1 Coríntios 2:3 - Tradução Bíblica Pacaas Novos

³ Om ca hwara' opa ta' pain ca pe ho' qui' xuhu' pane. Jin' inain ca pijim' ximao wa pane. Ac ca pijim' cocoroc tamana ta' na pahu' pane.

1 Coríntios 2:3 Iomraidhean Croise

Atos 17:1

Xuruxut mama' ac cacain na oro cidade Paulo con Silas. Xuruxut tiquin' nanain Anfípolis ma', xuruxut tiquin' ac cacain na Apolônia ma', aram aram tan' mama' ac cacain na Tessalônica ma', je i ma' wixinain cidade. Ma' pe nain Tessalônica xirim ca cut in to xucucun oro judeu ma'.

Atos 18:1

Pi' pin iri na ca pijim' cocon oro taramaxicon Paulo ma' ne, pain Atenas ma', mao ac ca na. Paca' nain Atenas, mao ac cain na Corinto. Je i ma' wixinain cidade ca mao ca ma'.

Atos 18:12

Taramaxicon pin ac ca na Gálio ma'. Taramaxicon pe ho' pin nonon oro wari' nein Acaia ma', je i ma' wixinain macan' ca taramaxicon pe ca ma'. Taramaxicon pin iri na Gálio ne, tomi' xo' ac xucucun na oro judeu: Maji quep xun Paulo ta xucucun, o mi' ac cocon na con taramaxicon Gálio ma', co hwara' opa tamana ma', pain ca iri' juiz ca ma'. Tomi' hwet ac cocon na con Paulo:

Atos 18:6

Ane tomi' in pin pan cocon ne. Tomi' napat nonon quem. Je ca wap camara' cain ximirinain macaracocon con womicon Paulo ma' quem. Ma' ta querec pin' xujuhu' pain ca pan teretem nuhu' pain ca noc hwein ca taraju wa capijacon Iri' Jam con Jeju ta tata. Tomi' ca' tata: Mo ta wap cuhu' Iri' Jam ma', pain ca noc hun Jeju ma', om ca wata' ne co em' ma' pahu'. Wahu' co em' pan nana ta. Maho' pin inuhu' pain ca judeu hwe ma'. Pijim' pijim' om xuhu'. Pijim' mi' ho' toton pain capijacon Iri' Jam con Jeju oro wari' co om judeu nana ta na ca tomi' tococwa ma'.

2 Coríntios 10:1

Wata' pain ca Paulo ta' ca', tomi' ca' inuhu' pain ca an xiho' ton Cristo pain ca tomi' wixite nucun, je pain ca tomi' pan hot nucun ma' quem. Tomi' mip ca' inuhu' cocon oro win ma' nuhu' co tomi' ximama' ca' nana pata': Tomi' iri napari' pain ca pe ho' capari' ca' ne, tomi' pan hot e' napari'. Pe ni ca' iri napari' ne, pan to' ac cain na tarajixi', ac i ma' na ca tomi' ximama' caca pata'.

2 Coríntios 10:10

Ma' ara xi' nana oro win ma' nuhu' co coromicat mi' ac i ma' nanapa' ma'. Pan to' e' nain ca taraju wa pain oro ca xirao' nucun, tomi' carapita e' na pain ca hu capari' ta. Hwet iri napari' ne, hehe ac ca na, xi pijim' xo' taxi' capari' ta, ac i ma' na ca tomi' caca ma'.

2 Coríntios 13:4

Iri'o' paxi' na ca om an hwet pe cain ca hwara' opa nucun Cristo pain ca tatatain mi' qui' tocwa pain pana pane, ane mam' e' mami' ca pain ca hwara' opa pan nucun Iri' Jam ne. Ac i ma' urut quem. Om paxi' na ca hwara' opa pan urut pain ca win cwere urut con Cristo cwa', ane mam' e' wi urut con pain ca hwara' opa nucun Iri' Jam ne. Mi' ac caparut tara pain ca hwara' opa nucun pain ca quep xiho' xim urut pahu' quem.

2 Coríntios 13:9

Je ca tomi' xuhu' ca'. Om paxi' tara ca hwara' opa pan urut. Je i ma' ira, tomi' querec te cara urut pain ca xuruxut xo' pan nuhu' ma'. Je ca tomi' mi' urut pahu' con Iri' Jam quem. Mi' roron pain ca horon horon tiquin' wa pain ca xuruxut xo' nucucun ta urut con pahu'.

2 Coríntios 4:1

Wirico Iri' Jam co xiram pa' naparut pain ca mi' caparut pain ca taramaja mi' urut con ca'. Je ca om naro urut ca'.

2 Coríntios 4:16

Je ca om naro urut ca'. Om paxi' na ca hwara' opa mami' ne curuxut ca', ane to' hwara' opa pan caparut pain xumuxut Iri' Jam ne. To' hwara' opa to' hwara' opa tiquin' naparut pain oro xijein xec quem.

2 Coríntios 6:4

Je ca an hwet pe urut pain ca xuruxut xo' nuxut pain oro ca ara naparut pain ca taramaja mi' urut con Iri' Jam cwa'. Ca' na: Howa cara urut pain oro ca to' i'ina naparut ca'. Jain jain urut, ximin urut pain ca to' i'ina caparut oro carawa, tomi' xaxa' urut quem.

2 Coríntios 7:15

Tomi' querec te tamana nuhu' Tito cwa' quem. Mam' pe wet iri nuhu' pain ca taraju wet taraju wet pi' pin hun pane ne, je pain ca tomi' querec te hun pain ca tomi' ha' hap hun pata', tomi' querec te mip ac cuhu' na quem.

2 Coríntios 7:5

Tan' qui' iri urut pain macarain Macedônia ca' ne, om ca xao to wa camain' urut pain xumuxut. Jam' tamana urut pane. Mija ara xi' na oro carawa ca to' i'ina naparut pane. Jain jain urut cocon oro co noc nanaparut pain ca tomi' in pin tamana cacaparut. Toron tamana na xumuxut pahu' quem.

Efésios 6:5

Tomi' inuhu' pain ca taramaja mi' e' huhun oro taramaxicon nuhu' ma' quem. Tomi' ha' jujun co taramaja mi' e' hwe pain macan' ca'. Ac ca tomi' ha' hun Cristo ma' tara pain ca tomi' ha' huhun. Ta tomi' ha' inon mixein hwe me. Tomi' ha' iri'o' jujun. Tomi' ha' querec te tara iri' xumuhu' ta.