2João 1:12 - Tradução Bíblica Pacaas Novos

¹² Mija paxi' na oro ca tomi' hwet xim xuhu' ca', ane noc tain ca xirao' mi' xuhu' pain ne. Hwet pan xim inuhu', tomi' ac xijexi' tara. Ma' ta tomi' querec te tamana xijexi' ta inuhu'.

2João 1:12 Iomraidhean Croise

João 15:11

Tomi' ac i ma' inuhu', ma' ta tomi' querec te hwe inuhu'. Win ne ca tomi' querec te ta' ca', ac i ma' tara ca tomi' querec te nuhu' quem. Tomi' querec te tamana ac hwe tara ta.

João 16:12

Mija mija wet paxi' na oro ca tomi' xim xuhu' pain xocori ca'. Mo xi tomi' ho' xuhu' pain, om xi taraju pa' ac hwein. I'ina xira xumuhu' pain ta.

João 16:24

Om ca an hwet mi' querec hun pain wuxu pain ca mi' xut hun pain ca param nuhu' ma'. Pain xocori ca' iri na ne, tomi' jun. Mi' xut pain ca param nuxut ca' jun. Mi' ac cuhu' pain tara. Ma' ta tomi' querec te tamana hwe ta turuhu' ta na ca tomi' caparut ma'.

João 17:13

Hwet ho' xim inem quem ac con na. Tomi' mi' inem cocon pain ca pe pe wet tain macan' ca'. Ma' ta tomi' querec te tamana caca inonon. Win ne ca tomi' querec te tamana ta' ca'.

João 3:29

Win ca wari' co an tam narima' ma'. Win ma' ca ma' iri na ne, quep xiho' e' non, tomi' querec te e' non. Taraju iri nain ca tomi' nucun ne, tomi' querec te ac ca na. Ac i ma' ina con Jeju quem. Tomi' querec te tamana ina pain ca tomi' hwet mahu' cocon oro wari' co hwet nonon ta.

Romanos 15:24

Mao tain iri tain Espanha ne, hwet ac xuhu' tara, pe ho' wijimain ac xuhu' tara quem. Tomi' querec te tomi' querec te noc pin iri xijexi' ne, quep xiho' ac mahu' tara pain ca xut tiquin' mao tain ta' Espanha cain.

2 Timóteo 1:4

Coromicat inem quem. Mam' pe wet inain ca aca nem pain ca paca' xim pane. Querec mami' xixim na inem. Ma' ta tomi' querec te awi tamana ta' ina ta.

Filemom 1:22

Tomi' xim inem pain i ca' quem: Wara quep xo' mi' ne pain ca pi'am pe ta' pain xuruhu' ma'. Xi om ne ca winim' ara ton Iri' Jam pain ca om pin xim cacapa' pain xirinain ca tao' to tao' to to wa ca'. Win ne ca tomi' mi' mahu' con, ha' turuhu' quem. Hwet ac xuhu' tara ta.

Hebreus 13:19

Tomi' mip pan inuhu' quem, tomi' mi' xine con Iri' Jam me. Ma' ta mi' capa' pain ca in hwet hap xuhu' ta inuhu'.

Hebreus 13:23

Tomi' hwet xim inuhu' con coxari' Timóteo co tao' pe wa pain xirinain ca tao' to tao' to to wa pane. Pa hwet pin nonon. Mo ta hwet hap capa', ja' ja' ac capa' tara pain ca hwet xim xuhu' ca'.

1João 1:4

Je ca xirao' mi' urut pahu' ca', ma' ta tomi' querec te tamana wi xijexi' ta urut pahu'.

3João 1:10

Je ca tomi' xim ca', hwet iri xuhu' ne, tomi' xo' ac xuhu' tara pain oro ca pan tem nucun ma'. Tomi' napat taxipa' ara xi' naparut ta. Om ca tomi' napat xica' pe caparut, noc noc tata oro xerexi' co pijim' hwet nonon pain capijacon Iri' Jam oro wari' pain oro xijein cidade ma' quem. Noc tata co tomi' querec te nonon quem. Ta tomi' querec te huhun me ac tococwa na co tomi' querec te xuxun pan nonon ma', xin hwerehwet pin ac tococwa na pain ca cut in to xujuhu' ma' quem.