1 Coríntios 1:1 - Tradução Bíblica Pacaas Novos

¹ Paulo ina pain ca xirao' mi' xuhu' ca'. Tora' napa' Iri' Jam pain ca apóstolo ra capa' pane, pain ca tomi' hwet rain capija ca tomi' xim ta capa' pane. Xi om ne ca param mi' ara capa' pain pane. Wata', wirico coxari' Sóstenes, ca' urut pain ca xirao' mi' urut pahu' ca'.

1 Coríntios 1:1 Iomraidhean Croise

Lucas 6:13

Xec pin iri na ne, harahap je ta ac tococwa na caram ma' co taxipa' nonon ma'. Tora' 12 ac tococwa na. Apóstolo je pain ca tomi' hwet huhun pain capija oro wari' ta ac tococwa na.

João 15:16

Om ca wahu' ne co tora' pan napa' pain ca taxipa' xun mahu' ma', om na. Wata' pan co tora' nuhu'. Mi' inuhu' pain ca taramaja wa quem. Wawaran mama' je, pijim' mi' jujun pain capija oro wari' ta inuhu'. Howa cara ac caca tara co howa nanapa' pahu' inuhu' quem. Mo ta tomi' ha' mahu' pain ca mi' xuhu' pain ca taramaja wa ca'. Mo ta tomi' ca' hun Te ma': Mi' naparut pain ca tomi' urut pum Panxima Jeju ta, mo ta tomi' ac i ma' hun pata', ha' ac cuhu' tara pain carawa ca mi' xut pain hun ma'. Mi' mi' pi' pin turuhu' pain.

João 20:21

Tomi' mami' ac caparut na: Ta toron ne xumuhu' me ta naparut. Pijim' hwet jujun pain capija oro wari' ta inuhu'. Win ne ca pijim' hwet roron pain capija oro wari' ta capa' Te pane naparut.

Atos 1:15

Maqui' ac ne na xec nein ca cut in mami' xucucun ma'. Ac ca ma' 120 caca na co cut in nana ma'. Tequi' pe xat ac cain ximijacocon na Pedro ma'.

Atos 1:2

Ca taramaja nucun pane, taramaja taramaja maqui' pa' ac con na xec nein ca an piri' mao con pain pawin Iri' Jam. Xirao' mi' inem pain i ma' con quem. Om om wet iri na ca an piri' mao con pain pawin Iri' Jam ne, tomi' xo' ac tococwa na oro apóstolo co wara tora' ca pane, wiricoco co taxipa' ca ma', co an xin tiquin' mi' jujun pain capija oro wari' ta ca ma'. Je Tamataracon Iri' Jam ca mi' non pain ca tomi' nucun pain ca tomi' xo' tococwa pane.

Atos 18:17

Oro wari' co mana' nonon Paulo ma', hwet hwet pi' pin ac cocon na Sóstenes co querec wet nonon oro win judeu ca ma', pain xirim ca cut in xucucun ma'. Quep ac cocon na, to' to' ac cocon na. Querec paxi' pan na taramaxicon Gálio ma', querec paxi' tata pain ca to' cocon ma'. Ane miri'om tococwa ne. Om ca tomi' in pin tococwa pain ca to' cocon ma'.

Atos 22:21

Om na ta ac capa' na. Mao ra, mao rain pira inem. Tomi' hwet ne cocon oro wari' co om judeu nana inem ta napa'. Ac i ma' na ca tomi' cocon oro wari' Paulo ma'.

Romanos 1:1

Paulo ina pain ca xirao' mi' xuhu' ca'. Wari' nucun Jeju Cristo ina pain ca taramaja mi' e' ton ca' quem. Tora' napa' Iri' Jam pain ca apóstolo ra capa' pane, pain ca tomi' hwet rain capija ca tomi' xim ca', tomi' hwet rain capija ca tomi' hwet nuhu' pain ca to' witan xim cuhu' Jeju ta capa' pane quem.

Romanos 1:10

pain ca tama' tomi' mi' xuhu' con. Ca' inon pain ca tomi' ton pahu': Mo ta param mapa' pain ca aram aram mo querec toton, mi' ne pain ca mo hwet toton quem inon. Am xiram pa' mapa', mi' ne pain ca aram aram mo querec toton quem inon pahu'.

Romanos 1:5

Tomi' hwet jein capija naparut Iri' Jam pane, pain ca taramaja mi' jun Jeju ta caparut pane. Awi tamana na ca taramaja mi' tocwa quem, pain ca tomi' hwet xine capijacon ca'! Wirico Jeju co mi' naparut pain ca taramaja mi' urut con ca'. Ma' ta howa cacapa' oro wari' pain oro xijein macan' ta naparut. Ma' ta tomi' ha' cacapa' quem naparut.

1 Coríntios 15:9

Xi awi ta' pane ta. Awi tiquin' ca' nanapa' oro xucucun apóstolo. Om xi apóstolo ra capa' Iri' Jam pane, om xi pijim' hwet rain capija camain' capa' pane. Xi quep em' taxipa' ara toton oro co howa nonon Iri' Jam con Jeju pane ta.

1 Coríntios 3:9

Je ca tomi' xuhu' ca': Taramaja wi urut con Iri' Jam cwa'. Wahu' iri na ne, ac totacon hwe pain ca taramaja mi' urut pahu'. Ac xiricon hwe quem.

2 Coríntios 1:1

Paulo ina pain ca xirao' mi' xuhu' ca'. Apóstolo ra napa' Cristo Jeju pane, pain ca tomi' hwet roron pain capija oro wari' capa' pane. Xi om ne ca wirico ara ca Iri' Jam co param mi' napa' pain ta. Wata', wirico coxari' Timóteo cwa', ac i ca' urut pain ca xirao' mi' urut pahu' ca'. Xirao' mi' urut pahu' pain ca cut in xujuhu' pain Corinto ma', pain ca howa hun Iri' Jam ma'. Xirao' mi' xirao' mi' pi' pin urut cocon oro wari' nucun Iri' Jam co to nanain oro xijein macan' pain Acaia ma' quem.

2 Coríntios 11:5

Cain' cain' xirara quem? Taxi' tiquin' ca' nanapa' ra? Om ca taxi' tiquin' ca' cacapa' ta, ac i ma' na ca coromicat ne ca'.

2 Coríntios 12:12

Pe ho' iri inuhu' pane ne, an hwet mi' ac xuhu' na pain oro ca to' querec pin' mahu' pain ca iri' apóstolo ne ca'. To' i'ina paxi' napa' oro carawa jimao pane, ane quereme tain ne. An hwet mi' ac xuhu' na pain ca hwara' opa nucun Iri' Jam quem, pain ca ara tain ca om ara taxi' ne ca wari' wa, wa wa ac hwein na quem.

2 Coríntios 8:5

Quep xiho' tamana nana quem. Mi' wijimain e' tatarain xi' ma urut cocon pain dinheiro pane. Ane om mi' e' cocon pain dinheiro ne. Mi' cain' pan xucucun con Taramaxicon nexi' ma', pain ca tomi' ha' cara xut pum ta cocon ma', tomi' ac cacaparut na quem, tomi' ha' xut pahu' pain oro ca tomi' mi' maparut ma', je ca param mi' caparut Iri' Jam ta nanaparut.

Gálatas 1:1

Paulo ina pain ca xirao' mi' xuhu' ca'. Apóstolo ina, xi om ne ca tomi' hwet rain capija ara capa' Jeju Cristo ta. Om ca wari' caca co apóstolo ra nanapa', om ca wari' ca co mi' napa' pain ca taramaja ne pain ca apóstolo ta' ca' quem, om na. Wirico Jeju Cristo co apóstolo ra napa'. Wirico Cotere' Iri' Jam ma', co to' e' mami' non Jeju pane, wirico co apóstolo ra napa' ta.

Efésios 1:1

Paulo ina pain ca xirao' mi' xuhu' ca'. Apóstolo ra napa' Cristo Jeju pane, pain ca tomi' hwet roron pain capija oro wari' capa' pane. Wirico Iri' Jam co param mi' napa' pain. Xirao' mi' inuhu' pain ca to hwein Éfeso ma', pain ca wari' nucun Iri' Jam hwe ma', je pain ca tomi' ha' hun Cristo Jeju pain ca howa hun ma'.

Efésios 4:11

Wirico Cristo co mi' nain oro ca taramaja taxi' wa. Ma' nana co mi' wawa pain ca apóstolo wa pain ca tomi' hwet cacain capijacon Jeju. Ma' nana xucucun co mi' wawa pain ca profeta wa pain ca tomi' hwet cacain capijacon Iri' Jam quem. Ma' nana xucucun co mi' wawa pain ca evangelista wa, ma' ta tomi' hwet huhun oro wari' pain ca mi' pin caho' toton ta tata. Ma' nana xucucun co mi' wawa pain ca pastor wa pain ca ca' na wa capijacon Iri' Jam quem.

Colossenses 1:1

Paulo ina pain ca xirao' mi' xuhu' ca'. Apóstolo ra napa' Cristo Jeju pane, pain ca tomi' hwet roron pain capija oro wari' capa' pane. Xi om ne ca wirico ara ca Iri' Jam co param mi' napa' pain ta. Wata', wirico coxari' Timóteo cwa', ca' urut pain ca xirao' mi' urut pahu' ca'.

1 Timóteo 1:1

Paulo ina pain ca xirao' mi' xim ca'. Wari' nucun Cristo Jeju ina, xi om ne ca apóstolo ra ara capa' pain ca tomi' hwet roron pain capija oro wari' capa' pane. Iri' Jam ma', co to' witan napari' ma', wirico co apóstolo nucun Panxita' ra napa' ca'. Cristo Jeju ma', co howa iri' pain ca winim' xun ca', pain ca aram aram in qui' ta' ca ma', wirico co mi' napa' pain ca taramaja ne ca'.

1 Timóteo 2:7

Je ca wari' ne capa' pain ca apóstolo ra capa' pane. Pijim' hwet mi' roron pain capija oro wari' co om judeu nana ta napa' pane. Je ca na e' ne pain ca pijim' hwet toton pain capijacon Iri' Jam. Na e' na pain ca ca' na toton pain capijacon ca iri'o' con Jeju ta. Om ca mixein ta', tomi' iri'o' ina ta.

2 Timóteo 1:1

Paulo ina pain ca xirao' mi' xim ca'. Apóstolo ra napa' Cristo Jeju pane, pain ca tomi' hwet roron pain capija oro wari' capa' pane. Wirico Iri' Jam co param mi' napa' pain. Pijim' roron oro wari' napa' Cristo Jeju, pijim' hwet roron pain ca to' e' cara toton ta' oro wari' co howa nanapa' ta napa'.