Apocalipse 12:1 - Tradução Bíblica Pacaas Novos

¹ Hwet qui' ac ne na carawa pain pawin ma'. Wa wa tamana inain. Ac narima' na. Tomi' joc mam' mi' nain carawa ca maqui' ta' ma' quem. Cwere mam' pin nam xina, ac womicam na. Xat pe non panawo'. Pe nain caji waji' nucun taramaxicon ca ma' 12 ca pijo' pain winacam quem.

Apocalipse 12:1 Iomraidhean Croise

Mateus 12:38

Ma' ac caca na oro fariseu cocon oro co ca' na taxipa' nanain ca xirao' nucun Moisés ma', tomi' ac cocon na Jeju: Tomi' xim urut pum ta Taramaxicon co ca' na taxipa' capijacon Iri' Jam. Ara rain carawa ca to' querec pin' naparut pain ca pe ho' quem ca hwara' opa nucun Iri' Jam ta. Querec xixi' na urut pain pum ta nonon.

Mateus 24:30

Hwet qui' ac nein pawin tara i ma' ma', ca to' querec pin' tococwa oro wari' pain ca maqui' ta' ne ca'. Wata' pain ca Iri' Wari' ta' ca', maqui' ac ta' tara. Mam' maqui' tain ca hwara' opa ne pain ca toc meremem tamana ne. Oro wari' pain oro xijein macan' ma', awaran awaran xam' ac caca tara pain ca querec cacapa' pain ca maqui' ta' pain tajain nanawin.

Marcos 13:25

Camara' qui' tarain pawin oro pijo'. Cocoroc cocoroc pi' pin tara oro coximinain pawin quem.

Lucas 21:11

Jain jain tamana tatara oro wari' pain oro xijein macan'. Cocoroc tamana tara macan', om pin tara carawa ca cao' wa, mija tara ca caxi tamana wa quem. Hwerehwet qui' tara pain nanawin ca om awi camain' ca to' querec pin' ton nonon oro wari' pain ca maqui' ta' ne ca om awi camain' ne. To' jin' tamana totoron.

Lucas 21:25

Hwerehwet qui' tara oro carawa ca to' querec pin' ton nonon oro wari' pain ca maqui' ta' ne ca om awi camain' wa ta ac tococwa na. Hwerehwet qui' tara con xina con panawo' con oro pijo' ma'. Oro wari' pain oro xijein macan' ma' quem, jain jain tamana tatara pain ca ximin nucucun. I'ina tamana tara ximicocon pain ca jein mama' xi' caca pain ca iriman mip ne hotowa pain cote ne com pain ca mana' nein ma', je pain ca wap tamana nein ma' quem.

João 3:29

Win ca wari' co an tam narima' ma'. Win ma' ca ma' iri na ne, quep xiho' e' non, tomi' querec te e' non. Taraju iri nain ca tomi' nucun ne, tomi' querec te ac ca na. Ac i ma' ina con Jeju quem. Tomi' querec te tamana ina pain ca tomi' hwet mahu' cocon oro wari' co hwet nonon ta.

Atos 2:19

Ara an hwet pe tain pain nanawin oro carawa jimao ca om ara taxi' ne ca wari' wa. Wa wa ac cacapa' tara oro wari'. Ac i ma' ta' pain macan' ma' quem. Querec pin' ac cacapa' tara pain ca hwara' opa ne. Mija tara wic, mija tara xe, ac tajain nanawin tara ca mixem ne tain' ma' quem.

Romanos 13:14

An xiho' xun Taramaxicon nexi' Jeju Cristo. Win cwere xun, ac ca to xun tara. Win ne ca to xun wom cwa', ac ca to xun tara pain ca an xiho' xun pain oro ca ara nucun, je pain oro ca coromicat nucun. Maho' xin ca coromicat an to xo' wa oro ca param ximao wa ta.

Romanos 3:22

Wata' tara co to' hohot pin nuhu' ta napari' Iri' Jam. Xi om ne ca howa ara hun Jeju Cristo ta napari'. Tomi' ca' napari': Wari' co howa non panxita' Jeju Cristo cwa', to' hohot pin ton ta napari'. Oro wari' co howa nonon Jeju Cristo cwa', to' hohot to' hohot pi' pin toton ta napari'. Xi jimama' ca' xujuhu' ta napari'. Ac wiricoco pi' pin mahu' ta napari' Iri' Jam.

2 Coríntios 11:2

Xi jain jain ara xuhu' pain ca querec wet xo' xuhu' ta. Wirico Iri' Jam co mi' napa' pain, jain jain pan nuhu' pain ca querec wet xo' xim cuhu' quem. Querec querec ac xojam' co om quep xirac cwa' mahu', wara tomi' an pe mi' inuhu' con Cristo, co ac iri' tarama' nuhu' ma' quem. Xica' pe tara Cristo co tarama' ne hwe ta inuhu' quem.

Gálatas 3:27

Xi win cwere pin ara hun Cristo pain ca an hwet hwein ca howa nuhu' pain ca ja' xihwe pain com pane ta. Ac ca to hun na, win ne ca to xun xocoricon wom cwa', ac i ma' hun Cristo pain ca win cwere pin hun.

Gálatas 4:26

Jerusalém ca pe pawin cain iri na ne, tomi' joc mam' mi' ta cam Sara ma'. Xi ma' ca wari' co taramaja mi' e' cama ta. Wiricam na co na' iri', ac ca wijima capari' na.

Gálatas 6:14

Wata' iri na ne, noc inain ca xec xec wa. Ac ca xec xec e' ta' na pain ca tomi' querec te ton Taramaxicon nexi' Jeju Cristo pain ca mi' pin caho' capari' pain pana pane. Ac ca xec xec e' tain na panaxicon ta. Horoman pin napa' oro caramaji macan' ca', horoman pin napa' oro ca param ximama' wa ca' quem. Ac ca cono' ca' capa' na, xi win xumu mami' tain ta.

Efésios 5:32

Pain capijacon Iri' Jam ca tomi' ta' ca', con tarama' co pe ho' pin nam manacon ma', awi tamana na ca coromicat nucun ca an hwet mi' capari' ca', ca om taraju pa' iri' ira. Ca' na ca taraju pa' ne quem: Tomi' non Cristo pain ca om noc capari' pain ca howa xun ca', ac i ma' na ca taraju pa' ne.

Apocalipse 1:20

Tomi' xo' xim inem con oro pijo' pain oro ca mam' tom pe ne naran ca' quem. Ma' na ca tomi' mao nucun oro pijo' co ma' 7 cwa', co querec ma cwa', co cut ta' pain mu pain iri' cwere ca'. Ma' na ca tomi' mao nein ca mam' tom pe ne naran ca' quem, ca ma' 7 ca'. Oro pijo' cwa', co ma' 7 cwa', tomi' joc mam' mi' nonon co an xin tiquin' mi' nonon pain ca tomi' ne oro co howa to nanain oro cidade ca ma' 7 ma'. Oro ca mam' tom pe ne naran ca' iri na ne, ca ma' 7 ca' quem, tomi' joc mam' mi' nonon oro co cut in xucucun pain ca howa cacapa' ma', co to nanain oro cidade nucucun ca ma' 7 ma'. Ac i ma' na ca tomi' capa' ma'.

Apocalipse 11:19

Pa ac xine na xiricon Iri' Jam pain pawin ma'. Querec ac tain na iri' panaxicon ma', ca cut ho' pe xine pacun ca xirao' pe mi' tococwa oro wari' nucun ma', pain ca tomi' ha' xine tococwa ma'. Coc irija' ac ca na comerem ma', toroho mip pan na comerem quem, mija na. Cocoroc ac ne na macan' ma' quem. Nuru mip ac ne na camana', camara' ac ne na caji pacun nein xowi' ma' quem. Mija na.

Apocalipse 12:3

Hwet qui' ac ne na xijein carawa pain pawin. Tomi' joc mam' mi' nain carawa ca maqui' ta' ma' quem. Co ma' co ac iri' cote ne hop na co hwet qui' ma'. Paca' na. Ma' 7 na winacon, ma' 10 na pixicon quem. Pe pe xam' nain oro winacon caji waji' nucun taramaxicon.

Apocalipse 15:1

Querec ac tain na xijein carawa pain pawin. Tomi' joc mam' mi' nain carawa ca maqui' ta' ma'. Wa wa tamana inain. Querec inonon jam co taramaja mi' nonon Iri' Jam. Ma' 7 nana. Ma' 7 na oro ca xirac wa ca ara xi' caca ma', ca to' jain jain xun nonon oro wari' pain oro xijein macan' quem. Pi' pin iri tara ca to' jain jain xun tococwa ne, pi' pin ac ne tara ca mana' nucun Iri' Jam.

Apocalipse 21:14

Ma' 12 na cote ne pacun ca to' teren nain caximain ca tao' caho' nein ma' quem. Iri' cote ne pacun pain oro caximain. Xirao' ta wixicocon oro apóstolo nucun co ma' co ac Wijimain Taramaji Ovelha ma', xirao' pe xirao' pe xam' ta pain oro cote ne pacun pain caximain.

Apocalipse 21:23

Om ca ma' xira xina co toha mi' napari' na caca oro wari' co to nanain cidade. Om ca ma' xira panawo' co toha mi' napari' na caca quem. Xi toha mi' pan ara cocon ca toc meremem nucun Iri' Jam ta. Co ma' co ac Wijimain Taramaji Ovelha ma', toha mi' nonon quem, wirico pan co ac naran nonon.