2João 1:8 - Tradução Bíblica Pacaas Novos

⁸ Ma' tara xumuhu' me. Mo ta ha' huhun co pijim' mixein ac i ma' nana ma', waraju ac hwein tara oro ca taramaja nexi' pain ca taramaja mi' xun Iri' Jam. Howa cara iri jein oro ca pijim' mi' xihwe pain capijacon Iri' Jam ne, cut mi' cut mi' pi' pin ac cuhu' tara pain oro ca an to xo' mi' cuhu' Iri' Jam pain pawin cain.

2João 1:8 Iomraidhean Croise

Mateus 24:4

Om na, ma' tara xumuhu' me ac caparut na. Ta howa huhun oro wari' co mixein xim nunuhu' pain oro carawa ca maqui' ta' ma' me.

Marcos 13:23

Ma' tara xumuhu' me. Wara tomi' xo' inuhu' pain ca om hwet querec cuhu', wara tomi' hwet pi' pin inuhu' pain oro carawa ca hwet pa' xim nuhu' ta.

Marcos 13:9

Ma' tara xumuhu' me, xi quep xim ara cucuhu' oro wari' ta. Cut mi' ac cucuhu' tara cocon oro taramaxicon co juiz nana, wap to ac cucuhu' tara pain oro xirim ca cut in to xucucun ma' quem. Cut mi' tuturuhu' cocon oro taramaxicon, tomi' querec ac cucuhu' tara pain oro ca ara hwe ma'. Ara ac i ma' tuturuhu', xi om ne ca howa ara mahu' ta. Je i ma' ira, na e' na pain ca tomi' hwet huhun pain capija ta.

Lucas 19:19

Awi na ta ac con na taramaxicon nucun. Mi' xim pain ca taramaxicon wa quem. Ma' 5 tara cidade ca taramaxicon pe ra xim ta non.

Lucas 21:8

Om na, ma' tara xumuhu' me ac tococwa na. Ta howa huhun oro wari' co mixein xim nunuhu' pain oro carawa ca maqui' ta' ma' me. Xi mija xi' ara caca oro wari' co wata' ta nana pain ca an hwet cacain wuxu ca'. Tomi' ca' tatara oro xucucun quem: Wixicam pin na oro xec pain ca pi' pin ta' ne macan' ta tatara. Ta howa huhun me ta ac tococwa na.

João 4:36

Mo ta quep xiho' huhun, mo ta to' taraju pa' huhun pain capija ca', mo ta howa pin cacapa' pahu', mi' ac xihwe tara pain carawa ca awi pain ca taramaja nuhu'. Win ca waximain xitot co cut jein nonon pain caramaji totacon oro wari' nucun co taramaja mi' nonon ma'. Mi' ac tococwa na pain carawa ca awi pain ca taramaja nucucun. Oro wari' co howa nanapa' pahu', e' cara tatara, to ho' cara totoron Iri' Jam pain pawin quem. Wari' co pijim' hwet nonon pain capija oro wari' ma', an xiho' non wari' co oin' nain xitot. Oro xucucun co maqui' nana pa'ao' iri nana ne, co to' taraju pa' nonon pain capija ma', an xiho' nonon wari' co cut nanain caramaji xitot. Howa pin iri tatara ne, tomi' querec te wi ac caca tara quem.

1 Coríntios 15:8

Ja' tawuru ac toton na pain ca querec ton pain ca hwet pa' capa' pane, pain ca ac caxicon pije' co pan' orowaxicon ca' nam jicon ta' na pane.

1 Coríntios 3:14

Tom querec tarain ca taramaja nucucun Iri' Jam, ac je tara. Mo ta hohot ne ca taramaja nucucun pain ca pijim' nucucun ma', mo ta om tom pin ne, mi' ac tococwa tara pain oro ca awi wa.

1 Coríntios 3:8

Pain ca oin' tain tocwi pain xumuhu' ma', pain ca cam xo' cain Apolo ma' quem, quep xiho' xujuxut. An an ari xijein ca param nuxut pain ca taramaja nuxut ca' pahu'. Mi' mi' xam' taraparut pain oro ca awi wa Iri' Jam ta. Mi' taraparut pain carawa pain ca taramaja mi' urut con ca'.

Gálatas 3:4

To' i'ina pin iri nuhu' oro carawa pain ca xo' howa ten qui' hwe pane ne, jain jain tamana ac hwe na pain ca quep em' wa. Cain' cain' hwe quem? Jain jain ximama' hwe ra? Tara pahu' ta, am jain jain ximama' hwe.

Gálatas 4:11

Toron tamana napa' xumu pahu' ta. Am taramaja ximao ta' pain ca pijim' xuhu' ca'.

Filipenses 3:16

Xuruxut xo' xi'. Tomi' ha' tomi' ha' tiquin' xun Iri' Jam. Win ne ca wara tomi' ha' je capari' pain cara pane.

Hebreus 10:32

Ane tomi' xim xuhu' pain i ca' ne: Mam' pe wet jein oro ca hwet pa' nuhu' pain cara pane, pain ca xo' toha mi' qui' cuhu' naran nucun Iri' Jam pain ca taraju pa' pin hwein capijacon con Cristo pane. Mija paxi' na oro ca to' i'ina nuhu' pane. Jain jain paxi' hwe pane. Ane quereme hwein ne.

Hebreus 10:35

Je ca tomi' xuhu' ca'. Quereme cara je, ta jin' camain' hwe me ta. Mo ta howa cara hun Iri' Jam con Jeju Cristo ma', mi' ac xihwe tara pain ca awi tamana wa ta.

Hebreus 12:15

Ma' tara xumuhu' me, ma' ta om ma' camain' ca win ma' nuhu' co tomi' ximao ma', pain ca noc inon Iri' Jam pain ca xiram pa' capa' ca' ca ma'. Ma' tara xumuhu' me, ma' ta om ma' camain' ca win ma' nuhu' co juhum' ximicon ma', aram aram ma' mija pin ac caca tara co pan teretem pin nana con. Om ca na camain' ne pain ca to' ara ac i ma' cuhu' pain ca cut in xujuhu' ta.

Apocalipse 3:11

Maqui' ho' ta' ina, om ta om om ta', maqui' hap ta' ina. Win xumu cara xine, ta an to camain' hwein oro ca ara xo' hwe ma', ma' ta om cut ca' xihwe pain carawa ca awi ca main mi' xim xuhu' ta.