Apocalipse 12:12 - Tradução Bíblica Pacaas Novos

¹² Je ta tomi' querec te tomi' querec te xam' hun pain ca to hwein pawin ma'. Wahu' pain ca to hwein macan' je cote ne com ma' iri na ne, xiram pa' e' xihwe pain ca ximin nuhu' ma'. Xi quiji' hwet pin ara cuhu' Caxicon Jam ta. Mana' tamana na, xi taxi' ara ca pain ca wijimain pin ta' ne oro xec nein ca ara tain cain oro ca ara ta' ca ma'. Ac i ma' na ca tomi' mip ne ca tomi' wa ca taraju ta' ma'.

Apocalipse 12:12 Iomraidhean Croise

Lucas 15:10

Je ca tomi' xuhu' ca' ac tococwa na. Tomi' querec te ac i ma' nana oro jam co taramaja mi' nonon Iri' Jam, tomi' querec te tamana nonon wari' co cwirin' pin nain ca caracat nucun. Xica' pe paxi' na, tomi' querec te tamana nonon ta na ca tomi' tococwa ma'.

Lucas 2:14

Tomi' querec te tomi' querec te pi' pin nonon Iri' Jam oro co to nanain iri' pawin cain. Toron toron om pin tara ximicocon oro wari' co xiram pa' pan ca pain macan' ca' quem na ca tomi' caca ma'.

Hebreus 10:37

Je ca tomi' capari' capijacon Iri' Jam ca': Maqui' ta' iri na co ma' co maqui' ta' ma'. Om ta om om ca, maqui' ho' ta' na.

2 Pedro 3:8

Je ca tomi' xuhu' pain ca tomi' querec te xuhu' ca'. Ta ji'am pin hwein i ca' ca tomi' xim xuhu' ca' me: Ca xica' pe nein xec ma', je pain ca 1.000 nein cawaxi' ma' quem, an an ari na con Taramaxicon Iri' Jam. Om ca querec pira con ca 1.000 nein cawaxi'. Ac ca xica' pe ne na xec con.

Apocalipse 10:6

Om ta winim' mami' ca Iri' Jam ta ac ca na. Iri'o' na ca tomi' ne ca', wara an pe xo' nain ca coromicat nucun Iri' Jam co e' cara cwa', co tomi' ma' pin nain pawin je macan' je cote ne com je oro carawa ca to nain quem. Om ta winim' mami' ca.

Apocalipse 11:10

Tomi' querec te tamana tatara oro wari' co to nanain oro xijein macan' ma', tomi' querec te tamana tatara pain ca cono' pin nucucun. Tomi' querec te xi' e', xi om ne ca cono' pin ara caca caram ma' co to' jain jain nanapari' pain ca to xin oro xijein macan' ta tatara, mi' querec te caracan ac xucucun tara pain oro carawa quem.

Apocalipse 11:14

Je ca ma' 2 pin ne carawa ca om awi ca hwet pa' mami' nonon oro wari' pain macan' ca', pain ca to' ximin tamana mami' cocon ma'. Ame hwe e', ma' ma' wet na wirain carawa ca om awi ca hwet pa' ton nonon quem.

Apocalipse 12:9

Xin hwet pin ac tocwa na co ma' co ac cote ne caji hop ma'. Wirico co ma' co caxicon em' cara pane, co mixein nonon hwanana pain cara pane. Wirico co Caxicon Jam ma', co Satanás na xijein wixicon ma', wirico co mixein taxipa' nonon oro wari' pain macan' ca'. Xin pan' hwet pin ac tocwa na pain macan'. Wixicaracao' camara' hwet pin ac tococwa na pain macan' oro caxicon jam co taramaja mi' nonon ma' quem.

Apocalipse 13:6

Mija na ca tomi' napat con Iri' Jam. Tomi' noro non, tomi' noro nain ca pe pan ca, tomi' noro nonon oro co to nanain pawin quem.

Apocalipse 18:20

Merem ac tococwa tara oro wari' nucun Iri' Jam: Wahu' pain ca to hwein pawin ma', tomi' querec te tamana je! Wahu' quem, pain ca wari' nucun Iri' Jam hwe ma', wahu' quem oro apóstolo cocon oro profeta ma' quem, tomi' querec te tamana je! Wap pin nonon oro wari' nein Babilônia Iri' Jam ma', wap pin nonon oro co an xiho' nanam caxicam narima'. Xi om ne ca quep em' ara cuhu' pane ta. Ac i ma' tara ca merem tococwa ma'.

Apocalipse 8:13

Noro noro wet inain, taraju ac ton na wajo co ho pe pawin. Tomi' mip ac ca na: Ximin tamana tatara oro wari' ta. On iri tatarain caji taracom oro xucucun jam co taramaja mi' nonon Iri' Jam ma' ne, co ma' 3 nana ma', co om on querec nanain caji taracom nucucun ma', ximin tamana ac caca tara oro wari' co to nanain macan' ma', pain ca maqui' pa' toton cocon carawa ca om awi. Wa inonon me, wa inonon me, wa inonon me, ac i ma' na ca tomi' mip ca ma'.

Apocalipse 9:12

Je i ma' carawa ca om awi ca hwet pa' cain' nonon oro wari' pain macan' ca', pain ca to' ximin tamana cain' cocon ma'. Ame hwe e', ma' 2 ma' 2 wet na carawa ca om awi ca hwet pa' ton nonon quem.