Apocalipse 1:12 - Tradução Bíblica Pacaas Novos

¹² Noro in ac ta' na, querec ton co tomi' napa' ma' ina ira. Noro in iri ina ne, querec ac tain na oro ca mam' tom pe ne naran ma', ca mam' quep xine pain ouro ma'. Ma' 7 na.

Apocalipse 1:12 Iomraidhean Croise

Apocalipse 1:13

Ximija pe nain oro naran wari' ma'. Ac wari' paxi' na. Pe non cote ca wom co hwet nain caximacon. Tucu pan xucun pain quimacon, mam' quep ta pain ouro ca mam' tucu pan xucun ma'.

Apocalipse 1:19

Je ca tomi' xim ca' ac capa' na. Xirao' pe ra pain tapari carawa pain oro ca querec ma cara ne, je pain oro ca querec ta' ma pain xocori ca', je pain oro ca maqui' ta' pa'ao' ma' quem, xirao' xirao' pi' pin rain.

Apocalipse 1:20

Tomi' xo' xim inem con oro pijo' pain oro ca mam' tom pe ne naran ca' quem. Ma' na ca tomi' mao nucun oro pijo' co ma' 7 cwa', co querec ma cwa', co cut ta' pain mu pain iri' cwere ca'. Ma' na ca tomi' mao nein ca mam' tom pe ne naran ca' quem, ca ma' 7 ca'. Oro pijo' cwa', co ma' 7 cwa', tomi' joc mam' mi' nonon co an xin tiquin' mi' nonon pain ca tomi' ne oro co howa to nanain oro cidade ca ma' 7 ma'. Oro ca mam' tom pe ne naran ca' iri na ne, ca ma' 7 ca' quem, tomi' joc mam' mi' nonon oro co cut in xucucun pain ca howa cacapa' ma', co to nanain oro cidade nucucun ca ma' 7 ma'. Ac i ma' na ca tomi' capa' ma'.

Apocalipse 2:1

Tomi' ac capa' na: Xirao' mi' ron co ma' co querec wet nonon co howa to nanain Éfeso. Xirao' mi' ac i ca' ron: Je i ca' ca tomi' xim cuhu' co cut 7 non pijo' pain micon ma', pain iri' curucun ma', co xut in pe nain ximijain oro ca mam' tom pe ne naran ma', ca ma' 7 ma', ca mam' quep xine pain ouro ma' quem, tomi' ca' xim nuhu':

Apocalipse 4:1

Pi' pin iri na ca tomi' capa' ne, noro ac ta' na, querec ac tain na man ca pa xat pain pawin ma'. Tomi' mami' ac capa' na co wara tomi' napa' ma', co an xiho' nain caji taracom ca tomi' nucun ma'. Tomi' ac capa' na: Piri' qui' ra, an hwet mi' ac xim tara pain oro carawa ca maqui' ta' ma' quem, ac i ma' na ca tomi' capa' ma'.