1Pedro 5:7 - Tradução Bíblica Pacaas Novos

⁷ Tomi' hwet tomi' hwet pi' pin jun pain Iri' Jam oro ca to' toron nain xumuhu' ma'. Howa jun pain ca quep xiho' xim cuhu' pain, xi om ne ca wirico ara ca co querec wet xo' nuhu' ta.

1Pedro 5:7 Iomraidhean Croise

Mateus 6:27

Je ca tomi' xuhu' ca' ac tococwa na. Iri' Jam ma', wara an to xo' nain oro xec nein ca e' e' wet nexi'. Ha' turuhu' pain ca mam' e' e' tiquin' wijimain ca' hwein pain ca toron tamana ne xumuhu' quem ra? Om ca ha' cuhu' ta.

Mateus 6:28

Para toron ximama' ne xumuhu' con wom co to xi' hwe quem? Noro jein oro hwijein pana pain ca horon pin ne ma'. Om paxi' na ca taramaja ne, om paxi' na ca tu mi' xijein con wom quem.

Mateus 6:31

Je ca tomi' xuhu' ca': Ta toron ne xumuhu' me. Ta tomi' xujuhu' pain ca main xi carawa ca cao' xi' ca' ne hwe me. Ta main xi carawa ca toc xi' ca' ne hwe me. Ta mon xi wom co to xi' cwa' ne hwe me.

Marcos 4:38

Pi'am pe nain nomoji mam' horoho wa Jeju ma' quem. Mam' pi'am nain ca mam' wina ca ma'. Ho' querec ac cocon na co taxipa' ca. Taramaxicon co ca' na taxipa' capijacon Iri' Jam! Pan corom mama' xi' iri' ta! Cain' cain' xima quem? Cono' ma' xi' ne ma ra na ca merem cocon ma'.

Lucas 12:22

Tomi' ac tococwa na co taxipa' ca ma': Je ca tomi' xuhu' ca', ta toron ne xumuhu' pain ca ma' xirapa' na hwein oro caramaji macan' ca to' e' nuhu' me, je carawa ca cao' xi' hwe, wirico wom co to xi' hwe ma' quem, ta toron ne xumuhu' pain me.

Lucas 12:26

Om ca ha' camain' cuhu' pain ca mam' e' e' tiquin' wijimain ca' hwein pain ca toron tamana ne xumuhu' ma' ta. Je xi om toron ximama' ne xumuhu' pain oro carawa ma' quem na ca tomi' tococwa ma'.

João 10:13

Mo mao na co ma' co taramaja mi' e' nain dinheiro. Xi win xumu cain ovelha ta. Ac i ma' nana co pijim' ni ca' nanain capijacon Iri' Jam quem. Om ca win xumu cocon oro wari' nucun Iri' Jam.

Filipenses 4:6

Ta toron camain' ne xumuhu' pain oro carawa me. Tomi' hwet e' jun pain Iri' Jam ta. Tomi' xun iri hun ne, tomi' hwet tomi' hwet pi' pin ac hun tara pain. Xiram pa' xut pain jun. Tomi' querec te jun pain ca xiram pa' xut pain hun quem.