Biblia Todo Logo
Bìoball air-loidhne

- Sanasan -




1Pedro 5:5 - Tradução Bíblica Pacaas Novos

5 Tomi' mip inuhu' pain ca xo' horon hwe ma' quem. Tomi' ha' jujun oro co wara tiquin' mama' cawaxi' nucucun ma'. Tomi' tomi' pi' pin inuhu', an hwet mi' xujuhu' pain ca om xec xec nuhu' ta, xi xirao' pe ara xine pain capijacon Iri' Jam ta. Ca' na ca xirao' pe nein: Ari nonon oro co xec xec nana Iri' Jam ta. Oro co om xec xec nana ma' iri nana ne, xiram pa' tata, quep xiho' tata quem. Ac i ma' na ca xirao' pe xine pain capijacon Iri' Jam.

Faic an caibideil Dèan lethbhreac




1Pedro 5:5
27 Iomraidhean Croise  

Ane om na ne pain ca an xiho' huhun ne. Jimama' je. Co hwara' opa ma', om ta xec xec ca. An xiho' toron co om hwara' opa camain' ma'. Co taramaxicon ta' ma' pahu', an xiho' toron co taramaja mi' e' non win ma' ca ma'.


Tomi' querec te xujuhu'. Win ne ca xere xujuhu' tara pain ca howa hun Iri' Jam ma'. Awi tiquin' ca' napa' co cwa' ta, ac i ma' tara ca coromicat nuhu'.


An xiho' xun Taramaxicon nexi' Jeju Cristo. Win cwere xun, ac ca to xun tara. Win ne ca to xun wom cwa', ac ca to xun tara pain ca an xiho' xun pain oro ca ara nucun, je pain oro ca coromicat nucun. Maho' xin ca coromicat an to xo' wa oro ca param ximao wa ta.


Tomi' ha' caracan xujuhu', xi om ne ca in ac ara hun Cristo ta.


Ta win xumu e' hwein ca param nuhu' pain oro ca xuruxut nuhu' me. Ta coromicat ca' hwe me: Querec pin' tatarapa' oro wari' pain ca xut xo' ne ta, ta coromicat ac i ma' camain' hwe me ta. Ta xec xec hwe me. Coromicat ca' je: Awi ca' nanapa' oro win ma' ne cwa', ac i ma' tara ca coromicat nuhu' ta.


Tora' nuhu' Iri' Jam, iri' wari' ne nuhu'. Om ca noc camain' cuhu'. Je ca hohot ne pain ca xiram pa' tamana xujuhu' ma'. An hwet mi' xujuhu' pain ca awi wa. Ta xec xec hwe me ta. Tomi' wixite xujuhu'. Tomi' pan hot xujuhu' quem.


Mo ta ma' cocon carawa ca to' i'ina nonon co howa nana co querec wet ma ma', tomi' xo' ac momon tara pain ca hu toton momon ma'. Ac ca te momon tara pain ca tomi' xo' momon ma'. Tomi' wixite roron co xo' horon nana ma' quem. Ac ca xere momon tara.


Tomi' ha' jujun co querec wet nunuhu' pain ca hu cucuhu' ma'. Ta tomi' in pin huhun me. Wiricoco ara xi' nana co querec wet xo' nunuhu' pain ca howa nuhu' ma', xi taxi' pan ara xucucun pain ca maqui' ta' ne xec nein ca coco' quima hwet xun cocon Iri' Jam ma', pain ca tomi' hwet xun cocon pain oro ca taramaja nucucun pain ca querec wet cucuhu' ta. Je ca tomi' xuhu' ca'. Tomi' ha' jujun, ma' ta ara tomi' querec te cacain ca taramaja nucucun ta. Mo ta om tomi' ha' huhun, mo ta ara tomi' xaxa' e' cacain ca taramaja nucucun pahu', om ta quep xiho' ac cucuhu' ta.


Ac i ma' paxi' napari', ane quep xiho' capari' pain ca xiram pa' tamana capari' ne. Je ca xirao' an pe xine pain capijacon Iri' Jam quem: Ari nonon oro co xec xec nana Iri' Jam ta. Oro co om xec xec nana ma' iri nana ne, xiram pa' tata, quep xiho' tata quem. Ac i ma' na ca xirao' pe xine pain capijacon Iri' Jam pane.


Tomi' xim inuhu' pain i ca' quem: Je je ari tara ca coromicat nuhu' pain ca tomi' querec te xujuhu' ta. Quep xiho' xujuhu'. Ta noc camain' xujuhu' me, win ne ca xere xujuhu' ma'. Xiram pa' xujuhu', ta xec xec hwe pain ca quep xiho' xujuhu' me.


Je ca tomi' xuhu' ca'. Jain jain na Cristo pain ca wari' nucun pane, pain ca ma' ne curucun pane. Je ta wara awori xo' qui' hwe pain ca an xiho' hun pain ca coromicat nucun quem, pain ca om nain ho' pan xucun pain ca jain jain wa pane. Xi ac i ma' ara ca wari' co quereme nain ca jain jain wa pain ca caxi ne curucun ma'. Noc nain ca caracat wa ta.


Je i ma' ira, ame hwe e'. Main maqui' tara xec nein ca coco' quima hwet xun cocon Iri' Jam co wara awori xo' ma', pain ca tomi' xo' xun tococwa pain oro carawa ca ara caca ma'. Co e' e' wet nana ma', co wara cono' nana ma' quem, wap wap ac tococwa tara ta.


Lean sinn:

Sanasan


Sanasan