1 Coríntios 5:3 - Tradução Bíblica Pacaas Novos

³ Wara tomi' mi' inon pain ca wap wa ta. Om paxi' na ca pe ho' xuhu' pain cwere ca', ane pe ho' xuhu' pain tamatara ne. Ac ca pe ho' xuhu' na pain iri' cwere ca', pain ca tomi' mi' ton pain ca wap wa ca'. Tomi' ha' xine quem.

1 Coríntios 5:3 Iomraidhean Croise

Colossenses 2:5

Pira ca' paxi' inuhu' pain cwere ca', ane mam' pe wet xuhu' ne. Ac ca pe ho' xuhu' na pain xumu ca'. Tomi' querec te inuhu', xi om ne ca taxi' ara xuhu' pain ca xuruxut xo' hwe ma', je pain ca hwara' opa hwe pain ca howa hun Cristo ma'.

1 Tessalonicenses 2:17

Je ca tomi' xut pahu' ca' xere. Paca' iri urut pahu' pain ca to' i'ina xim cacaparut oro win ma' nuhu' co ja' jein ca' nanaparut pahu' pane ne, tomi' xaxa' tamana ac urut na. Om paxi' na ca pain ne ca to pira ca' urut pahu' pane, ane mam' pe wet urut pahu' ne. Mija na ca coromicat urut pahu' pane. In hwet xuxun na urut pahu' pane. Querec mami' xixin curucucun na urut pahu' pane ta.

2 Coríntios 13:2

Wara hu inuhu' pain ca pe ho' qui' xuhu' pain cara pane, pain ca ma' 2 pin ne ca hwet qui' xuhu' pane. Pe ni ca' paxi' inuhu' pain xocori ca', ane xirao' mi' ho' toton oro co wara caracat nana pahu' pane ne, xirao' mi' inonon oro xucucun co caracat nana ma' quem: In hwet iri xuhu' ne, om ta xiram pa' toton ta.

2 Coríntios 10:11

Ma' tara ximicocon ta! Oro ca xirao' nuxut pain ca om to ho' urut pahu' ca', je ta ara xin urut pain ca to ho' xim urut pahu' quem.

2 Coríntios 10:1

Wata' pain ca Paulo ta' ca', tomi' ca' inuhu' pain ca an xiho' ton Cristo pain ca tomi' wixite nucun, je pain ca tomi' pan hot nucun ma' quem. Tomi' mip ca' inuhu' cocon oro win ma' nuhu' co tomi' ximama' ca' nana pata': Tomi' iri napari' pain ca pe ho' capari' ca' ne, tomi' pan hot e' napari'. Pe ni ca' iri napari' ne, pan to' ac cain na tarajixi', ac i ma' na ca tomi' ximama' caca pata'.

1 Coríntios 5:12

Cain' cain' xita' quem? Tomi' mi' xitoton pain ca wap wa pain ca caracat nucucun oro wari' co om howa nonon Iri' Jam ra? Om na ta. Tomi' mi' pan totoron pain ca wap wa Iri' Jam ta. Wahu' iri na ne, na e' na pain ca tomi' mi' pan huhun pain ca wap wa oro win howa hwe co caracat nana ma'. Je ca xirao' pe xine pain capijacon Iri' Jam pane. Ca' na con pane: Xin hwet pin jun win ma' nuhu' co caracat ma' ta. Ac i ma' na ca xirao' pe xine pane.