Apocalipse 10:11 - Tradução Bíblica Pacaas Novos

¹¹ Tomi' ac capa' na: Tomi' hwet mami' rain carawa ca hwet pa' ton nonon oro wari' cocon oro taramaxicon pain oro xijein macan' ma', wiricoco co to ni ca' nonon oro xucucun wari' pain macaracocon ma', co to nanain oro xijein macan' ma', wiricoco co capija ni ca' xucucun ma' quem. Tomi' hwet mami' roron pain carawa ca hwet pa' ton nonon ta, ac i ma' na ca tomi' capa' ma'.

Apocalipse 10:11 Iomraidhean Croise

Apocalipse 10:10

An ca' ac ton pain na, cao' ac tain na. Wita cain' napa' pain capija. Cao' pin iri inain ne, wijein' pin ac capa' na pain pemene.

Apocalipse 11:1

Mi' ac capa' na pain taparain pana ca mam' tacan wa ma', ac pana ca mam' xut wa na. Tomi' ac capa' na: Tacan rain cote ne xiricon Iri' Jam ma', tacan rain pana ca tom tain' pe xine carawa ma' quem. Tomi' rain ca mija nucucun oro co to nanain quem, co pe torotop mi' querec te nanapa' pain ca in ac cacapa' ma'.

Apocalipse 11:9

Querec querec xam' totoron oro wari' co to ni ca' nonon oro xucucun wari' pain macaracocon ma', co xucun wari' xucun wari' pi' pin nana ma', co capija ni ca' xucucun ma', co maqui' nanain oro xijein macan' ma' quem, querec querec xam' tatarain curucucun co to' parapa' wawa ma'. Ma' 3 tara xec pain ca querec e' cacain curucucun. Tocon xina pain xijein xec pa' totoron quem, querec e' tatarain curucucun. Narain ho' ac tococwa tara oro wari' pain ca tequi' pa' cocon quem.

Apocalipse 14:6

Querec ac ton na xucun jam co taramaja mi' non Iri' Jam. Ho pe nain iri' pawin. Tomi' hwet tain capijacon Iri' Jam ca om pi' ra ha' ma', ca tomi' hwet nonon pain ca to' witan pin toton cocon oro wari' Iri' Jam ta na. Tomi' hwet toton pain oro wari' co to nanain macan' ma', wiricoco co to nanain oro xijein macan' ma', cocon oro co xucun wari' xucun wari' pi' pin nana ma', cocon oro co capija ni ca' nonon oro xucucun wari' ma', cocon oro co to ni ca' nonon oro xucucun wari' pain macaracocon ta na.

Apocalipse 17:10

Oro winacon ma', an xiho' nonon oro taramaxicon co ma' 7 nana ma' quem. Wara to' om 5 pin tata, taramaxicon taramaxicon wet ac ca na xucun ma', om ca maqui' querec ca xucun ma' quem. Maqui' pin iri tara xucun ne, mi' ac tocwa tara pain ca taramaxicon wijimain e' ca, om ta taramaxicon cara ca.

Apocalipse 17:12

Tomi' tomi' tiquin' ac capa' na: Querec main oro pixicon co ma' co ac caji carawa ma'. Ma' 10 na. Oro pixicon ma', tomi' joc mam' mi' nonon oro taramaxicon co ma' 10 nana quem. Om ca taramaxicon querec caca, ame ma e'. Mi' xun ac tococwa tara pain ca taramaxicon wa. Taramaxicon wi tatara con co ma' co ac caji carawa ma'. Om ta taramaxicon cara caca, pi' pin hap tara ca taramaxicon nucucun.

Apocalipse 17:15

Tomi' tomi' tiquin' ac capa' na quem. Oro iri' cwerein com ca querec ma ma', ca xao pe pe cama caxicam narima' ma', tomi' joc mam' mi' nonon oro wari' co to nanain oro xijein macan'. Mija nana, capija ni ca' xucucun.

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.