1Pedro 4:5 - Tradução Bíblica Pacaas Novos

⁵ Je i ma' ira, ame hwe e'. Main maqui' tara xec nein ca coco' quima hwet xun cocon Iri' Jam co wara awori xo' ma', pain ca tomi' xo' xun tococwa pain oro carawa ca ara caca ma'. Co e' e' wet nana ma', co wara cono' nana ma' quem, wap wap ac tococwa tara ta.

1Pedro 4:5 Iomraidhean Croise

Mateus 12:36

Ane tomi' pan xuhu' pain i ca' ne, tomi' iri'o' inuhu' ta ac tococwa na. Maqui' iri tara xec nein ca wap toton oro wari' pain ca caracat nucucun ta na Iri' Jam ne, tomi' ac tococwa tara: Para tomi' ximama' hwe pane, tomi' hwet xine pain oro ca tomi' ximama' nuhu' cara pane, ac i ma' tara ca tomi' tococwa.

Lucas 16:2

Hap ra ta ac con na, tomi' querec ac con na: Cain' cain' xima quem? Tomi' hwet nanapa' pain ca waraju main caramaju ca'! Cut qui' rain papel ca xirao' pe main oro ca taramaja nem pain dinheiro ne ma', pain ca waraju main oro caramaju ca'. Xi na ne pain ca querec wet mami' main caramaju ta non.

Atos 10:42

Tomi' ca' naparut Jeju quem: Tomi' hwet xine cocon oro wari' ta, tomi' hwet jujun pain ca tomi' pan capa' Iri' Jam cwa', pain ca mi' pan capa' pain ca juiz ta' ca', pain ca main tomi' xo' ton toton oro wari' co wara cono' nana, wiricoco co e' e' wet nana quem, pain ca main tomi' xo' ton toton pain oro carawa ca ara caca pain ca e' e' wet nucucun ma'. Wirico Iri' Jam co tomi' napa' pain ta, tomi' hwet jujun pain oro wari' ta, ac i ma' na ca tomi' caparut pane.

Atos 17:31

Cwirin' je napari', xi wara an pe xo' ara cain xec pain ca tomi' querec xim capari' pain oro carawa ca ara iri' pain ca e' e' wet nexi' ca'. Tomi' xo' roron, querec pin' roron co em' nana ta, wara tomi' ac i ma' non wari' co wara tora' ca ma'. Wari' co wara tora' ca ma', mi' pin na pane, to' e' mami' ac con na quem. Ma' ta querec pin' hun pain ca wara tora' pan ton ca' napari'. Ac i ma' na ca pijim' cocon oro taramaxicon Paulo pane.

Romanos 14:9

Je ca mi' pin ca Cristo pane. Je ca e' mami' ca quem. Ma' ta Taramaxicon ne cacapa' co wara cono' nana, ma' ta Taramaxicon ne cacapa' co e' e' wet nana ta napari'.

2 Timóteo 4:1

Maqui' iri tara Cristo Jeju pain ca taramaxicon pe pin tain cain macan' ca' ne, tomi' hwet tomi' hwet xam' ac tococwa tara oro wari' pain oro carawa ca ara caca ma'. Co e' e' wet nana ma', co wara cono' pin nana ma' quem, tomi' xo' tomi' xo' xam' totoron. Hohot hwe ta totoron co hohot nana ma', em' hwe ta totoron co em' nana ma' quem. Je ca tomi' xim ca'. Taraju napa' Iri' Jam con Cristo Jeju pain ca tomi' mip xim ca':

Tiago 5:9

Ta tomi' wijimi xujuhu' me xere. Ma' ta om tomi' em' pan xihwe ta. Xi om ne ca wixicam pin ara ne ca maqui' nucun co ma' co iri' Juiz ma', co tomi' xo' xim napari' pain oro carawa ca ara iri' ca'. Wara xat pe ho' pin nain man ca corom wa ma', pain ca corom hwet xim capari' ma'.