1 Coríntios 3:3 - Tradução Bíblica Pacaas Novos

³ Xi an xiho' ara huhun oro wari' co ara e' nanain ca param pan nucucun ta. Noc mi' xujuhu' pain oro ca ara hwe ma', mana' caracan xujuhu' quem. Je ca querec pin' xihwe pain ca an xiho' huhun oro wari' co ara e' nanain ca param pan nucucun ma'. An xiho' e' huhun oro wari' co om howa nonon Iri' Jam ma'.

1 Coríntios 3:3 Iomraidhean Croise

Romanos 13:13

Xuruxut xo' xi'. Wari' nein xec xi'. Om ta tamanain to xi'. Om ta toc tamanain to xi'. Om ta quep ximama' xi'. Om ta noc ximama' xijexi'. Om ta noc mi' xijexi' pain oro caramajixi'.

1 Coríntios 1:10

Tomi' mip inuhu' pain i ca' quem xere. Wirico Taramaxicon nexi' Jeju Cristo co mi' napa' pain ca tomi' mip xuhu' ca'. Tomi' tomi' pi' pin inuhu': Ac je ac je ari tara ca tomi' nuhu' me. Jao jao ma' xujuhu', ta coromicat ni ca' xujuhu' me, ac je ac je ari tara ca coromicat nuhu'.

1 Coríntios 1:11

Tomi' hwet ara xi' nanapa' wari' nequem Cloe pahu' xere. Tomi' mana' caracan xucucun ta nanapa' pahu'.

1 Coríntios 11:18

Je i ca' ca tomi' xim xuhu' ca': Ma' nana co tomi' hwet nanapa' pahu', pain ca coromicat ni ca' xujuhu' pain ca cut in xujuhu' ma'. Tomi' caracan xucucun ta nanapa' pahu'. Ac ca iri'o' ne cocon na quem. Iri'o' paxi' tara pahu'.

1 Coríntios 3:4

Ma' ara xi' nana oro win ma' nuhu' co tomi' ca' nana: Param urut con Paulo ta nana. Om na, wirico Apolo co param urut ta ac caca na oro xucucun ma' pahu'. Je ca tomi' xuhu' ca': An xiho' huhun oro wari' co om howa nonon Iri' Jam ta.

2 Coríntios 12:20

Toron napa' xumu pahu'. Mo ta aram aram hwet pa' xuhu', am om hohot mahu' pain oro ca ara nuhu' ma', am om hohot pan xuhu' pain oro ca ara ne quem. Tara pahu'. Am tomi' mana' caracan xujuhu'. Am noc mi' xujuhu' pain oro ca ara hwe ma'. Am hwerehwet ne mixitahu' pain ca mana' xujuhu'. Am joc in pin xujuhu' pain ca ara e' hwein ca param pan nuhu' ma'. Am tomi' xina hwein waracocon oro win ma' hwe ma'. Am tomi' xec xec hwe pain ca xin to hwe ma'. Am ja' teretem xujuhu' ma' quem.

Gálatas 5:15

Ma' tara xumuhu' me. Mo ta om tomi' querec te caracan xujuhu' ma', mo ta an xiho' hun oro caxicon oromijac co quio quio cono' pin xucun pain ca mana' nucun ma', to' quiji' pin ac xujuhu' tara ta.

Tito 3:3

Tomi' ac i ca' inem, xi coromicat xo' iri' pain cara pane ta, pain ca om howa querec iri' pane. Win caca oro wari' co om howa nana pain xocori ca' quem. Om na ximixi' pane. Om ca tomi' ha' xun Iri' Jam quem. Hehe e' ururun co mixein nanapari', om ca ari xuxun. Ac ca quep xat capari' na oro ca param pan teretem nexi' pain oro ca waraju nexi' ca hohot napari' pane, om ca miri'om ac xixin. Ximin iri'. Pan teretem e' iri' pane, tama' noc mi' xijexi' pain oro ca ara iri' quem. Noc nanapari' oro wari', noc ururun pane quem.

Tiago 3:16

Mo ta noc mi' caracan xijexi' pain oro carawa ma', mo ta joc in pin xijexi' pain ca ara e' xin ca param pan nexi' ca', ja' teretem ac xijexi' na, ara tamana ac xin na oro ca om awi wa quem.

1Pedro 4:2

Wari' co ac i ma' ma', tomi' ha' cara ac con tara Iri' Jam. Mao ac ne ma' tara pain ca e' e' wet nucun, om ta ara cain ca param pan tem ne ca wari' wa, ara e' tarain ca param pan nucun Iri' Jam.