2João 1:1 - Tradução Bíblica Pacaas Novos

¹ Wata' pain ca querec wet toton oro co howa nonon Jeju cwa', wata' pan co xirao' mi' xim ca' we. Tora' pan nem Iri' Jam. Xirao' mi' inonon humajum ma' quem. Om ca noc camain' xuhu', tomi' querec te iri'o' inuhu'. Om ca xica' pe ta' pain ca om noc xuhu' ca', tomi' querec te tomi' querec te pi' pin nunuhu' co taraju pa' nanain capijacon Iri' Jam ca iri'o' con Jeju ma' quem.

2João 1:1 Iomraidhean Croise

João 8:32

Querec pin' ac hwein tara oro ca iri'o' wa con Iri' Jam. Howa iri jun ne, witan ca' ac hwein tara carawa ca quep xat nuhu' ta.

Atos 11:30

Ara ac cacain na. Cut nanain dinheiro nucucun, cut mi' ac tocwa na pain Barnabé con Saulo ma'. Cut mi' jujun pain dinheiro nexi' oro xerexi' co querec wet nonon co howa nonon Jeju pain Jerusalém ta ac tococwa na, cut mama' ac cacain na.

Romanos 16:13

Tomi' jun Rufo ma', co tora' ca Taramaxicon nexi' ma' quem. Mam' pe wet nem Paulo ta jun. Jicon ma' quem, co ac ca na' ta' ma' quem, mam' pe wet nem Paulo ta jem quem.

Gálatas 2:14

Querec pin' iri inonon pain ca om xuruxut xo' nucucun ne, pain ca om tomi' ha' cacain oro ca hu nucun Jeju ca iri'o' ma', ca ara je capari' ma', tomi' in pin ac ton na Pedro. Taraju taraju pi' pin nanapa' pain ca tomi' in pin ton quem. Tomi' ca' inon: Cain' cain' xima quem Pedro, ac i ma' na ca tomi' ton ca'. Judeu paxi' ma, ane om an xiho' mami' momon oro hwanana nexi' co tomi' ha' taxipa' nanain oro ca xirao' nucun Moisés ne. An xiho' pin momon co om judeu nana cwa'. Cain' cain' xima quem? Ac ca cuc cuc momon a xira co om judeu nana ma', ac ca an xiho' jujun oro judeu pain ca tomi' ha' cacain oro ca xirao' nucun Moisés ta momon na. Ac i ma' na ca tomi' in pin ton ma'.

Gálatas 2:5

Om ca ha' camain' urut cocon. Ma' ta om wanan xine ca pijim' mixein wa pain ca pijim' iri'o' wa ta urut cocon. Ma' ta howa cara hwein capijacon Iri' Jam ca iri'o' con Jeju ta urut pahu' quem.

Gálatas 3:1

Je ca tomi' xuhu' ca' oro win howa ta' pain Galácia. Wa inuhu' me, xi coromicat xo' hwe ta. Ma' co mixein nuhu' ma' quem? Om ca pijim' hwet xo' xuhu' pain ca mi' pin nucun Jeju Cristo pain ca mi' pin pe cain pana pane ra?

Gálatas 5:7

Hohot paxi' hwe pain ca ja' ja' hun Cristo pain cara pane. Ma' co to' i'ina nuhu' pain xocori ca' quem? Ma' co tomi' tomi' na pin nuhu' pain ca tomi' ha' tomi' ha' om pin hwein capijacon Iri' Jam con Jeju ca iri'o' ma' quem?

Colossenses 1:5

Howa hun Cristo Jeju, tomi' querec te huhun oro wari' nucun Iri' Jam quem, xi om ne ca howa ara hun pain ca an to xo' mi' cuhu' pain oro ca awi wa pain pawin cain. Wara tomi' hwet xihwe pain pane, taraju hwein cocon co tomi' hwet nunuhu' pain capijacon Iri' Jam ca iri'o' ma', ca tomi' hwet cucuhu' con Jeju co to' witan xim napari' ma'.

1 Timóteo 2:4

Param param xam' napari' pain ca witan wa Iri' Jam, wiricoco oro wari' pain oro xijein macan' ma' quem, param param xam' napari' pain ca witan wa. Param napari' pain ca taraju pa' xin capijacon ca iri'o'.

Hebreus 10:26

Mo ta taraju pa' paxi' xin capijacon Iri' Jam ca iri'o' con Cristo cwa', mo ta je i ma' ira, caracat cara ma' xi' ne iri'. Cain' cain' xixi'? Xi ma' ne xijein carawa ca xic am ra ha' nain ca caracat nucucun oro wari' ta. Ma' xica' pe e' na curucun Jeju ta.

1Pedro 1:2

Wara querec pin' nuhu' Cotere' Iri' Jam pain cara pane. Tora' nuhu', to' hohot pin nuhu' Tamataracon quem. Ma' ta tomi' ha' hun Jeju Cristo ta nuhu'. Ma' ta hohoc pin cuhu' pain quicon ta nuhu'. Param inon Cotere' Iri' Jam pain ca quep xiho' tamana cuhu' pain ca mi' cuhu' pain ca param nucun. Param inon pain ca mi' hwara' cuhu' pain ca om toron ne xumuhu' quem.

1Pedro 5:1

Je ca tomi' xuhu' pain ca querec wet huhun oro co howa nonon Jeju ma'. Tomi' mip inuhu', xi om ne ca querec wet pan ara toton oro co howa nonon Jeju pain i ca' ta. Tomi' hwet inonon oro wari' pain ca jain jain nucun Cristo, jao jao ma' ton pain ca an hwet pe xine ca awi nucun pain ca hwara' opa nucun quem.

1Pedro 5:13

Mam' pe wet urut pahu' ta nunuhu' oro co howa to nanain Babilônia ca'. Tora' pan nonon Iri' Jam quem. Win cuhu' pane. Mam' pe wet inuhu' ta nuhu' Marcos cwa', co ac panxita' cwa' quem.

1João 2:21

Pain ca xirao' mi' xuhu' ca', om ca coromicat mi' ca' xuhu': Xirao' mi' toton, xi querec pin' cacain capijacon Iri' Jam ca iri'o' ta, om ca coromicat mi' ac i ma' xuhu' ta. Taxi' inuhu' pain ca querec pin' hwein capijacon Iri' Jam ca iri'o'. Taxi' inuhu' pain ca taraju pa' hwein i ca' quem, pain ca om mixein camain' ne capijacon Iri' Jam ca iri'o'.

1João 3:18

Je ca tomi' xuhu' ca', pain ca ac ca mana panxita' xuhu' ne ca'. Ta tomi' capijacocon e' xijexi' pain ca tomi' querec te inuhu' ta ximama' xijexi' me. Xiram pa' xijexi', quep xiho' xijexi'. Tomi' querec te iri'o' xijexi' quem.

2João 1:13

Mam' pe wet urut pahu' ta nunuhu' humaxicam cowe ma cwa', co tora' ca Iri' Jam cwa'. Je i ca' ca xirao' ne ca'.

2João 1:5

Tomi' xim inuhu' pain i ca' quem we. Ta noc caracan xijexi' me. Pain ca hu ac i ma' capari' Iri' Jam ma', om ca xocori ne ca hu nucun. Wara hu ac i ma' napari' pain cara pane, pain ca xo' pijim' ten qui' xin capijacon con Jeju pane.

3João 1:1

Wata' pain ca querec wet toton oro co howa nonon Jeju cwa', wata' pan co xirao' mi' nem cwa' Gaio. Om ca noc camain' xim, tomi' querec te iri'o' inem.