Apocalipse 11:14 - Tradução Bíblica Pacaas Novos

¹⁴ Je ca ma' 2 pin ne carawa ca om awi ca hwet pa' mami' nonon oro wari' pain macan' ca', pain ca to' ximin tamana mami' cocon ma'. Ame hwe e', ma' ma' wet na wirain carawa ca om awi ca hwet pa' ton nonon quem.

Apocalipse 11:14 Iomraidhean Croise

Apocalipse 15:1

Querec ac tain na xijein carawa pain pawin. Tomi' joc mam' mi' nain carawa ca maqui' ta' ma'. Wa wa tamana inain. Querec inonon jam co taramaja mi' nonon Iri' Jam. Ma' 7 nana. Ma' 7 na oro ca xirac wa ca ara xi' caca ma', ca to' jain jain xun nonon oro wari' pain oro xijein macan' quem. Pi' pin iri tara ca to' jain jain xun tococwa ne, pi' pin ac ne tara ca mana' nucun Iri' Jam.

Apocalipse 8:13

Noro noro wet inain, taraju ac ton na wajo co ho pe pawin. Tomi' mip ac ca na: Ximin tamana tatara oro wari' ta. On iri tatarain caji taracom oro xucucun jam co taramaja mi' nonon Iri' Jam ma' ne, co ma' 3 nana ma', co om on querec nanain caji taracom nucucun ma', ximin tamana ac caca tara oro wari' co to nanain macan' ma', pain ca maqui' pa' toton cocon carawa ca om awi. Wa inonon me, wa inonon me, wa inonon me, ac i ma' na ca tomi' mip ca ma'.

Apocalipse 9:12

Je i ma' carawa ca om awi ca hwet pa' cain' nonon oro wari' pain macan' ca', pain ca to' ximin tamana cain' cocon ma'. Ame hwe e', ma' 2 ma' 2 wet na carawa ca om awi ca hwet pa' ton nonon quem.