1Pedro 4:2 - Tradução Bíblica Pacaas Novos

² Wari' co ac i ma' ma', tomi' ha' cara ac con tara Iri' Jam. Mao ac ne ma' tara pain ca e' e' wet nucun, om ta ara cain ca param pan tem ne ca wari' wa, ara e' tarain ca param pan nucun Iri' Jam.

1Pedro 4:2 Iomraidhean Croise

Mateus 12:50

Je ca tomi' xuhu' ca' ac tococwa na. Oro wari' co ara nanain ca param nucun Te co pe pawin cain, wiricacam co xere ta' ta, wiricacam co na' ta' quem na ca tomi' caparut pane.

Mateus 20:4

Wahu' quem ac tococwa na. Taramaja mama' jein totain uva ne ta. Pagar xo' xuhu' quem ac tococwa na.

Mateus 21:31

Tomi' querec ac tococwa na: Ma' co tomi' ha' pan non cote ca quem tata. Wirico co pan' cain' ta nonon. Je ca tomi' xuhu' ca', tomi' iri'o' inuhu' ta ac tococwa na. Oro caracat ma', cocon oro caxicon wari' cacam oro caxicam narima' ma' quem, hohot nonon Iri' Jam, om ca i'ina cacam pain ca xin ne cocon Iri' Jam pain ca taramaxicon pe ho' tatam cacam ta. Wahu' iri na ne, om ca hohot hun Iri' Jam. I'ina tamana nuhu' pain ca xin ne hun pain ca taramaxicon pe ho' xim cuhu' ma'.

Mateus 7:21

Oro wari' co Taramaxicon ne nanapa' ma', Taramaxicon ne Taramaxicon ne paxi' nanapa', ane om taramaxicon pe ho' taramaxicon pe ho' xam' cocon Te Iri' Jam co pe pawin ne. Taramaxicon pe ho' e' tata co ara nanain ca param nucun Te.

Marcos 3:35

Oro wari' co ara nanain ca param nucun Iri' Jam ma', wiricacam co xere ta' ta, wiricacam co na' ta' quem na ca tomi' tococwa ma'.

Marcos 7:21

Xi maqui' ara nein iri' ca xumu wa oro carawa ca to' em' nain ca wari' wa ta. Mo na: Ca coromicat pan teretem wa ma', ca caracat wa pain ca quep ximama' wa ma', ca cut noc xa wa carawa ma', ca to' pa' wa wari' ma', ca quep tacacama oro manacocon oro wari' ma', je pain ca quep ne cocon xucun tarama' oro narima' ma' quem,

João 1:13

Om ca to' mana panxica Iri' Jam tococwa cocon oro hwanana nucucun. Om ca to' mana panxica Iri' Jam tococwa cocon cote caca cacam jicocon pain ca ma' xirapari' pije' na cacama. Om ca to' mana panxica Iri' Jam tococwa cocon cote caca pain ca wanxi' tococwa quem. Wirico Iri' Jam pan na co mi' nonon pain ca mana panxica pin caca ma'.

João 7:17

Wari' co ara tain nain ca param nucun Iri' Jam ma', querec pin' ac cain tara ca pijim' ne pain ca ca' na tain capijacon ca'. Querec pin' tarain pain ca om maqui' capa' ca'. Querec pin' tarain pain ca maqui' con Iri' Jam.

Romanos 12:2

Ta an xiho' huhun oro wari' co pan teretem nana ma' me ta. To' jimama' xut pain iri' xumuxut ca' me jun Iri' Jam. To' xocori pin rain iri' ca coromicat nuxut ca' me jun. Ma' ta ha' cuhu' pain ca querec pin' hwein oro ca param nucun ca an pe mi' capari' ca', ma' ta ara hwein quem. Param ara xi' nain oro ca awi wa Iri' Jam ta. Param nain carawa ca hohot non. Om ca param ni ca' cain oro ca param nucun

Romanos 14:7

Xi tama' ara e' xin ca param nexi' ta. Om ca ara xin ca param nexi' pain ca e' e' wet nexi', om ca ara xin ca param nexi' pain ca cono' nexi' quem.

Romanos 6:11

Coromicat mi' xijexi' pain ca cono' ca' xin ca caracat wa ca'. Coromicat mi' xijexi' pain ca e' mami' iri' quem, pain ca win xumu pin xun Iri' Jam quem. Xi om ne ca win cwere pin ara xun Cristo Jeju ta.

Romanos 6:2

Om na, om ca na camain' ne pain ca caracat cara iri' ta. Ma' tara ca caracat cara ac iri' ra? Om na ta. Cono' ca' ara xi' irin ca caracat wa ta.

Romanos 7:4

Ac i ma' iri' quem xere: Ac ca cono' pin iri' na. Cono' ca' irin ca xirao' nucun Moisés, xi om ne ca cono' wi ara xun Cristo ta. Ac i ma' napari', win cwere pin urun xucun tarama' ma', wirico co e' mami' pane. Ma' ta ara hwein ca awi wa pain ca taramaja mi' mahu' ta napari' Iri' Jam.

2 Coríntios 5:15

Mi' pin caho' mi' pin caho' xam' napari', ma' ta om mam' ara e' hwein ca param pan nuhu' pain xocori ca e' nuhu' ma' napari'. Ma' ta ara e' hwein ca param pan nucun co ma' co mi' pin caho' nuhu' ma', co e' mami' ma' quem napari'.

Efésios 2:3

Je cwerexi' pane quem. Ac i ma' ac i ma' pi' pin iri' pane ira. Ara e' irin ca param ne cwerexi'. Tomi' ha' e' irin ca param pan teretem ne cwerexi' pain ca coromicat pan teretem nexi'. Wap xim napari' Iri' Jam pane quem. Win ne ca wap wap pi' pin tococwa oro wari' co pan teretem nana ma'.

Efésios 4:17

Je ca tomi' xuhu' ca'. Ac ca tomi' mip cuhu' na Taramaxicon nexi' pata'. Ta an xiho' mami' huhun oro wari' co om howa nonon Cristo me. Coromicat ximama' ara xi' nana.

Efésios 5:17

Je ca tomi' xuhu' ca': Ta an xiho' huhun oro wari' co om coromicat xo' nana me. Taxi' xixin na jein oro ca param mi' cuhu' Taramaxicon nexi'.

Efésios 6:6

Ta tomi' ha' e' huhun pain ca ja' noro cucuhu' me. Ma' nana co taramaja ac i ma' nana, ma' ta in ac cacapa' pain ca taramaja xo' ne ca' nana. Ta taramaja ac i ma' hwe me. Na e' na pain ca taramaja querec te hwe pain iri' xumuhu' ta. Ac ca taramaja mi' e' hun Cristo ma' tara pain ca taramaja mi' huhun ma'. Param nuhu' pain ca taramaja xo' wa Iri' Jam quem.

Colossenses 1:9

Je ca tama' tomi' mi' urut pahu' con Iri' Jam quem. Je curuxut mao na, pain xec nein ca xo' taraju qui' urut pahu' pain ca tomi' hwet caparut Epafras pane, mao ac ne ma' na pain ca tomi' mi' urut pahu' con Iri' Jam. Mi' roron pain ca querec pin' cacain oro ca param nem ta urut con pahu'. Mi' roron pain ca taxi' taxi' pi' pin cacain ta urut con pahu'. Je Tamataram tara ca mi' nonon pain ca taraju pa' cacain oro ca param nem ta urut con pahu'.

Colossenses 3:3

Xi cono' ca' ara hwein caramaji macan' ta. Xocori ca e' nuhu' ma', ac ca joc xa mi' xine na con Cristo pain ca win cwere hun ma'. Ac ca wara to ho' hun na Iri' Jam ma' quem.

Colossenses 4:12

Mam' pe wet inonon ta nuhu' win ma' nuhu' Epafras cwa', co taramaja mi' non Cristo Jeju cwa'. Mija na ca tama' tomi' mi' cuhu' con Iri' Jam quem. Ma' ta ximicon hwanana caca ma', ma' ta hwara' opa caca pain ca howa nucucun ma', ma' ta om tara con ta'a camain' quequem pain oro ca param nem ca ara je momon ma' non pain ca tomi' mi' cuhu' con Iri' Jam.

1 Tessalonicenses 5:18

Tomi' querec te jun pain oro ca ara nuhu' ma' quem. Mo ta hohot cuhu' oro carawa ma', mo ta om hohot cuhu' ma' quem, je je ari na. Tomi' querec te jun pain Iri' Jam. Je ca param mi' cuhu' ma', pain ca win cwere hun Cristo Jeju ma'.

Hebreus 13:21

pain ca mi' cuhu' pain ca ara taxi' hwein ca awi wa ma', ma' ta ha' cuhu' pain ca ara hwein ca param nucun ma'. Param inon pain ca meo capari' pain iri' ximixi' ca', pain ca mi' capari' pain ca ara e' xin ca hohot pan non quem. Wirico Jeju Cristo ara xi' na co mi' napari' pain ca ara e' xin ca hohot pan non quem. Na e' na pain ca tomi' querec te cara xun co awi tamana ta! Amém, iri'o' na ca tomi' ne ta.

Tiago 1:18

Mi' iri napari' pain ca howa xin capijacon ca iri'o' ca' ne, to' e' ac capari' na, mana panxita' pin ac capari' na quem. Maqui' nain ximicon, wirico co coromicat an pe mi' napari' pain. Tomi' ca' napari': Tomi' querec te paxi' inain oro carawa ca tomi' ma' ta' ca', ane tomi' querec te tamana pan xuhu' pain ca wari' ne xuhu' ca' ne napari'.

1Pedro 1:14

Tomi' ha' jun Iri' Jam, win ne ca mana panxita' cuhu' ma'. Ta tomi' ha' mami' hwein oro ca param pan teretem nuhu' ca ara taxipa' hwe pane, pain ca om querec pin' querec hun Iri' Jam pane.

1Pedro 2:1

Je ca tomi' xuhu' ca'. An to an to pi' pin jein oro ca pan teretem wa je oro ca mixein wa ma'. An to pin jein ca ac ca iri'o' xi' ca' tara me hwe ma'. An to pin jein ca noc mi' caracan xujuhu' pain oro ca ara nuhu' ma'. An to pin jein ca tomi' napat xujuhu' ma' quem.

1João 2:17

Main om pin tara oro carawa ca om hohot non Iri' Jam pain macan' ca'. Main om pin tara oro ca param ximama' caca oro co om howa nonon ma' quem. Wari' co ara nain ca param pan nucun Iri' Jam ma' iri na ne, e' cara ac ca tara ta.