1Pedro 4:9 - Tradução Bíblica Pacaas Novos

⁹ Tomi' querec te jujun oro win ma' nuhu' co hwet nunuhu' pain xuruhu'. Ta tomi' wijimi hwe cocon me.

1Pedro 4:9 Iomraidhean Croise

Romanos 12:13

Mo ta om cocon carawa oro win howa hwe ma', xiram pa' jujun, quep xiho' jujun pain caramajuhu'. Tomi' querec te jujun co maqui' nanain xijein xirim. Cao' to ho' xine, pi'am to jein xuru ta jujun.

Romanos 16:23

Mam' pe wet inonon ta nuhu' Gaio cwa'. Pi'am pe inain xiricon Gaio cwa'. Cut in to xucucun pain xiricon oro xerexi' co howa nonon Jeju quem. Mam' pe wet inonon ta nuhu' Erasto cwa', co querec wet nain dinheiro nein cidade ca' quem. Mam' pe wet inonon ta nuhu' coxari' Quarto cwa' quem.

2 Coríntios 9:7

Je ca na e' ne pain ca mi' mi' xam' hwein dinheiro ca wara coromicat an to xo' hwe pain xumuhu' ma'. Ta mi' xiram pa' hwein me. Om ca na ne pain ca mi' e' hwein pain ca tomi' tomi' na pin xujuhu' ma'. Wari' co mi' querec te ma', wirico ara xi' na co tomi' querec te pan ca Iri' Jam ma'.

Filipenses 2:14

Ara xo' jein oro ca ara hwe pain ca tomi' ha' hun Iri' Jam. Ta tomi' wijimi hwe pain me, ta tomi' mana' xujuhu' pain me.

1 Timóteo 3:2

Je ca tomi' xim ca': Wari' co querec wet nonon co howa nana ma', om ca na camain' ne pain ca hwet ne wixicon pain ca caracat wa. Xica' pe tara manacon. Ma' tara ximicon pain ca om ara e' cain ca param pan nucun. Coromicat xo' tara. Xut xo' tara. Tomi' querec te totoron oro wari' co hwet nonon pain xiricon. Ca' na taxi' totoron pain capijacon Iri' Jam co howa nana ma'.

Tito 1:8

Om ca na camain' ne pain ca ara ac i ma' ca ma'. Ara ca' e' tara: Tomi' querec te totoron oro wari' co hwet nonon pain xiricon. Param e' tarain ca awi wa. Coromicat xo' tara. Xut xo' tara. Win xumu e' tarain oro ca param nucun Iri' Jam. Ma' tara ximicon pain ca om ara e' cain ca param pan nucun.

Filemom 1:14

Ane om ha' ne pain ca ara e' tain ca param ne con ne, noc inain. Mo xi wara tomi' xo' xim con, mo xi wara xiram pa' ne, pe ho' cara xirapa' na inon, mo xi wara tomi' xo' ac i ma' xim con. Ane om ha' ne pain ca tomi' tomi' na xim con ne, pain ca tomi' ha' ne con ta xim ca'. Awi na pain ca ara pan main ca param nem con.

Hebreus 13:16

Ta miri'om xujuhu' me. Ara mi' iri xujuhu' pain ca awi wa ma' ne, pain ca quep xiho' caracan xujuhu' ma', ac ca ara mi' hun na pain ca awi wa Iri' Jam ma'. Hohot napa' pain ca ara ac i ma' hwe ta nuhu' quem.

Hebreus 13:2

Ta miri'om huhun oro wari' co aram aram tan' mama' nanain macarahu' ma'. Tomi' querec te jujun pain ca cao' to ho' xine, pi'am to jein xuru ta huhun ma'. Ac i ma' iri nana oro hwanana pane ne, ma' ac caca na co om querec pin' wawa quem. Wari' tara ma' tata, ane om wari' caca ne. Jam co taramaja mi' nonon Iri' Jam nana pane.

Tiago 5:9

Ta tomi' wijimi xujuhu' me xere. Ma' ta om tomi' em' pan xihwe ta. Xi om ne ca wixicam pin ara ne ca maqui' nucun co ma' co iri' Juiz ma', co tomi' xo' xim napari' pain oro carawa ca ara iri' ca'. Wara xat pe ho' pin nain man ca corom wa ma', pain ca corom hwet xim capari' ma'.