1Pedro 4:7 - Tradução Bíblica Pacaas Novos

⁷ Wixicam pin na xec nein ca pi' pin ta' ne macan' je oro carawa jimao quem. Je ta coromicat xo' qui' hwe ta. Ma' tara xumuhu' quem. Ma' ta ha' cuhu' pain ca tomi' hun Iri' Jam ta.

1Pedro 4:7 Iomraidhean Croise

Mateus 24:42

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta.

Mateus 25:13

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta. Om ca taxi' camain' hwein hora nein ca in qui' ne quem na ca tomi' caparut.

Lucas 21:34

Ma' tara xumuhu' me ac tococwa na. Ta win xumu e' hwein oro ca tamanain to wa pain ca toc ximama' wa ca mana' nein tocwa me. Ta toron ximama' ne xumuhu' pain oro ca to' i'ina nuhu' quem me. Mo ta xuruxut ximama' ac i ma' hwe, mo ta om winim' xo' mahu', ane ane hwet pa' ac cuhu' tara xec nein ca in qui' ta' ne.

Lucas 21:36

Je ca tomi' xuhu' ca' ac tococwa na. Ma' tara xumuhu' me. Tama' tomi' jun Iri' Jam quem. Ma' ta na cuhu' pain ca witan ca' hwein oro ca om awi ca maqui' ta' ma' quem. Ma' ta om wixipa' hwe pain ca aram aram coco' quima hwet xim mahu' pain ca Iri' Wari' ta' ca' quem na ca tomi' tococwa ma'.

Lucas 22:46

Je xi om pi'am hwe quem ac tococwa na. Tequi' to je e'. Momon tomi' jun Iri' Jam, ma' ta om ja' camara' xihwe pain ca tomi' querec cuhu' Caxicon Jam ta tata.

Romanos 12:12

Tomi' querec te je. Xi ma' ara ne carawa ca awi ca mi' xim capari' Iri' Jam ta. Jain jain iri hwe pain ca to' i'ina cuhu' carawa ma' ne, ta naro hwe me ta. Hwara' opa cara je. Tama' tomi' jun Iri' Jam quem.

1 Coríntios 15:24

Aram aram maqui' ac ne tara oro xec nein ca to' om pin tain cain ca hwara' opa nucucun oro jam cocon oro taramaxicon co taramaxicon to nanain oro xijein macan' ma' quem. To' om to' om pi' pin tarain ca hwara' opa nucucun. Pi' pin ac ne tara macan' quem. Je i ma' tara xec nein ca tomi' ton con Cote ca quem. Tomi' ca' toron: Taramaxicon pe rain maxu ta Te ac con tara, mi' ac con pain tara ca taramaxicon pe cain maxicon.

1 Coríntios 7:29

Je ca tomi' xuhu' ca' xere: In qui' ta' tara Cristo. Om ta pain homa ne ca in qui' ta' nucun. Je ca na e' ne pain ca win xumu xin ca taramaja nexi' pain ca taramaja mi' xun ca'. Win xumu jein, mao ac ne ma' tara pahu'. Tarama' co ma' non narima' ma', ac ca om con tara, win xumu e' tarain ca taramaja nucun pain ca taramaja mi' con Cristo. Ac i ma' tara narima' co ma' nam tarama' ma' quem, ac ca om cam tara, win xumu e' tarain ca taramaja nequem pain ca taramaja mi' con Cristo.

Efésios 6:18

Tama' tomi' jun Iri' Jam ma', pain ca cut hwein oro ca mam' narain ho' xujuhu' ca mi' cuhu' ma'. Pain ca mi' cuhu' pain oro ca tomi' wa Tamataracon ma', je tara ca tomi' hun ta. Ma' tara xumuhu' me. Ta pi'am ca' hun pain ca tomi' hun me. Ta an to pin hwein ca tomi' wa quem me. Tama' tomi' mi' tomi' mi' pi' pin jujun con oro wari' nucun quem.

Filipenses 4:5

Tomi' toto e' jujun oro wari', querec pin' querec pin' pi' pin tuturuhu' pain ca tomi' wixite nuhu'. Wixicam pin ara xi' na ca in qui' nucun Taramaxicon nexi' ta.

Colossenses 4:2

Ta an pe camain' hwein ca tomi' hun Iri' Jam me. Ta coromicat ni ca' hun pain ca tomi' hun me. Tomi' querec te jun pain ca tomi' hun quem.

2 Timóteo 4:5

Ac i ma' tatara co noc nanain capijacon Iri' Jam. Wum iri na ne, ma' tara xumum ta Timóteo. Tama' coromicat xo' ra pain oro carawa ca ara nem. Quereme rain oro ca to' i'ina nem ma'. Pijim' mi' roron pain capijacon Iri' Jam oro wari', pijim' mi' roron pain capijacon Iri' Jam ca tomi' hwet napari' con Cristo Jeju co to' witan xim napari'. Ara ara pi' pin rain oro ca ara ra quem Iri' Jam pain ca taramaja mi' mon ma' quem.

Tito 2:12

Hu ca' napari' quem: An to pin jein oro ca ara nuhu' ca om hohot napa' ta napari'. An to pin jein oro ca param pan teretem wa ca ara caca oro wari' co om howa nanapa' ta napari'. Coromicat xo' je, xuruxut xo' je, tama' hohot xine ta napari'. Win xumu jein ca param ne pain ca e' e' wet nuhu' pain macan' ta napari' quem.

Hebreus 10:25

Om ta an to pin xin ca cut in xijexi' pain ca howa xun Jeju cwa'. Ma' ara xi' nana oro win ma' nexi' co an to taxipa' nanain ta. Om ta an xiho' xuxun. Tama' corom xi'. Ma' ta to' hwara' opa xijexi' pain ca howa nexi'. Na e' na pain ca hu xijexi', xi om ne ca taxi' ara xun Jeju pain ca maqui' ta' nucun. Wixicam pin ara xi' na xec nucun ta.

Hebreus 9:26

Mo xi mi' pin ho' mi' pin ho' ca ma', na e' na pain ca jain jain ho' jain jain ho' qui' ca pain ca xo' tomi' ma' qui' xine macan' pain cara pane. Ane om ac i ma' ca ne. Pain ca maqui' cain macan' ca', pain oro xec nein ca pi' pin ta' ne macan' ca', maqui' xica' pe na. Om ca maqui' mami' ca. Ma' ta mam' xic am pin tain ca caracat wa pain ca mi' pin ne ca', pain ca mi' pan xije con Te Iri' Jam ta na pane.

1Pedro 1:13

Je ca tomi' xuhu' ca'. Coromicat xo' je. Wara awori xo' je pain ca ara xin hwein ca param nucun Iri' Jam. Ma' tara xumuhu'. Howa mip jun Iri' Jam pain ca xiram pa' xim cuhu' ma', pain ca to' witan e' xim cuhu' pain ca in qui' ta' nucun Jeju Cristo ta.

1Pedro 3:7

Wahu' quem, pain ca ma' cuhu' narima' ma' quem. Ma' tara xumuhu' pain ca to ho' xujuhu' ma'. Tomi' querec te jejem pain ca querec wet xo' hwehwem ma'. Querec pin' jejem pain ca om hwara' opa homa cacama ma', je pain ca om an xiho' cucuhu' pain ca hwara' opa nuhu' ma'. Xi mi' ara cacam pain ca om pi' ra ha' ne ca e' wa Iri' Jam ta. Win cuhu' ma'. Ac i ma' jejem manahu', ma' ta om i'ina hwe pain ca tomi' xun hun Iri' Jam ma' quem.

1Pedro 5:8

Ma' tara xumuhu' con Caxicon Jam ma', co noc nuhu' ma'. Pirao' nuhu', an xiho' non copacao' co xararac ma', co tama' xut in xut in pain ca pirao' cain carawa ca cao' wa ma'. Ac i ma' nuhu' Caxicon Jam quem. Quep xim nuhu'.

Apocalipse 16:15

Je ca tomi' capari' ca': Taraju wet xine me. Ane ane maqui' pa' xuhu'. Win ne ca ane ane maqui' ca wari' co an noc xa ta' ma', ac i ma' tara ca ane ane maqui' pa' xuhu'. Iri' Jam ma', param mi' totoron pain ca awi wa oro wari' co winim' xo' cara nanapa' ma', pain ca wara an pe xo' cocon womicocon ma', pain ca om an xiho' cocon wari' co pi'am ca' nonon co an noc xa ta' ma'. Om ta wixipa' caca pain ca ane ane maqui' pa' toton pain ca ac ca hwet pe ne ne curucucun pain ca om winim' xo' cacapa' pain ca maqui' ta' ne ta. Ac i ma' na ca tomi' capari' ca'.