1Pedro 4:16 - Tradução Bíblica Pacaas Novos

¹⁶ Pain ca jain jain hwe pain ca howa hun Cristo ma' iri na ne, om ta na ne pain ca wixipa' hwe pain. Tomi' querec te e' jun Iri' Jam pain ca querec pin' xihwe pain ca howa hun Cristo ta.

1Pedro 4:16 Iomraidhean Croise

Atos 11:26

Mam' iri non ne, o mao ac con na pain Antioquia. Mon to wet ac cacain na i cain. Cut in cut in ac xucucun na cocon co howa nonon Jeju ma' quem. Ma' mija nana co ca' na caca pain capijacon Iri' Jam. Ca' na ca' na cawaxi' pa' ac cocon na. Co howa to nanain Antioquia pane, je win o' ma' pin tococwa pain ca howa cocon Cristo. Oro wari' nucun Cristo ta tata pane.

Atos 26:28

He! Ha' tarapa' pain ca to' xin ne hap ton pain ca howa wa Jeju ma' mapa' ra? Ac i ma' na ca tomi' con ma'.

Atos 28:22

Ane taxi' urut cocon oro wari' pain oro xijein macan' ne, taxi' urut cocon pain ca tomi' napat tomi' napat xam' cocon oro win ma' nem co howa nonon Jeju ma'. Je ca taraju xim urut pum pain ca tomi' hwet maparut pain ca coromicat nem ma', pain ca howa nem con Jeju ma' na ca tomi' cocon ma'.

Atos 5:41

Hwerehwet ca' iri tata pain ca cut in to nucucun ne, tomi' querec te tamana ac caca na. Ca' xucucun pain ca tomi' querec te nucucun: Ac ca hohot xun Iri' Jam na, xi om ne ca mi' ara capari' pain ca jain jain wa pain ca pijim' hwet xuxun con Jeju oro wari' ta xucucun.

Filipenses 1:20

Param tamana inain i ca' quem, jain jain inain: Ara xo' xitain na inain oro ca ara ra capa' Iri' Jam cwa' ina. Noc tamana inain ca ara wa carawa ca to' wixipa' napa' ta. Om ta pijim' jin' ta', pijim' hwara' opa ta'. Win ne ca om pijim' jin' ta' pane. Mo ta e' e' tiquin' ta', mo ta mi' pin ta' ta' quem, param e' inon Cristo pain ca querec pin' tocwa pain ca awi tamana nucun pata'.

Filipenses 1:29

Xi om ne ca xiram pa' ara cuhu' pain ca mi' cuhu' pain ca howa hun Cristo ta. Om ca xiram pa' e' cuhu' pain ca mi' cuhu' pain ca howa hun, xiram pa' nuhu' pain ca mi' cuhu' pain ca to' i'ina cuhu' oro carawa pain ca howa hun quem.

2 Timóteo 1:12

Je ca jain jain ta' ca', pain ca tao' pe cacapa' pain xirinain ca tao' to tao' to to wa ca'. Ane om wixipa' ta' ne. Om ca naro ta'. Xi querec pin' ara ton Cristo co howa ta' cwa'. Taxi' inon pain ca ha' con ca querec wet cain ca taramaja ne ca mi' capa' ca'. Querec wet querec wet maqui' pa' ac capari' tara xec nein ca in qui' ta' nucun.

Tiago 2:7

Om ca wiricoco caca co tomi' napat nonon Jeju co wari' ne nuhu' ra? Tomi' napat nanain wixicon ca awi tamana quem.

1Pedro 2:12

Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.

1Pedro 4:11

Mo ta mi' cuhu' pain ca pijim' wa ma', pijim' xo' ac hwe tara. Xi capijacon Iri' Jam pan ara ne ca pijim' hwe ta. Mo ta mi' cuhu' pain ca quep xiho' hun win ma' nuhu' ma', mam' quep xiho' ac hun tara pain ca hwara' opa nucun Iri' Jam ca mi' taxipa' ca ma'. Ma' ta awi na Iri' Jam ta caca oro wari'. Wirico Jeju Cristo tara co mi' nonon pain ca tomi' ac i ma' caca ma'. Hohot na pain ca tomi' querec te xun pain ca awi tamana cara nucun. Na e' na pain ca tomi' querec te xun pain ca hwara' opa tamana cara nucun ma' quem. Amém, iri'o' na ca tomi' ne ta.

1Pedro 4:14

Tomi' xirac iri nunuhu' oro wari' pain ca howa hun Cristo ne, param mi' ac cuhu' na pain ca awi wa Iri' Jam. Xi querec pin' ara xihwe pain ca corom pe ho' cara cuhu' Tamataracon Iri' Jam ca awi tamana ta.

1Pedro 4:19

Je ca tomi' xuhu' ca'. Param mi' iri napari' pain ca jain jain wa Iri' Jam ne, howa cara pan ac xun tara. Wum co quep naparut pane, wum co om mixein camain' pain ca querec wet xo' maparut ta xun. Ara ara cara ac xin tara oro ca awi wa ta.