara con co ma' co ac caji carawa ma'. Om ta taramaxicon cara caca, pi' pin hap tara ca taramaxicon nucucun.

Apocalipse 17:16

Co ma' co ac caji carawa co hwet qui' cain' ma', wiricoco co ac oro pixicon co ma' 10 nana ma' quem, noc pin tataram caxicam narima'. Cut ca' cut ca' pi' pin tataram pain oro carawa nequem. Womicam quem, hot ca' tataram con womicam, hwet pe ac ne tara cwerequem. Cao' pin ac cacain tara cwerequem, tom tom pi' pin ac cacam tara quem.

Apocalipse 17:7

Tomi' ac capa' na jam co taramaja mi' non Iri' Jam: Para wa wa tamana mam narima' ma' quem? Tomi' xo' xim cam, tomi' xo' xim pain carawa ca tomi' joc mam' mi' cama ma'. Tomi' xo' xim pain carawa ca tomi' joc mam' mi' ca co ma' co ac caji carawa co hwet qui' cain' ma', co xao pe pe cama ma', co ma' 7 ne winacon ma', co ma' 10 ne pixicon ma' quem.

Apocalipse 19:12

Joc xec na tocon ma', ac ca tom ne xe na. Tocwan na caji waji' nucun taramaxicon pain winacon. Wara xirao' pe ta pain curucun iri' wixicon quem. Xica' pe pan na co taxi' nain wixicon, om na xucun wari' co taxi' nain wixicon.

Apocalipse 20:2

Quep xat ac con na co ma' co ac caji hop ma', co caxicon em' pain cara pane, co Caxicon Jam ma', co Satanás na xijein wixicon. Pao' pe ac con na pain arain too, xin mi' ac con na pain cote ne man ca om tawirinain cain. Tao' pa' ac cain na, tao' pa' mip nain, ma' ta om mixein mami' momon oro wari' co to nanain oro xijein macan' ta non. Tao' pa' cara ac tocwa tara, maqui' pa' toron ca 1.000 nein cawaxi' pain ca tao' pa' tocwa ta. Pi' pin iri tara ca 1.000 nein cawaxi' ne, pa hwet wijimain ac tocwa tara, ame hwe e'.