1 Coríntios 4:2 - Tradução Bíblica Pacaas Novos

² Wari' co taramaja mi' non taramaxicon ma', na e' na pain ca taramaja xo' ca. Na e' na pain ca tomi' ha' cara con ta.

1 Coríntios 4:2 Iomraidhean Croise

Mateus 25:21

Awi na ta ac con na. Awi na ca taramaja nem, taramaja xo' ma ma' ira. Mam' taramaja xo' main wijimain dinheiro ne cara pane. Je ca mi' hwara' mami' xim xim pain, ma' ta mam' taramaja xo' mami' main quem. Maji tomi' querec te wi xi' e' ac con na.

Mateus 25:23

Awi na ta ac con na. Awi na ca taramaja nem, taramaja xo' ma ma' ira. Mam' taramaja xo' main wijimain dinheiro ne cara pane. Je ca mi' hwara' mami' xim xim pain, ma' ta mam' taramaja xo' mami' main quem. Maji tomi' querec te wi xi' e' ac con na quem.

Lucas 12:42

Na e' na pain ca an xiho' hun wari' co taramaja xo' ma', co coromicat xo' pain ca querec wet cain caramaxicon taramaxicon nucun ta ac tococwa na. Mao tain pira iri na taramaxicon nucun ne, tomi' mam' ac con na: Querec wet roron oro win ma' ma co taramaja mi' e' nanapa' cwa', querec wet xo' roron pa'ao'. Mi' xo' roron pain carawa ca cao' wa quem na ca tomi' mam' con ma'.

1 Coríntios 4:1

Je ca tomi' xuhu' ca'. Na e' na pain ca querec pin' querec pin' pi' pin maparut pain ca taramaja mi' urut con Cristo ta. Querec pin' xut pain ca mi' pan caparut pain ca taramaja nuxut pain ca tomi' hwet jein ca coromicat xo' nucun Iri' Jam ca om an hwet querec ca pane caparut quem.

1 Coríntios 4:17

Je ca mam' xuhu' con Timóteo cwa', co tomi' querec te tamana ta' cwa'. Ac ca panxita' ton na. Taramaja xo' na, tomi' ha' taxipa' non Taramaxicon nexi' quem. To' mam' pe wet turuhu' pain ca xut xo' ne ca', pain ca win cwere ton Cristo Jeju. Je ca ca' na toton pain oro xijein macan' ma' quem, pain ca hwet toton pain ca cut in to xucucun pain ca howa cocon Jeju ma'.

1 Coríntios 4:3

Am tomi' em' mahu' pain ca taramaja ne ca', am om tomi' ximama' mahu' pain, om ca toron capa' xumu pahu'. Am tomi' em' cacapa' oro taramaxicon cwa' quem, am om tomi' em' cacapa' pain, je i ma' ira, om ca toron capa' xumu. Om ca tomi' em' pan xije quem, om na.

1 Coríntios 7:25

Pain ca xirao' mi' mahu' pane, tomi' querec mahu' cocon oro wari' co om cut querec nana narima' ma', cacam oromon xojam' co om cut querec nana tarama' ma' quem. Tomi' xo' ho' xim inuhu' pain quem. Tomi' hwet pan xuhu' pain ca coromicat ne ca' pahu', xi wara tomi' xo' capa' pain Taramaxicon nexi' ta. Taraju wet xine, xi om ne ca xiram pa' ara capa' pain ca mi' capa' pain ca tomi' xo' wa ta.

2 Coríntios 2:17

Ane om an xiho' urut cocon oro co om pijim' xo' nana ma' ne. Mija ara xi' nana co pijim' pan teretem nana ma', ac ca vender xin cacain na capijacon Iri' Jam pain ca caramaju xixi' na caca ma'. Om ca an xiho' urut cocon quem. Xi pijim' jein capija ta ara caparut Iri' Jam ta. Taxi' naparut pain ca pijim' xo' nuxut quem. Wirico Cristo co mi' naparut pain ca pijim' nuxut ta.

2 Coríntios 4:2

Pain ca taramaja mi' urut con ca', noc urut pain oro ca ara joc xim xine ca pan teretem wa ma', ca to' wixipa' ma'. Om ca pijim' mixein urut pain capijacon Iri' Jam, om ca tomi' ni ca' urut pain ca tomi' mao nein quem, om na. Pijim' iri'o' e' urut pain, ma' ta taraju pa' caca oro wari' ta urut. Querec pin' xut pain ca pijim' iri'o' nuxut ca' urut cocon. Taxi' naparut Iri' Jam pain ca taramaja ac i ma' urut quem.

Colossenses 1:7

Wirico Epafras co ca' na nuhu' pain capijacon Iri' Jam con Jeju pane. Tomi' querec te tamana urut con Epafras cwa'. Taramaja wi naparut, taramaja xo' na pain ca quep xiho' cuhu' pain ca taramaja mi' con Cristo quem.

Colossenses 4:17

Tomi' ca' jun Arquipo ma': Ara xo' ara xo' pi' pin rain ca taramaja nem ca mi' xima ma', xi om ne ca win cwere ara mon Taramaxicon nexi' ta jun.

Colossenses 4:7

Tomi' hwet turuhu' pain oro carawa ca ara napa' coxari' Tíquico cwa', co tomi' querec te iri' cwa'. Taramaja xo' na Tíquico cwa'. Taramaja wi napa' pain ca taramaja mi' urut con Taramaxicon nexi'.