Apocalipse 1:16 - Tradução Bíblica Pacaas Novos

¹⁶ Cut 7 non pijo' pain micon ma', pain iri' curucun ma'. Hwet qui' nain capijacon cote ne quit ca ma' 2 quirinain ma', ca xa xa pi' ma'. Toc meremem na tocon quem, an xiho' non xina pain ca toha mip ca ma'.

Apocalipse 1:16 Iomraidhean Croise

Mateus 17:2

Ca noro noro cocon Jeju ma', jimao pin ac ne na tocon. Toc meremem pin na con, an xiho' non xina. Towo' tamana pin na womicon quem. An xiho' nain naran ca toha mip ma'.

Atos 26:13

Mao ac ta' na pane. Mo mo mo, tocon xina pin iri na ne, querec ac tain na naran ta taramaxicon. Joc xec qui' nain pawin. Toha mip na, amon toha pije' na xina ma', toha tamana napa' naran ca querec ta' pane. Joc xec joc xec mam' pin napa', joc xec joc xec mam' pin tata oro win ma' ta' co ja' ja' nanapa' quem.

Efésios 6:17

Noro jun soldado pain ca pe cain caji waji' pain winacon ma' quem. Mam' quep caho' nain winacon pain caji waji' nucun. Ac i ma' je quem, ac ca quep caho' hwein tara ca coromicat nuhu' ma', pain ca mam' pe wet cara hwein i ca' con Jeju quem, pain ca to' witan ca' cuhu' pain ca wap wa pain ca caracat nuhu' ma'. Noro jein capijacon Iri' Jam ca an xiho' nain cote ne quit nucun soldado ca mam' mixita ca ma' quem. Mam' tomi' napari' pain capijacon Iri' Jam Tamataracon. Na e' na pain ca noro hwein pain ca tomi' ha' hwein ta. Na ac cuhu' tara pain ca mam' ari hun pain Caxicon Jam.

Hebreus 4:12

Oro capijacon Iri' Jam ma', ac ca e' ne ara xi' na. Meo napari'. Hwara' opa na. An xiho' paxi' nain cote ne quit ca ma' 2 quirinain ma', ca xa xa pi' ma'. Ane xa mip pan ne capijacon Iri' Jam ne. Ac ca wac corom capari' na. Ac ca hwet nein na iri' ximixi' pain tamataraxi' je pain oro ca param nexi' ca'. Ac ca hwet nein na oro ca coromicat nexi' pain ximixi'. An hwet mi' napari' pain ca coromicat nucun pain ca coromicat mi' pan capari' pain oro ca param nexi' je pain oro ca coromicat nexi' ca' quem.

Apocalipse 1:20

Tomi' xo' xim inem con oro pijo' pain oro ca mam' tom pe ne naran ca' quem. Ma' na ca tomi' mao nucun oro pijo' co ma' 7 cwa', co querec ma cwa', co cut ta' pain mu pain iri' cwere ca'. Ma' na ca tomi' mao nein ca mam' tom pe ne naran ca' quem, ca ma' 7 ca'. Oro pijo' cwa', co ma' 7 cwa', tomi' joc mam' mi' nonon co an xin tiquin' mi' nonon pain ca tomi' ne oro co howa to nanain oro cidade ca ma' 7 ma'. Oro ca mam' tom pe ne naran ca' iri na ne, ca ma' 7 ca' quem, tomi' joc mam' mi' nonon oro co cut in xucucun pain ca howa cacapa' ma', co to nanain oro cidade nucucun ca ma' 7 ma'. Ac i ma' na ca tomi' capa' ma'.

Apocalipse 10:1

Querec ac ton na xucun jam co taramaja mi' non Iri' Jam. Hwara' opa na. Quiji' qui' nain pawin. Wiric pa' non tajain nanawin, ac wom na con. Ma' na wanaxicon comerem pain winacon ma', pain tamacon. Ac xina na tocon. Ac xipain xirim ca tom ma' na aracon ma' quem.

Apocalipse 12:1

Hwet qui' ac ne na carawa pain pawin ma'. Wa wa tamana inain. Ac narima' na. Tomi' joc mam' mi' nain carawa ca maqui' ta' ma' quem. Cwere mam' pin nam xina, ac womicam na. Xat pe non panawo'. Pe nain caji waji' nucun taramaxicon ca ma' 12 ca pijo' pain winacam quem.

Apocalipse 19:15

Hwet qui' nain capijacon cote ne quit ca xa ma', ca mam' to' quiji' pin toton cocon oro wari' co to nanain oro xijein macan'. Iri' taramaxicon tara, taramaxicon hwara' opa tamana tara. Om ta xiram pa' camain' cocon oro wari' co om tomi' ha' nonon. To' quiji' pin totoron, ac ca xom xom torotot pin xine tara winain uva pain manain cote ne pacun ca tomi' joc mam' mi' nain ca mana' nucun Iri' Jam ma', co hwara' opa tamana pan.

Apocalipse 19:21

Oro taramaxicon cocon oro soldado nucucun ma' iri nana ne, to' parapa' pin ac tococwa na, mam' to' parapa' tata pain cote ne quit ca hwet qui' nain capijacon co ma' co xao pe nain cavalo ma'. Cao' cao' pi' pin ac cocon na maho. Ma'am ca' nonon quem.

Apocalipse 2:1

Tomi' ac capa' na: Xirao' mi' ron co ma' co querec wet nonon co howa to nanain Éfeso. Xirao' mi' ac i ca' ron: Je i ca' ca tomi' xim cuhu' co cut 7 non pijo' pain micon ma', pain iri' curucun ma', co xut in pe nain ximijain oro ca mam' tom pe ne naran ma', ca ma' 7 ma', ca mam' quep xine pain ouro ma' quem, tomi' ca' xim nuhu':

Apocalipse 2:12

Tomi' ac capa' na: Xirao' mi' ron co ma' co querec wet nonon co howa to nanain Pérgamo. Xirao' mi' ac i ca' ron: Je i ca' ca tomi' xim cuhu' co ma' non cote ne quit ca xa xa pi' ca'. Tomi' ca' xim nuhu':

Apocalipse 2:16

Je ca tomi' xuhu' ca': Cwirin' pin jein ca caracat nuhu'. Mo ta om cwirin' pin hwe, hwet hap ac xuhu' tara, mam' mixita ac toton tara pain cote ne quit ca hwet qui' nain capija ta.

Apocalipse 3:1

Tomi' ac capa' na: Xirao' mi' ron co ma' co querec wet nonon co howa to nanain Sardes. Xirao' mi' ac i ca' ron: Je i ca' ca tomi' xim cuhu' co ma' co taramaxicon pe ho' nain Tamataracon Iri' Jam ma', ca ma' 7 ne ca hwara' opa nein ma', co ma' co taramaxicon pe ho' nonon oro co ac pijo' co ma' 7 nana ma' quem. Tomi' ca' xim nuhu': Taxi' inuhu' pain oro ca ara hwe ma'. Ac ca howa xo' mahu' na, howa xo' totoron xi' ma nunuhu' oro wari' pata'. Ane om howa iri'o' mahu' ne.