3João 1:4 - Tradução Bíblica Pacaas Novos

⁴ Je i ma' ca ja' tomi' querec te tamana napa' ma', pain ca taraju toton oro co ac ca mana panxita' caca ne ma', pain ca xuruxut xo' caca pain ca tomi' ha' cara cacain capijacon Iri' Jam ca iri'o' ta.

3João 1:4 Iomraidhean Croise

2 Coríntios 6:13

Win urut pahu', tomi' inuhu' pain ca ac ca mana panxita' xuhu' ne ca'. Tomi' querec te tamana xut me inuhu'.

Gálatas 2:14

Querec pin' iri inonon pain ca om xuruxut xo' nucucun ne, pain ca om tomi' ha' cacain oro ca hu nucun Jeju ca iri'o' ma', ca ara je capari' ma', tomi' in pin ac ton na Pedro. Taraju taraju pi' pin nanapa' pain ca tomi' in pin ton quem. Tomi' ca' inon: Cain' cain' xima quem Pedro, ac i ma' na ca tomi' ton ca'. Judeu paxi' ma, ane om an xiho' mami' momon oro hwanana nexi' co tomi' ha' taxipa' nanain oro ca xirao' nucun Moisés ne. An xiho' pin momon co om judeu nana cwa'. Cain' cain' xima quem? Ac ca cuc cuc momon a xira co om judeu nana ma', ac ca an xiho' jujun oro judeu pain ca tomi' ha' cacain oro ca xirao' nucun Moisés ta momon na. Ac i ma' na ca tomi' in pin ton ma'.

Gálatas 4:19

Jain jain inuhu' ta hwijima', ac ca mana panxita' xuhu' ara xi' na. Wara jain jain inuhu' pain ca xo' pijim' ten qui' xuhu' pane. Jain jain mami' inuhu' pain xocori ca' quem. An xiho' inam narima' co jain jain pain ca pan' ta' ca cawinacam ma', ac i ma' na ca jain jain mami' ta' pahu'. Jain jain tamana inuhu', an xiho' pin xiroron Cristo pain iri' ximicocon ta inuhu'.

1 Tessalonicenses 2:11

Taxi' maparut pain ca tomi' querec te tomi' querec te xam' urut pahu' pane quem. Win ca wari' co tomi' querec te tamana nanam mana panxica ma', ac i ma' na ca tomi' querec te tamana urut pahu' pane.

1 Timóteo 1:2

Wata' co xirao' mi' nem cwa' Timóteo. Tomi' querec te tamana inem. Ac ca iri' panxita' xim na, xi om ne ca howa ara ma pain ca tomi' hwet xim con Cristo Jeju pane ta. Param inon Cotere' Iri' Jam con Taramaxicon nexi' Cristo Jeju pain ca quep xiho' quequem pain ca mi' quequem pain ca param nucucun. Param inonon pain ca xiram pa' quequem, je pain ca mi' quequem pain ca om toron ne xumum quem.

2 Timóteo 1:2

Xirao' mi' mami' inem ta Timóteo. Ac ca panxita' xim na. Tomi' querec te tamana inem ta arain. Param inon Cotere' Iri' Jam con Taramaxicon nexi' Cristo Jeju pain ca quep xiho' quequem pain ca mi' quequem pain ca param nucucun. Param inonon pain ca xiram pa' quequem, je pain ca mi' quequem pain ca om toron ne xumum quem.

Filemom 1:10

tomi' toto e' inem. Xiram pa' ron Onésimo cwa', co ac panxita' cwa'. Ac ca wanxi' ton na, xi om ne ca howa pin ara ca pain ca tomi' hwet ton con Cristo pain xirinain ca tao' to tao' to to wa ca'.

1João 2:1

Xirao' mi' ac i ma' inuhu' pain ca ac ca mana panxita' xuhu' ne ca'. Ma' ta om caracat hwe ta inuhu'. Ane tomi' ca' xuhu' pain i ca' ne: Am ma' ca wari' co caracat ma'. Mam' pe wet xin i ca': Ma' napari' Jeju Cristo co om caracat camain' ma', co tomi' mi' napari' con Cotere'.

2João 1:4

Ma' nana humajum co querec ta' pane. Tomi' querec te tamana inonon, xi xuruxut xo' ara caca pain ca howa cacain capijacon Iri' Jam ca iri'o'. Tomi' ha' nonon Cotere' pain oro ca ara je capari' quem. Je ca tomi' querec te tamana toton ca'.