2João 1:6 - Tradução Bíblica Pacaas Novos

⁶ Xuruxut xo' iri iri' pain ca tomi' ha' xin oro ca ara je capari' Iri' Jam ne, om ac ne na ca noc xun, om ac ne na ca noc xijexi' quem. Win ne ca wara hu capari' pain cara pane, pain ca xo' taraju ten qui' xin ca pijim' xine capijacon con Jeju pane. Xuruxut xo' je pain ca om noc mahu', je pain ca om noc caracan pan xujuhu' ta capari' ca' ira.

2João 1:6 Iomraidhean Croise

João 14:15

Mo ta om noc mahu', tomi' ha' ac mahu' tara pain oro ca ara je xuhu' ca' ac caparut na.

João 14:21

Mo ta taraju pa' hwein capija ca tomi' ha' je xuhu' ca'. Mo ta tomi' ha' mahu' quem. Querec pin' ac xihwe tara pain ca om noc mahu' ma'. Mo ta om noc mahu', om ta noc cuhu' Te. Wata' quem, om ta noc xuhu', an hwet pe ac xije tara pahu', mi' ac xuhu' tara pain ca querec pin' mahu' pain iri' xumuhu' ma' quem na ca tomi' caparut ma'.

João 14:23

Om na ta Judas ac con na. Wari' co om noc napa' ma', tomi' ha' ac cain tara ca tomi' ne. Te ma', om ta noc con quem. Wata', Te quem, hwet ac xut con tara, to ho' ac xut con tara quem.

João 15:10

Mo ta tomi' ha' mahu' pain oro ca ara je xuhu' ca', om ac ne tara ca noc xuhu' ta. Win ta' con Te cwa', tomi' ha' inon pain oro ca ara ra capa', om ac ne na ca noc capa' quem.

João 15:14

Mo ta tomi' ha' mahu' pain oro ca ara je xuhu' ca', querec pin' ac xihwe tara pain ca win ma' ne mahu' ma'.

1João 2:24

Je ca tomi' xuhu' ca'. Pe ho' tarain xumuhu' oro ca taraju qui' hwe pain ca xo' howa ten qui' hwe pane ta. Pe ho' cara iri turuhu' oro ca taraju hwe pain ca xo' howa qui' hwe pane ne, win cwere ac hun tara Cotere' Iri' Jam con Panxica Jeju Cristo.

1João 2:5

Ane tomi' ca' xuhu' pain i ca' ne: Wari' co tomi' ha' nain capijacon Iri' Jam ma', wirico co om noc iri'o' non. Tomi' ha' ac i ma' iri urun Iri' Jam ne, querec pin' ac xijexi' na pain ca win cwere pin xun ca'.

1João 2:7

Je ca xirao' mi' xuhu' pain ca tomi' querec te xuhu' ca'. Xirao' mi' e' inuhu' pain ca hu nucun Iri' Jam cwa', pain ca om noc caracan xujuhu' ta cuhu' ca'. Om ca xocori ne ca hu nucun quem. Wara hu ac i ma' nuhu' pain cara pane. Wara taraju hwein pain ca xo' pijim' mi' qui' xihwe pain capijacon con Jeju pane.

1João 5:15

Taxi' iri urun pain ca ha' capari' pain ca ara mi' xut pain oro ca tomi' xun ne, taxi' ac urun na pain ca ara mi' xim capari' pain.

1João 5:3

Tomi' ha' taxipa' iri urun pain oro ca ara je capari' ne, ac i ma' na ca an hwet pin xin ca om noc xun ca'. Om ca i'ina capari' pain ca tomi' ha' xin oro ca ara je capari' quem.

2João 1:5

Tomi' xim inuhu' pain i ca' quem we. Ta noc caracan xijexi' me. Pain ca hu ac i ma' capari' Iri' Jam ma', om ca xocori ne ca hu nucun. Wara hu ac i ma' napari' pain cara pane, pain ca xo' pijim' ten qui' xin capijacon con Jeju pane.