3João 1:1 - Tradução Bíblica Pacaas Novos

¹ Wata' pain ca querec wet toton oro co howa nonon Jeju cwa', wata' pan co xirao' mi' nem cwa' Gaio. Om ca noc camain' xim, tomi' querec te iri'o' inem.

3João 1:1 Iomraidhean Croise

Atos 11:30

Ara ac cacain na. Cut nanain dinheiro nucucun, cut mi' ac tocwa na pain Barnabé con Saulo ma'. Cut mi' jujun pain dinheiro nexi' oro xerexi' co querec wet nonon co howa nonon Jeju pain Jerusalém ta ac tococwa na, cut mama' ac cacain na.

Atos 19:29

Mija nana wari' co taraju nonon pain ca merem nucucun ma' quem. Ca merem merem caca ma', ca merem merem caca ma', mija ac caca na co jein hwet nonon ma'. Teretem teretem pi' pin ac caca na oro wari' nein Éfeso ma'. Quep ac tococwa na oro win ma' ca Paulo ma', wirico Gaio con Aristarco ma', co wari' nein Macedônia nana ma'. Quep iri tata ne, coc ororo mama' ac tococwa na pain cote ne ca tao' caho' nein ca cut in to taxipa' xucucun ma'.

Atos 20:4

Maji ta ac tococwa na oro win ma' ca ma'. Mo nana: Sópatro ma', co wari' nein Bereia ma', co te non Pirro ma'. Aristarco con Secundo ma', co wari' nein Tessalônica nana ma'. Gaio ma', co wari' nein Derbe ma'. Timóteo ma'. Ma' na Tíquico con Trófimo ma' quem, co wari' nein Ásia nana ma' quem.

Romanos 16:23

Mam' pe wet inonon ta nuhu' Gaio cwa'. Pi'am pe inain xiricon Gaio cwa'. Cut in to xucucun pain xiricon oro xerexi' co howa nonon Jeju quem. Mam' pe wet inonon ta nuhu' Erasto cwa', co querec wet nain dinheiro nein cidade ca' quem. Mam' pe wet inonon ta nuhu' coxari' Quarto cwa' quem.

1 Coríntios 1:14

Tomi' querec te inon Iri' Jam pain ca om wata' pan ne co ja' nuhu' pain com ta. Ja' e' inonon pain com Crispo con Gaio ma' pahu', om ca wata' ne co ja' nonon pain com oro xucucun ma' pahu'.

1Pedro 5:1

Je ca tomi' xuhu' pain ca querec wet huhun oro co howa nonon Jeju ma'. Tomi' mip inuhu', xi om ne ca querec wet pan ara toton oro co howa nonon Jeju pain i ca' ta. Tomi' hwet inonon oro wari' pain ca jain jain nucun Cristo, jao jao ma' ton pain ca an hwet pe xine ca awi nucun pain ca hwara' opa nucun quem.

1João 3:18

Je ca tomi' xuhu' ca', pain ca ac ca mana panxita' xuhu' ne ca'. Ta tomi' capijacocon e' xijexi' pain ca tomi' querec te inuhu' ta ximama' xijexi' me. Xiram pa' xijexi', quep xiho' xijexi'. Tomi' querec te iri'o' xijexi' quem.

3João 1:2

Je ca tomi' xim pain ca tomi' querec te xim ca'. Tomi' mi' inem con Iri' Jam. Mi' ron pain ca awi wa, mi' ron pain ca om caxi wa quem inon pum. Mi' ron pain ca hohot hohot pi' pin con oro carawa, mi' ron pain ca awi wa pain iri' ximicon quem inon pum.