1Pedro 4:10 - Tradução Bíblica Pacaas Novos

¹⁰ Wara mi' mi' xam' nuhu' pain oro xijein ca taramaja taxi' wa Iri' Jam. Je ta ara xo' qui' hwein ta. Mam' quep xiho' caracan ac xujuhu' tara pain oro ca taramaja taxi' wa ca mi' cuhu' ma'.

1Pedro 4:10 Iomraidhean Croise

Mateus 20:28

Win ta' ca', pain ca Iri' Wari' ta' ca'. Om ca maqui' ta' pain ca taramaja mi' xine xuhu', om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' caparut ca'.

Mateus 24:14

Pijim' mama' ac cacain tara oro xijein macan' oro wari' ne quem. Tomi' hwet tomi' hwet xam' ac cocon tara oro wari' pain capijacon Iri' Jam ma', pain ca tomi' xo' cocon pain ca taramaxicon pin ta' ca Iri' Jam ma'. Taraju taraju xam' iri tatara oro wari' ne, pi' pin ac ne tara macan' ta.

Mateus 24:45

Na e' na pain ca an xiho' hun wari' co taramaja xo' ma', co coromicat xo' pain ca taramaja mi' xo' con taramaxicon nucun ta ac caparut na. Mao tain pira iri na taramaxicon nucun ne, tomi' mam' ac con na: Querec wet roron oro win ma' ma co taramaja mi' e' nanapa' cwa', querec wet xo' roron pa'ao'. Mi' xo' roron pain carawa ca cao' wa quem na ca tomi' mam' con ma'.

Mateus 25:17

Ac i ma' na co cut 2 nain ma' quem. Cut nain oro carawa, vender tiquin' ac cain na, aram aram moin' pin ac ne na con, cut 2 mami' ac cain na quem.

Mateus 25:44

Tomi' querec ac cacapa' tara: Cain' cain' xira quem Taramaxicon nuxut ac cacapa' tara. Ma' xec ca querec urut pum pain ca pe' nem pane quem? Ma' xec ca querec urut pum pain ca toc xita' com na ma pane quem? Ma' xec ca querec urut pum pain ca tatirim ma pane quem? Ma' xec ca querec urut pum pain ca om quem wom co pe wa pane quem? Ma' xec ca querec urut pum pain ca caxi nem pane quem? Ma' xec ca querec urut pum pain ca tao' pe pin quequem pain xirinain ca tao' to tao' to to wa pane quem? Ma' xec ca om quep xiho' urut pum pane quem? Ac i ma' tara ca tomi' querec cacapa'.

Marcos 10:45

Win ta' ca'. Wata' paxi' na co Iri' Wari' cwa'. Ane om maqui' ta' pain ca taramaja mi' xine xuhu' ne, om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' tococwa ma'.

Lucas 12:42

Na e' na pain ca an xiho' hun wari' co taramaja xo' ma', co coromicat xo' pain ca querec wet cain caramaxicon taramaxicon nucun ta ac tococwa na. Mao tain pira iri na taramaxicon nucun ne, tomi' mam' ac con na: Querec wet roron oro win ma' ma co taramaja mi' e' nanapa' cwa', querec wet xo' roron pa'ao'. Mi' xo' roron pain carawa ca cao' wa quem na ca tomi' mam' con ma'.

Lucas 19:13

Mao ta' iri na ne, tomi' mam' ac tococwa na co taramaja mi' e' nonon ma'. Ma' 10 nana co harahap je ca ma'. Mi' ac tococwa na pain moeda nein ouro. Mi' xica' pe mi' xica' pe xam' tata pain. Tomi' ac tococwa na: Mam' taramaja xo' jein dinheiro ca mi' xuhu' ca'. Mam' taramaja mam' taramaja, aram aram in hwet ac xuhu' tara pain ca wara mam' taramaja hwara' pin hwein ta tata. Mao ac ca na.

Lucas 8:3

Ma' na Joana ma', manacon Cuza ma', co querec wet taxipa' nain caramaxicon taramaxicon Herodes pain xiricon. Ma' na Susana, ma' mija nana xequequem narima' co ja' ja' nonon Jeju quem. Xiram pa' nonon pane, mi' mi' nonon pain oro carawa pane.

Romanos 15:25

Je paxi' na ca coromicat ne ca', ane mao cain' tain ta' Jerusalém ne. Quep xiho' cain' toton oro wari' nucun Iri' Jam pain Jerusalém cain, pain ca cut mi' toton ta' pain dinheiro inonon.

Romanos 15:27

Wiricoco pan nana co cut mi' xuxun pain nana, maqui' nain ximicocon. Hohot na quem. Ac ca dever tococwa ara xi' na oro win howa caca co judeu nana ma'. Xi wiricoco ara caca oro judeu co wara quep xiho' pan nonon oro co om judeu nana ma', pain ca mi' tiquin' pan cocon pain oro ca awi wa ca tomi' pe qui' cocon Iri' Jam pane, pain ca to' hwara' opa pin tococwa pain ximicocon ta. Je ca na e' ne pain ca quep xiho' tococwa pain ca ximin nucucun pain ca mi' tococwa pain dinheiro pain xocori ca'.

1 Coríntios 15:10

Ane xiram pa' e' capa' Iri' Jam ne. Wirico co mi' napa' pain ca pijim' wa capijacon. Xiram pa' napa'. Je ca ha' capa' pain ca pijim' tamana tain capijacon ca'. Taramaja tiquin' ca' inonon oro xucucun apóstolo. Om paxi' na ca wata' ne co taramaja cwa'. Wirico Iri' Jam co xiram pa' napa' pain ca taramaja wi capa' ca'.

1 Coríntios 3:10

Ac ca quep tain xiricon ta' na pahu' pain ca xo' pijim' ten qui' xuhu' pain capijacon Iri' Jam pane. Wirico Iri' Jam co quep xiho' napa' pain ca ca' rain capa' pain ca taramaja ne pane. An xiho' inon wari' co tara quep nain xirim ma', pain ca cut in xo' cain pacun pain caximain xirim ma', ma' ta teren ne nain. Ac i ma' na ca pijim' mi' xo' xuhu' pain capijacon Iri' Jam pane quem. Oro xerexi' co pijim' nunuhu' pa'ao' ma' iri na ne, an xiho' nonon oro wari' co quep xam' pin nanain xirim pa'ao' quem. Na e' na pain ca taramaja xo' taramaja xo' xam' caca pain ca pijim' mi' xo' cucuhu' con Jeju Cristo quem.

1 Coríntios 4:7

Xi awi tiquin' ca' xujuhu' ta. Oro caramaxicon Iri' Jam ca', wirico co mi' nuhu' pain. Je xi om tomi' xec xec qui' hwe quem? Ac ca om querec pin' hun a xira pain ca mi' cuhu' pain ta.

2 Coríntios 6:1

Je ca tomi' mip urut pahu' pain ca taramaja wi urut con Iri' Jam cwa'. Xin ne cara jun pain ca xiram pa' xuhu' ta cuhu' ma'. Ma' ta om werem pa' ne capijacon pahu' ta urut pahu'.

2 Coríntios 9:1

Hohot paxi' na pain ca om xirao' mi' xuhu' ca', pain ca quep xiho' xun tococwa oro wari' nucun Iri' Jam pain Jerusalém ma'.

Efésios 3:8

Om paxi' na ca awi ta' pane. Awi tiquin' ca' paxi' nanapa' oro xucucun wari' nucun Iri' Jam cwa'. Ane mi' pan capa' pain ca pijim' mi' wa capijacon ne. Xiram pa' napa' pain ca pijim' mi' roron pain capija oro wari' co om judeu nana ta capa' pane. Pijim' hwet roron pain carawa ca awi tamana ca mi' toton capari' Cristo ta napa'. Xi na capari' pain ca querec pin' pi' pin xin ta.

Efésios 4:11

Wirico Cristo co mi' nain oro ca taramaja taxi' wa. Ma' nana co mi' wawa pain ca apóstolo wa pain ca tomi' hwet cacain capijacon Jeju. Ma' nana xucucun co mi' wawa pain ca profeta wa pain ca tomi' hwet cacain capijacon Iri' Jam quem. Ma' nana xucucun co mi' wawa pain ca evangelista wa, ma' ta tomi' hwet huhun oro wari' pain ca mi' pin caho' toton ta tata. Ma' nana xucucun co mi' wawa pain ca pastor wa pain ca ca' na wa capijacon Iri' Jam quem.

2 Timóteo 1:18

Param inon Taramaxicon nexi' pain ca xiram pa' con pain xec nein ca in qui' ta' nucun. Taxi' mon Onesíforo pain ca quep xiho' capa' pain Éfeso pane. Taxi' mon ma' ira.

Tito 1:7

Wari' co querec wet nonon co howa nonon Jeju ma', na e' na pain ca om hwet ne wixicon. Xi wirico pan ara ca Iri' Jam co mi' non pain ca taramaja nucun pain ca querec wet roron co howa nonon Jeju ta con. Om ta tomi' xec xec ca. Om ta mana' ximao ca. Om ta toc tamanain pe cain comi uva ca mana'. Om ta to' xitoton na cocon oro wari' co tomi' taparam' nonon ma'. Om ta mixein con win ma' ca pain ca param ximao cain dinheiro.

Hebreus 6:10

Om ca pan tem camain' ca Iri' Jam, ara xo' taxipa' na. Om ta ji'am pin cuhu' pain ca taramaja tamana nuhu' ma', om ta ji'am pin cuhu' pain ca an hwet hwein ca tomi' querec te nuhu' pain ca om noc hun ma' quem, xi quep xiho' ara huhun oro win howa hwe ta, quep xiho' quep xiho' wet huhun pain xocori ca' quem.

1Pedro 5:10

Ame hwe e', om ta jain jain cara hwe, main pi' pin tara ca jain jain nuhu'. To' hohot pin ac cuhu' tara Iri' Jam. To' hwara' opa turuhu', mi' turuhu' pain ca om naro camain' wa, to' hwara' opa cara ac cuhu' tara. Xi wirico ara ca co xiram pa' taxipa' nuhu'. Wirico co wara param mi' nuhu' pain ca jao jao ma' hun pain ca awi nucun pain ca hwara' opa nucun ca om pi' ra ha' ma', xi om ne ca win cwere ara hun Cristo Jeju ta.

1Pedro 5:12

Wirico coxari' Silvano co quep xiho' napa' pain ca xirao' mi' wijimain e' xuhu' ca'. Taxi' inon pain ca win xumu cain ca taramaja nucun pain ca taramaja mi' con Iri' Jam. Je ca tomi' xuhu' pain ca xirao' mi' xuhu' ca', to' hwara' opa xuhu' pain xumuhu' ta inuhu'. Tomi' hwet inuhu' pain ca quep xiho' iri'o' cuhu' Iri' Jam ma', pain ca xiram pa' e' cuhu' ma'. Hwara' opa cara je pain ca howa hun pain quem.