2João 1:2 - Tradução Bíblica Pacaas Novos

² Om ca noc urut pahu', xi om ne capijacon Iri' Jam ca iri'o' ta. Pe ho' napari', pe ho' cara tarapari' quem.

2João 1:2 Iomraidhean Croise

João 14:16

Tomi' ac ton tara Te pahu': Mam' roron con xucun co quep xiho' toton nonon, ac i ma' tara ca tomi' ton pahu'. Mam' ac cuhu' con tara. Pe ho' cara ac cuhu' tara quem.

João 15:7

Mo ta win cwere cara mahu', mo ta to ho' cara cuhu' oro ca tomi' ne quem, na ac cuhu' tara pain ca tomi' hun Te ma', pain ca mi' xut hun pain oro carawa ca param hwe ma'. Mi' mi' pi' pin ac cuhu' pain tara quem.

1 Coríntios 9:23

Je ca tomi' xuhu' ca': Ac i ma' ina pain ca pe ho' toton oro wari'. Ma' ta howa cacain capijacon Iri' Jam con Jeju ta ina. Ma' ta tomi' querec te wi xijexi' pain oro ca awi ca mi' xim capari' Iri' Jam ta inonon.

2 Coríntios 4:5

Om ca pijim' urut pahu', ma' ta tomi' ha' maparut ta urut pahu', om na. Pijim' urut pahu', ma' ta tomi' ha' hun Jeju Cristo co Taramaxicon ne iri' cwa' urut pahu'. Warut iri na ne, taramaja mi' e' urut pahu' pain ca pijim' urut pahu' ca', xi ma' ara caparut Jeju co tomi' ha' urut ta.

Colossenses 3:16

Mam' pe wet cara jein capijacon Iri' Jam con Cristo ta. Coromicat xo' je pain ca ca' na xujuhu' pain, je pain ca hu xujuhu' ma' quem. Com jein oro xijein tamara' ma' quem, oro salmo ca xirao' to xine pain capijacon Iri' Jam ma', je oro xijein tamara' ca in ac non Iri' Jam, je oro xijein tamara' ca mi' cuhu' Tamataracon Iri' Jam quem. Mam' com je pain ca tomi' querec te hun Cotere' Iri' Jam pain oro ca ara mi' cuhu' ma' quem.

2 Timóteo 1:5

Mam' pe wet inem pain ca howa nem quem. Howa iri'o' mon Iri' Jam. Win cama copa' ma Loide cam jim Eunice co howa cain' nana pane. Howa iri'o' nana pane, howa ac i ma' mon Iri' Jam quem, taxi' inem.

2 Pedro 1:12

Je ca tomi' xuhu' ca'. Wara taxi' paxi' hwein oro ca tomi' mi' xuhu' ca'. Taxi' paxi' inuhu' pain ca howa hwein capijacon Iri' Jam ca ca' na xihwe pane. Taxi' paxi' inuhu' pain ca om tara ta'a camain' hwein. Ane tama' mam' pe wet jein ta xuhu' ne.

1João 1:8

Tomi' ca' iri iri' ne, om napa' ca caracat wa ta, am tomi' ac i ma' iri'. Cain' cain' xixi' quem? Om na ximixi', xi coromicat xo' iri' ta. Om ca win cwere capari' Iri' Jam co iri'o' quem.

1João 2:14

Xirao' mi' inuhu' pain ca ac ca mana panxita' xuhu' ne ca'. Xi om ne ca querec pin' ara hun Cotere' ta. Xirao' mi' inuhu' pain ca wara horon hwe ma' quem. Xi om ne ca querec pin' ara hun co wara ma' ma', pain ca om om wet ne macan' pane ta. Wahu' pain ca xo' horon hwe ma' quem, xirao' mi' inuhu'. Xi om ne ca hwara' opa ara hwe ta. Pe ho' nuhu' capijacon Iri' Jam pain xumuhu', to' quiji' pin hun Caxicon Jam quem.

1João 2:17

Main om pin tara oro carawa ca om hohot non Iri' Jam pain macan' ca'. Main om pin tara oro ca param ximama' caca oro co om howa nonon ma' quem. Wari' co ara nain ca param pan nucun Iri' Jam ma' iri na ne, e' cara ac ca tara ta.