1Pedro 5:9 - Tradução Bíblica Pacaas Novos

⁹ Ari jun Caxicon Jam. Hwara' opa je, howa cara jun Iri' Jam. Xi taxi' ara huhun oro xerexi' co to nanain oro xijein macan' ma', pain ca jain jain caca pain ca to' i'ina tococwa. Win cuhu' ma'.

1Pedro 5:9 Iomraidhean Croise

Lucas 22:32

Ane tomi' mi' xim con Te quem ne Simão. Ma' ta om pan' ma con, ma' ta hwara' opa cara ma pain ca howa nem inon pum. Cwirin' pin iri rain ca caracat nem ne, to' hwara' opa ac momon tara pain ca howa nucucun xerem cwa' quem na ca tomi' con Simão Jeju ma'.

João 16:33

Tomi' hwet inuhu' pain oro ca tomi' ne ca', ma' ta om toron ne xumuhu' pata' inuhu'. Ma' paxi' turuhu' oro ca to' i'ina nuhu' pain macan' ca'. Na e' nuhu' pain ca hwara' opa hwe. To' quiji' pin ara xi' inon co ma' co taramaxicon pe ho' nonon oro wari' co om howa nonon Te ta na ca tomi' caparut ca'.

Atos 14:22

Hwet iri tata co howa nonon Jeju pain oro cidade ma' ne, quep xiho' ac tococwa na pain ca howa nucucun. Hu ca' tata: Ta an to hwein ca howa wa me, howa cara jun Jeju ta ac tococwa na. To' i'ina tatarapari' oro wari' co om howa nonon Jeju ma' ac tococwa na. Quep em' xim paxi' tatarapari'. Je i ma' ira, na e' na pain ca jain jain iri' pain ca to' i'ina to' i'ina cacapari' ma', aram aram to ho' pin ac xun tara Iri' Jam ma', pain ca aram aram taramaxicon pe ho' toton cocon oro wari' nucun ta, ac i ma' na ca quep xiho' tococwa pain ca to' hwara' opa tococwa ma'.

1 Coríntios 10:13

Taraju wet je e': Pain ca to' i'ina cuhu' oro carawa ma', je cwerein mao na. To' i'ina taxipa' tata oro wari' ma' quem. Ane om an in pan cain capijacon ca wara tomi' pe capari' Iri' Jam ne. Om ca mixein cuhu' Iri' Jam. Narain ho' nuhu' con Caxicon Jam ma', pain ca caracat je caracat je ja' camara' xim cuhu' ma'. Quep xiho' nuhu', to' quereme nuhu' quem. Tomi' querec iri turuhu' Caxicon Jam ma' ne, pain ca caracat je cuhu' ma', quep xiho' pan ac cuhu' tara Iri' Jam. Mi' pan ac cuhu' tara pain ca witan ca' hun Caxicon Jam, ma' ta quereme hwe ma', ma' ta hwara' opa cara hwe ma' quem.

Efésios 4:27

Ta ha' camain' hun Caxicon Jam pain ca mana' cara xujuhu' cuhu' me.

Efésios 6:16

Ca howa tocwa Iri' Jam ma', je ca an xiho' nain pana ca mam' tac caho' xucun soldado ma' quem. Je ca tomi' xuhu' ca': Howa cara jun Iri' Jam ta. Na ac cuhu' tara pain ca narain ho' xujuhu' con Caxicon Jam pain ca caracat je taxipa' cuhu' ma'. Win ca soldado pain ca mam' wap jo' pin cain pain pana nucun oro conacocon oro wari' co mixita xun nonon ma', ac i ma' tara pain ca mam' narain ho' xujuhu' pain ca howa nuhu' ta.

Colossenses 2:5

Pira ca' paxi' inuhu' pain cwere ca', ane mam' pe wet xuhu' ne. Ac ca pe ho' xuhu' na pain xumu ca'. Tomi' querec te inuhu', xi om ne ca taxi' ara xuhu' pain ca xuruxut xo' hwe ma', je pain ca hwara' opa hwe pain ca howa hun Cristo ma'.

1 Tessalonicenses 3:3

Hwet roron, ma' ta om to' i'ina tococwa pain ca quep em' tococwa pain ca howa nucucun ta urut con pahu'. Wara taxi' ara xi' hwein ca coromicat an pe xo' nucun Iri' Jam pari', pain ca main quep em' tuturuhu' oro wari' pain ca howa mahu' ta capari' pane.

1 Timóteo 6:12

Pain ca howa cara mon Cristo Jeju ma', ma' mija tara oro ca to' i'ina nem ma'. Je i ma' ira, na e' na pain ca momon hwara' opa tiquin' ca' main ta. Querec pin' ron Iri' Jam pain ca pe ho' cara ne ta quem, pain ca mi' xim pain ca om pi' ra ha' ne ca e' wa ta quem. Wara tomi' pe ara xi' nem pain ca e' cara wa pain ca xo' tora' qui' quem pane ta. Mija nana wari' co taraju nenem pain ca tomi' hwet main ca howa nem pane quem.

2 Timóteo 3:12

Je cwerein ta. Quep em' quep em' xam' tata oro wari' co win xumu xin nanain carawa ca hohot non Iri' Jam ma', pain ca howa cocon Cristo Jeju ma'.

2 Timóteo 4:7

Pain ca taramaja mi' ton Iri' Jam ca', om ca nain ho' camain' tain cwere pain ca taramaja ne. Om ca taramaja nene camain' ta'. Ara ara pi' pin inain oro ca taramaja ne ca mi' capa' pane. Howa cara inon quem, om ca an pe camain' ton.

Hebreus 11:33

Howa nonon Iri' Jam. Je ca ma' caca co mixita nonon oro tatirim, to' quiji' pin ac cocon na quem. Ma' ac caca na xucucun co ara xo' nana pain ca taramaxicon to ho' cocon oro win ma' caca. Ma' ac caca na xucucun co cut nanain oro ca wara tomi' pe mi' pan cocon Iri' Jam. Ma' ac caca na xucucun co to' om pin nanain ca hwara' opa nucun copacao'. Om ca ha' mami' con pain ca cao' con wari' quem.

Hebreus 12:8

Hu xo' hu xo' pi' pin nonon mana panxica Iri' Jam. Mo ta om hu xo' cuhu' ma', mo ta om tomi' xo' cuhu' pain ca tomi' cain tarajuhu' ma', om ca iri' panxica hwe. Ac ca om ca na cote hwe ma'.

Tiago 4:7

Je ca tomi' xuhu' ca', tomi' ha' cara jun Iri' Jam. Ari jun Caxicon Jam, mo ca' ac cuhu' tara.

1Pedro 1:6

Je ca tomi' querec te tamana hwe ma'. Tomi' xaxa' paxi' hwe pain xocori ca', xi ma' ara ne oro ca to' i'ina nuhu' ta. Ane om to' i'ina cara xim cuhu' ne, ame hwe e'.

1Pedro 2:21

Je ara xi' na ca wara param mi' cuhu' pain ca xo' howa xine ta qui' cuhu' pain cara pane. Mo ta quep em' ximama' xihwe, je i ma' ira je, quereme ac hwein tara ta nuhu'. Xi om ne ca quereme ara ca Cristo pain ca quep em' ximao pan tocwa pain ca mi' pin caho' cuhu' pane ta. Win ta' pane, an xiho' xine pain ca quereme ta' pane nuhu' quem.

1Pedro 3:14

Tara cocon, am ma' paxi' caca co to' jain jain toton nunuhu' pain ca ara hwein ca awi wa ma'. Je i ma' ira, param mi' turuhu' pain ca awi wa Iri' Jam ta. Ta jin' huhun me, ta toron ne xumuhu' cocon me.

1Pedro 4:13

Jain jain iri hwe pain ca quep em' xihwe pain ca howa hun Cristo ne, jain jain wi ac hun na. Je ta tomi' querec te qui' hwe pain, ma' ta tomi' querec te tamana hwe pain ca aram aram an hwet mi' xim capari' pain ca hwara' opa nucun pain ca awi tamana nucun quem.

Apocalipse 1:9

João ina pain ca xirao' mi' xuhu' ca'. Xere xijexi' pain ca howa xun Jeju. Win ma' ne xijexi' pain ca jain jain wi iri' cocon oro wari' co quep em' nanapari', xi om ne ca taramaxicon ne ara xun Iri' Jam ta. Win ma' ne xijexi' pain ca quereme cara xin oro ca to' i'ina napari' pain ca howa xun Jeju quem. Pe inain xixi pan nein macan' Patmos. An mao nanapa' pain i cain pane, xi om ne ca pijim' ara tain capijacon Iri' Jam pane, xi om ne ca tomi' hwet ara toton con Jeju oro wari' pane quem.

Apocalipse 6:11

Mi' mi' xam' ac tococwa na con wom co towo'. Ame cain' hwe e', ma' ma' wet ara xi' nana oro xuruhu' co win howa hwe ma', co taramaja wi nunuhu' pain ca taramaja mi' mahu' ma'. Xam' cain' tatara pain ca to' parapa' pin xun wawa, win xihwe ma', ac i ma' na ca tomi' tococwa ma'.

Apocalipse 7:14

Om ca taxi' toton ta taramaxicon. Tomi' hwet ne cocon ac ton na. Tomi' hwet ac capa' na: Wiricoco co jain jain tamana nana pain oro cawaxi' pain ca quep em' tamana tococwa pain ca howa cocon Jeju pane. Hohoc hohoc towo' pin nonon womicocon pain quicon co ma' co ac Wijimain Taramaji Ovelha ma'.