Apocalipse 12:2 - Tradução Bíblica Pacaas Novos

² Nam' na quem. Jain jain tamana na pain ca pan' ta' ca cawinacam. Mija na ca u cama.

Apocalipse 12:2 Iomraidhean Croise

Mateus 24:8

Oro ca jain jain nucucun oro wari' pain ca xo' hwet pa' cocon oro ca xirac wa ma', an xiho' tarain ca caxi nequem narima' pain ca xo' caxi cam cawinacam ma', ac i ma' tara cocon oro wari' quem. Ame hwe e', main jain jain tamana tatara ta.

João 16:21

Win cama narima' co caxi nam cawinacam pain ca pan' ta' nucun ma'. Tomi' xaxa' paxi' na, xi maqui' ara ne xec nein ca jain jain ta' cama pain ca pan' ta' ca cawinacam ta. Ame hwe e', pan' qui' iri na cawinacam ne, ji'am pin ac camain na ca jain jain nequem, xi tomi' querec te tamana ara cama pain ca pan' qui' nucun cawinacam.

Gálatas 4:19

Jain jain inuhu' ta hwijima', ac ca mana panxita' xuhu' ara xi' na. Wara jain jain inuhu' pain ca xo' pijim' ten qui' xuhu' pane. Jain jain mami' inuhu' pain xocori ca' quem. An xiho' inam narima' co jain jain pain ca pan' ta' ca cawinacam ma', ac i ma' na ca jain jain mami' ta' pahu'. Jain jain tamana inuhu', an xiho' pin xiroron Cristo pain iri' ximicocon ta inuhu'.

Gálatas 4:27

Je ca wara xirao' an pe xine pain capijacon Iri' Jam ca': Wum pain ca om wijima camain' ma ma', querec te ra. Wum pain ca om panim' camain' mon pije' ma', merem querec te ra. An pe paxi' nem taxim, ane mija caca humajum ne. Mija tiquin' ca' nonon humaxicam cam ma' co ma' nam tarama' ma'. Ac i ma' na ca xirao' an pe xine pain capijacon Iri' Jam pane.

Apocalipse 12:4

Pain cahurucun ma', mam' wap camara' um terço pin non pijo' co to nain pawin. Wixicaracao' camara' mi' non pain macan'. Hwet pin ac cam na narima' ma', co pan' ta' cawinacam ma', xat quima hwet ac cam na, winim' ac cain na ca pan' nucun cawinacam. Ma' ta cao' pin ton ta na.