1 Coríntios 4:3 - Tradução Bíblica Pacaas Novos

³ Am tomi' em' mahu' pain ca taramaja ne ca', am om tomi' ximama' mahu' pain, om ca toron capa' xumu pahu'. Am tomi' em' cacapa' oro taramaxicon cwa' quem, am om tomi' em' cacapa' pain, je i ma' ira, om ca toron capa' xumu. Om ca tomi' em' pan xije quem, om na.

1 Coríntios 4:3 Iomraidhean Croise

João 7:24

Je ca tomi' xuhu' ca' ac tococwa na. Om ca na ne pain ca coromicat mi' hun pain ca caracat wa wari' ma', pain ca om tomi' querec cain' hun pain carawa ca ara ca ma'. Na e' na pain ca tomi' querec cain' hun, coromicat xo' cain' je, tomi' xo' ac hun tara quem na ca tomi' tococwa ma'.

1 Coríntios 2:15

Wari' pain ca ma' capari' Tamataracon Iri' Jam ca' iri na ne, taraju pa' taraju pa' pi' pin irin oro ca querec pin' ca Iri' Jam ma'. Querec pin' irin oro ca awi wa, querec pin' irin oro ca om awi wa quem. Oro xucucun co om howa nana ma' iri na ne, om ca taraju pa' cacapari'. Om ca querec pin' cacapari' pain ca xuruxut xo' nexi' pain Tamataracon Iri' Jam.

1 Coríntios 3:13

Aram aram querec pin' ac xine tara oro ca taramaja nucun pain ca quep xam' pin cain xirim ma'. Ac i ma' tara pain xec nein ca aram aram maqui' ta' ca Cristo quem. Maqui' iri tara ne, ac ca tom tain cain ne oro ca taramaja nucucun co pijim' nanain capijacon Iri' Jam, querec pin' ac xine tara quem. Am awi ne ca taramaja nucucun, am om awi ne cocon, querec pin' querec pin' xam' ac xine tara oro ca taramaja nucucun.

1 Coríntios 4:2

Wari' co taramaja mi' non taramaxicon ma', na e' na pain ca taramaja xo' ca. Na e' na pain ca tomi' ha' cara con ta.

1 Coríntios 4:4

Tara, ac ca om em' ta' na, tara pata' ta'a, om ca toron capa' xumu. Om paxi' na ca toron capa' xumu ca', ane om to' awi capa' ca om toron capa' xumu ca' ne. Wirico Taramaxicon nexi' pan co taxi' napa', wirico tara co tomi' napa' pain ca taramaja ne ca'. Mo ta taramaja xo' ta', mo ta om taramaja xo' ta', tomi' pan ac capa' tara pain.