Apocalipse 11:2 - Tradução Bíblica Pacaas Novos

² Miri'om rain ca tao' caho' nein ma', ta tacan main me. Xi mi' ara tococwa pain oro xucucun wari' co om judeu nana ta. Ma' 42 tara panawo' pain ca to' em' xin cacain cidade ne ca', je Jerusalém ca'.

Apocalipse 11:2 Iomraidhean Croise

Mateus 27:53

E' mami' iri na Jeju ma' ne, hwerehwet ca' ac cacain na oro manain pacun ca cut corom to tococwa ma', mama' ac cacain na Jerusalém ma', ca pe pan ne cote ne xiricon Iri' Jam ma'. Mija nana wari' co querec nonon pain Jerusalém.

Mateus 4:5

An mao ac con na pain Jerusalém ma'. Wara ca' na xonein cote ne xiricon Iri' Jam ma', pain iri' tamain ma', an xat pe ac con na.

Mateus 5:13

Wahu' pain ca howa mahu' ma', ac sal hwe cocon oro wari' pain macan' ca' ac tococwa na. Noro jein sal ma'. Mo ta wita wita om ne sal ma', mo ta camain' pin ne. Cain' xi wita mami' ne quem? Wita mami' tara ra? Om na, om ca wita mami' ne. Wixicao' pin e' ta, xom pin ac cacain na oro wari' co xuruxut in nana ma'.

Lucas 21:24

Ma' tatara co to' parapa' pin xun wawa pain cote ne quit, ma' tatara oro xucucun co quep xun wawa, cut mama' ac tococwa tara pain oro xijein macan' ma' quem. To' quiji' pin ac tococwa tara oro wari' nein Jerusalém. Oro tatirim co om judeu nana ma', wiricoco pan tatara co to' quiji' pin nonon. To' quiji' to' quiji' maqui' pa' ac cocon tara xec ca wara coromicat an pe xo' mi' cocon pain Iri' Jam pane.

Hebreus 10:29

Wap ac i ma' ta wari' co om tomi' ha' ra na nain ca xirao' nucun Moisés pane. Je ca tomi' xuhu' ca'. Cain' ca coromicat mi' hun wari' co tomi' xirac non Panxica Iri' Jam quem? Cain' ca coromicat mi' hun wari' co tomi' ximao nain quicon Jeju ca mam' tomi' an pe xo' cain xocori ca tomi' xo' nucun Iri' Jam ma', ca mam' to' hohot ton paxi' non ma' quem? Cain' ca coromicat mi' hun wari' co tomi' xirac nain Tamataracon Iri' Jam ca xiram pa' pan non quem? Om ca hohot ne pain ca wap mip tocwa ra? Hohot ne ca' ira!

Apocalipse 11:11

Ma' 3 pin iri na xec pain ca to' parapa' pin tococwa ne, je pain ca tocon xina pa' pin tococwa pain xijein xec quem, huco' mi' pan ac cocon na pain iri' ca e' nucun Iri' Jam. Tequi' to pin ac caca na, jin' tamana ac caca na oro wari' co querec nonon pain ca tequi' to pin nucucun. Om ca jin' pije' camain' caca.

Apocalipse 11:3

Ma' 2 tatara wari' ne co pijim' xin nanain capija ca iri'o'. To totoron caxicon wom, ma' ta querec pin' cacapari' pain ca tomi' xaxa' nexi' pain ca caracat nucucun oro wari' ta tatara. Pijim' hwet ac cacain tara capija. Ma' 1.260 tara xec pain ca pijim' nucucun. Ac i ma' na ca tomi' capa' ma'.

Apocalipse 12:6

Mo mao ac cama na jicon ma', pain mahweri ma'. Wara an pe xo' nain ca pe ra cam Iri' Jam. Ma' ta querec wet pe xima pain i cain ta nam. Je ca mo mao cama ma'. Ma' 1.260 na xec pain ca querec wet tacama pain i cain.

Apocalipse 21:10

Pe ho' mip ac capa' na Tamataracon Iri' Jam. O mao ac capa' na jam co taramaja mi' non quem, o mao napa' pain cote ne pacun ca mao tamana pawin. An hwet mi' ac capa' na pain Jerusalém ma', iri' cidade nucun Iri' Jam ma', ca quiji' qui' nain pawin ma'. Maqui' nain ca pe pan ca Iri' Jam.

Apocalipse 21:2

Querec ac tain na cidade nucun Iri' Jam ma', Xocori Jerusalém ma'. Quiji' qui' nain ca pe pan ca pain pawin cain. Awi tamana na, an xiho' nam narima' co ara awi pan xequem con wom co awi ma', pain ca winim' con taxicam co an tam nam ma'.

Apocalipse 22:19

Wari' co xic am nain ca xirao' nein ma', am xic am wijimain e' tarain, wap ac tocwa tara quem. Wirico Iri' Jam tara co wap ton non. Nain ho' toron pain ca xac wa winain panaji memem ca mi' nain ca e' cara wa, nain ho' toron pain ca corom wa cidade nucun quem.