1Pedro 5:6 - Tradução Bíblica Pacaas Novos

⁶ Je ca tomi' xuhu' ca'. Ta xec xec camain' hwe pain ca hwara' opa pan ta' ta hwe me. Tomi' ha' e' jun Iri' Jam co hwara' opa pan, pain ca Taramaxicon ne hun ma'. Ma' ta aram aram to' hwara' opa pin cuhu' pain xec nein ca wara coromicat an pe xo' ca pane. Hohot mahu' ta ac cuhu' tara quem.

1Pedro 5:6 Iomraidhean Croise

Mateus 23:12

Oro wari' co xec xec nana ma', pain ca hwara' opa ina xi' ma caca ma', to' wixipa' to' wixipa' xam' ac tococwa tara. Oro wari' co om xec xec nana ma' iri nana ne, pain ca om ca hwara' opa ta' ta caca ma', to' hwara' opa pin ac tococwa tara quem na ca tomi' caparut.

Lucas 1:52

To' quiji' pin tata oro taramaxicon, narain ho' tata pain ca taramaxicon mami' caca. Oro wari' co om hwara' opa camain' nana ma' iri na ne, to' hwara' opa ac tococwa na.

Lucas 14:11

Je ca tomi' xuhu' ca' ac tococwa na. Oro wari' co xec xec nana ma', pain ca hwara' opa na xi' ma caca ma', to' wixipa' to' wixipa' pi' pin ac tococwa tara. Wari' co om xec xec ma' iri na ne, pain ca om ca hwara' opa ta' pan xucun ma', to' hwara' opa pin ac tocwa tara quem na ca tomi' tococwa ma'.

Lucas 18:14

Je ca tomi' xuhu' ca' ac tococwa na. In mama' iri nanain xiricocon ne, querec hohot pan inem ta non Iri' Jam co ma' co cut in taxipa' imposto ma'. Fariseu ma' iri na ne, om ca querec hohot pan inem ta con Iri' Jam. Je ca tomi' xuhu' ca': Wari' co xec xec ma', pain ca hwara' opa ina xi' ma ca ma', to' wixipa' ac tocwa tara. Wari' co om xec xec ma' iri na ne, pain ca om ca hwara' opa ta' ta pan xucun ma', to' hwara' opa pin ac tocwa tara quem na ca tomi' tococwa ma'.

Romanos 5:6

Je ca tomi' xuhu' ca'. Pain ca ximin ximin wet nexi' pain ca om quep xiho' taxi' xijexi' pane, maqui' ac ne na xec nein ca wara an pe xo' ca Iri' Jam pane. Mi' pin caho' ac capari' na Cristo. Ma' ta quep xiho' xuhu' pain ca caracat nuhu' ma', pain ca miri'om hun Iri' Jam ta napari'.

1 Coríntios 10:22

Cain' cain' xihwe quem? Tomi' taparam' pin xun hun Taramaxicon nexi' ra? Hwara' opa tiquin' ca' urun xi' ma hwe ra? Om na ta.

1 Timóteo 2:6

Om ca narain ho' xucun pari'. To' pa' pin ma' tatarapa' ne na pane. Ma' ta to' witan ca' toton pain ca caracat nucucun ta napari'. Maqui' iri na xec nein ca wara coromicat an pe xo' ca Cote ca pane ne, je i ma' xec nein ca to' querec pin' capari' pain ca to' witan xuhu' ta capari' ca'.

Tito 1:3

Maqui' pin iri na xec nein ca wara coromicat an pe xo' ca pane ne, an hwet mi' ac capari' na pain capijacon ca'. Pijim' rain ta napa' Iri' Jam co to' witan napari' quem.

Tiago 4:10

Querec pin' xujuhu' pain ca ximin nuhu' pain ca om querec awi cuhu' Taramaxicon Iri' Jam. An tequi' to ac cuhu' tara, mi' ac cuhu' tara pain ca querec awi cuhu' quem.

Tiago 4:7

Je ca tomi' xuhu' ca', tomi' ha' cara jun Iri' Jam. Ari jun Caxicon Jam, mo ca' ac cuhu' tara.

Tiago 5:10

Noro jujun oro profeta co tomi' hwet jujun pain capija oro wari' ta ca Taramaxicon Iri' Jam pane. Jain jain paxi' nana pain oro ca to' i'ina nonon pane. Ane quereme cara cacain ne. An xiho' jujun ta xere.