1Pedro 4:4 - Tradução Bíblica Pacaas Novos

⁴ Cain' cain' xira cocon ne nunuhu' oro co ara ara wet nanain i ma', tomi' xirac tomi' xirac ac cucuhu' na quem. Xi jao jao ma' mami' huhun pain oro ca quep ximama' nucucun pain ca ara pan teretem nucucun ta.

1Pedro 4:4 Iomraidhean Croise

Mateus 23:25

Wa inuhu' me oro co ca' na taxipa' nanain ca xirao' nucun Moisés! Wa inuhu' quem oro fariseu! Ximin hwe ta. Ac ca iri'o' xi' ca' tara me hwe. Wap tamana turuhu' Iri' Jam ta. Ac ca hohoc xo' hwein na too ca mam' cao' hwe ma', je ca mam' toc hwe ma' quem. Ac ca awi ne na xonein ma' pahu', ane mixem cara pan ne quimain ne. Ac i ma' pan hwe quem. Hohoc xo' paxi' hwein curuhu' ma', ane mixem cara ne xumuhu' ne. Param ximama' e' hwein oro caramaxicocon oro win ma' hwe, ara e' hwein oro ca param ximama' pan nuhu' quem.

Lucas 15:13

Om ca pain homa ne, mao tain xijein macan' pain pira ta ac ca na co xo' hwara' ma'. Vender pin iri nain oro caramaxicon ne, cut in cut in pi' pin ac cain na dinheiro nein, mao ac ca na quem. Wa' mao iri nain i cain ne, tamanain pe ac ca na, waraju pin ac cain na dinheiro nucun.

Atos 13:45

Querec iri nana oro taramaxicon nucucun oro judeu ma' ne, pain ca maqui' mija caca oro wari' ma', mana' tamana ac caca na. Noc mi' nonon Paulo con Barnabé pain ca hwet mija pan cocon oro wari' ma'. Tomi' napat nonon, tomi' in pin nonon Paulo pain ca pijim' nucun ma' quem.

Atos 18:6

Ane tomi' in pin pan cocon ne. Tomi' napat nonon quem. Je ca wap camara' cain ximirinain macaracocon con womicon Paulo ma' quem. Ma' ta querec pin' xujuhu' pain ca pan teretem nuhu' pain ca noc hwein ca taraju wa capijacon Iri' Jam con Jeju ta tata. Tomi' ca' tata: Mo ta wap cuhu' Iri' Jam ma', pain ca noc hun Jeju ma', om ca wata' ne co em' ma' pahu'. Wahu' co em' pan nana ta. Maho' pin inuhu' pain ca judeu hwe ma'. Pijim' pijim' om xuhu'. Pijim' mi' ho' toton pain capijacon Iri' Jam con Jeju oro wari' co om judeu nana ta na ca tomi' tococwa ma'.

Romanos 13:13

Xuruxut xo' xi'. Wari' nein xec xi'. Om ta tamanain to xi'. Om ta toc tamanain to xi'. Om ta quep ximama' xi'. Om ta noc ximama' xijexi'. Om ta noc mi' xijexi' pain oro caramajixi'.

Efésios 5:18

Ta quep cuhu' comi uva ca mana' me. To' em' pin ara xi' napari' comi uva ca mana' ta. Param pan jein Tamataracon Iri' Jam. Pe ho' mip turuhu' ca hwara' opa nein ta.

1Pedro 2:12

Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.

1Pedro 3:16

Tomi' in hwet xo' iri jujun ne, tomi' wixite e' ac huhun tara, ta tomi' ximama' huhun me ta. Tomi' hwet e' jujun pain carawa ca taxi' hwe pain ca hohot con Iri' Jam. Ma' ta wixipa' pin caca co tomi' napat nunuhu' pain ca xuruxut xo' nuhu' pain ca howa hun Cristo ta.

2 Pedro 2:12

Oro co ca' na mixein nunuhu' ma' iri nana ne, an xiho' nanain oro carawa nein mi ca om ximi ma', ca ara e' nain ca param pan ne cwerein. Hohot na pain ca quep xine, hohot na pain ca to' om pin xine quem. Ac i ma' na ca om ne ximicocon oro co ca' na mixein nunuhu' ma'. Tomi' napat ximama' nanain oro ca om taraju pa' caca. To' om pin totoron Taramaxicon Iri' Jam quem, win ne ca to' om pin xine carawa nein mi ca om ximi ma' quem.

2 Pedro 2:22

Oro ca ara caca ma', an xiho' nain ca tomi' joc mam' mi' taxipa' caca oro wari' ma'. Tomi' ca' nana: Cao' pin iri na oromijac ma' ne, we' pin ac cain na, in hwet ac cain na xicawiricon, cao' pin mami' ac cain na quem, ac i ma' na ca tomi' joc mam' mi' taxipa' caca ma'. Ma' na xijein quem: Ja' iri ta pain com caji mijac ne, xuc in hwet ac nein na horowa nein, ac i ma' na ca tomi' joc mam' mi' taxipa' caca oro wari' ma'.

Judas 1:10

Oro wari' co caracat nana pain ca miri'om cocon Iri' Jam ma' iri nana ne, tomi' napat ximama' ac cacain na oro ca om taraju pa' pan caca ma'. Ma' paxi' na oro carawa ca taraju pa' paxi' caca pain ca an xiho' cacain oro carawa nein mi ca om ximi ma'. Je i ma' ca mam' to' em' pan xucucun ta.