3João 1:3 - Tradução Bíblica Pacaas Novos

³ Ma' nana xerexi' co hwet nanaparut pane. Tomi' querec te tamana ina pain ca tomi' hwet cacaparut pain ca win xumu cara mon Iri' Jam ma', je pain ca xut xo' ma pain ca tomi' ha' cara main oro capijacon ca iri'o' ma' quem.

3João 1:3 Iomraidhean Croise

Atos 1:15

Maqui' ac ne na xec nein ca cut in mami' xucucun ma'. Ac ca ma' 120 caca na co cut in nana ma'. Tequi' pe xat ac cain ximijacocon na Pedro ma'.

1 Coríntios 13:6

An xiho' iri urun Iri' Jam pain ca om noc capari' ne, je pain ca om noc cocon oro wari' ma' quem, om ac ne na ca tomi' querec te xin ca pan teretem caca oro wari'. Tomi' querec te e' ac xin na ca ara xo' caca.

Gálatas 6:10

Je ca tomi' xuhu' ca'. Ma' iri nana wari' co ximin nana ma' ne, quep xiho' ac xuxun tara, je cwerexi' mao tara. Oro win ma' nexi' co nari iri' cwa', pain ca howa wi xun Cristo cwa', wiricoco tatara co quep xiho' tamana iri' quem.

Filipenses 1:4

Pain oro ca tomi' ton Iri' Jam cwa', tama' tomi' querec te inon pain ca tomi' mi' xuhu' con,

2João 1:2

Om ca noc urut pahu', xi om ne capijacon Iri' Jam ca iri'o' ta. Pe ho' napari', pe ho' cara tarapari' quem.

2João 1:4

Ma' nana humajum co querec ta' pane. Tomi' querec te tamana inonon, xi xuruxut xo' ara caca pain ca howa cacain capijacon Iri' Jam ca iri'o'. Tomi' ha' nonon Cotere' pain oro ca ara je capari' quem. Je ca tomi' querec te tamana toton ca'.

3João 1:10

Je ca tomi' xim ca', hwet iri xuhu' ne, tomi' xo' ac xuhu' tara pain oro ca pan tem nucun ma'. Tomi' napat taxipa' ara xi' naparut ta. Om ca tomi' napat xica' pe caparut, noc noc tata oro xerexi' co pijim' hwet nonon pain capijacon Iri' Jam oro wari' pain oro xijein cidade ma' quem. Noc tata co tomi' querec te nonon quem. Ta tomi' querec te huhun me ac tococwa na co tomi' querec te xuxun pan nonon ma', xin hwerehwet pin ac tococwa na pain ca cut in to xujuhu' ma' quem.

3João 1:2

Je ca tomi' xim pain ca tomi' querec te xim ca'. Tomi' mi' inem con Iri' Jam. Mi' ron pain ca awi wa, mi' ron pain ca om caxi wa quem inon pum. Mi' ron pain ca hohot hohot pi' pin con oro carawa, mi' ron pain ca awi wa pain iri' ximicon quem inon pum.

3João 1:4

Je i ma' ca ja' tomi' querec te tamana napa' ma', pain ca taraju toton oro co ac ca mana panxita' caca ne ma', pain ca xuruxut xo' caca pain ca tomi' ha' cara cacain capijacon Iri' Jam ca iri'o' ta.

3João 1:5

Je ca tomi' xim pain ca tomi' querec te xim ca'. Quep xiho' iri momon oro xerexi' co win howa ma ma' ne, om paxi' na ca wara querec pin' momon pane, ane ara xo' tamana main ca taramaja nem pain ca quep xiho' momon ne.