2João 1:4 - Tradução Bíblica Pacaas Novos

⁴ Ma' nana humajum co querec ta' pane. Tomi' querec te tamana inonon, xi xuruxut xo' ara caca pain ca howa cacain capijacon Iri' Jam ca iri'o'. Tomi' ha' nonon Cotere' pain oro ca ara je capari' quem. Je ca tomi' querec te tamana toton ca'.

2João 1:4 Iomraidhean Croise

1 Coríntios 13:6

An xiho' iri urun Iri' Jam pain ca om noc capari' ne, je pain ca om noc cocon oro wari' ma' quem, om ac ne na ca tomi' querec te xin ca pan teretem caca oro wari'. Tomi' querec te e' ac xin na ca ara xo' caca.

Gálatas 2:14

Querec pin' iri inonon pain ca om xuruxut xo' nucucun ne, pain ca om tomi' ha' cacain oro ca hu nucun Jeju ca iri'o' ma', ca ara je capari' ma', tomi' in pin ac ton na Pedro. Taraju taraju pi' pin nanapa' pain ca tomi' in pin ton quem. Tomi' ca' inon: Cain' cain' xima quem Pedro, ac i ma' na ca tomi' ton ca'. Judeu paxi' ma, ane om an xiho' mami' momon oro hwanana nexi' co tomi' ha' taxipa' nanain oro ca xirao' nucun Moisés ne. An xiho' pin momon co om judeu nana cwa'. Cain' cain' xima quem? Ac ca cuc cuc momon a xira co om judeu nana ma', ac ca an xiho' jujun oro judeu pain ca tomi' ha' cacain oro ca xirao' nucun Moisés ta momon na. Ac i ma' na ca tomi' in pin ton ma'.

Efésios 5:2

Ta noc camain' xujuhu' me. Win ca Cristo pain ca om noc qui' capari' pain ca om narain ho' qui' xucun pari' pane, ac i ma' je pain ca om noc xujuhu' me. Mi' pan xucun con Iri' Jam Cristo. Ma' ta mi' pin caho' toton ta non pari' pane. Hohot tamana non Iri' Jam quem, hohot tamana non pain ca mi' pin caho' capari'.

Efésios 5:8

To paxi' hwein ca jitacat nein pane, pain ca om querec pin' querec hun Iri' Jam pane. Ane to pin hwein xec pain xocori ca' ne. Xi om ne ca win cwere pin ara hun Taramaxicon nexi' ta. Je ca tomi' xuhu' ca': Xuruxut xo' je. Win caca oro wari' co to nanain xec ma'.

Filipenses 4:10

Tomi' querec te tamana inuhu' pain ca xiram pa' mami' mahu' pain xocori ca', pain ca quep xiho' mahu' ca'. Tomi' querec te inon Taramaxicon nexi' pahu'. Wara xiram pa' paxi' mahu' pane, taxi' inuhu' pain. Ane om an hwet mi' mami' ac mahu' pain ne.

1João 2:6

Wari' co tomi' ca' ma', win cwere inon Iri' Jam ta, am tomi' ac i ma' ca. Na e' na pain ca xut xo' ca quem. Win ca Jeju pain ca xut xo' ca pane.