1Pedro 3:9 - Tradução Bíblica Pacaas Novos

⁹ Mo ta quep em' cuhu' wari' ma', mo ta tomi' xirac cuhu', ta win mapa' ne hun me. Tomi' mi' pan jun con Iri' Jam. Xiram pa' ron, quep xiho' ron ta Te Iri' Jam jun. Xi wara param mi' xuhu' pain ca awi wa ta ara cuhu' pain ca xo' howa xine ta qui' cuhu' pane ta.

1Pedro 3:9 Iomraidhean Croise

Mateus 19:29

Oro wari' co paca' nanain xiricocon cocon xurucucun cocon cote caca cacam jicocon cacam mana panxicaca je totacocon quem, oro wari' co ara ac i ma' nana pain ca taramaja mi' xim cacapa' ma', cut tamana ac cacain tara carawa ca awi. Mija tara carawa ca awi ca cut xi' caca ma', mija tiquin' ca' tarain carawa ca paca' caca. Moin' tamana tara cocon. Mi' ac tococwa tara pain ca om pi' ra ha' ne ca e' wa quem.

Mateus 25:34

Tomi' ac toton tara co to nanain iri' cwere ma', co xuruxut xo' nana ma'. Wahu' pain ca param mi' cuhu' pain ca awi wa Te ma', harahap je. To ho' cara xine, taramaxicon pe ho' ac xuhu' tara. Wara coromicat an pe xo' nain i ma' Te pahu' pain cara pane, pain ca xo' ma' ten qui' xine macan' pane.

Mateus 5:39

Ane tomi' pan xuhu' pain i ca' ne: Ta win mapa' ne hun wari' co pan tem me. Wum pain ca mana' quem wari' ma', mo ta wap quem, pain xijein orocoxum ma', mo ta wap mami' xim quem quem, je i ma' ira, jami mi' ron pain xijein orocoxum ma', wap mami' ne pain me ac mon tara quem.

Mateus 5:44

Ane tomi' pan xuhu' pain i ca' ne: Ta noc huhun co noc nunuhu' ma' me. Tomi' mi' jujun con Iri' Jam oro wari' co ja' tequi' quep em' nunuhu' ma' quem.

Marcos 10:17

Mama' xi' urut ta iri na Jeju ne, xuruxut xuruxut, mo qui' ac ca na wari' ma'. Pe torotop mi' non, tomi' querec ac con na: Taramaxicon co awi, co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Lucas 10:25

Om ca pain homa ne, maqui' ac ca na wari' co tomi' xo' taxi' nain oro ca xirao' nucun Moisés. Tomi' querec ton Jeju ta na. Am pijim' xo' ca, am om pijim' xo' ca, ac i ma' na ca coromicat nucun. Tomi' querec ac con na: Taramaxicon co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Lucas 18:18

Ma' ac ca na wari' co hwara' opa ma'. Tomi' querec ac con na Jeju: Taramaxicon co awi, co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Romanos 12:14

Mo ta quep em' cucuhu' oro wari' pain ca howa hun Iri' Jam ma', tomi' mi' jujun con. Ara mi' roron pain ca awi wa quem Te Iri' Jam, ac i ma' tara ca tomi' mi' huhun con. Ta tomi' noro huhun me ta. Tomi' mi' e' jujun con Iri' Jam. Ara mi' jujun pain ca awi wa me roron.

Romanos 12:17

Mo ta quep em' cuhu' wari' ma', ta win mapa' ne hun me. Xuruxut xo' je, ara e' jein ca awi na ta caca oro wari' ma'.

Romanos 8:28

Taxi' irin i ca' quem: Oro carawa ca ara napari' ca', je ca mam' quep xiho' capari' Iri' Jam ta. Mam' quep xiho' quep xiho' pi' pin napari' pain oro carawa ca ara napari'. Pain ca om noc xun Iri' Jam cwa', mam' quep xiho' pan napari' pain oro carawa ca ara napari'. Wara tomi' ca' napari' Iri' Jam: Wari' ne inuhu' ta napari'. Ma' ta aram aram ara tain ca param ne pahu' ta napari'.

Romanos 8:30

Pain ca wara tora' capari' ca', wari' ne napari'. Pain ca wari' ne capari' ca', to' hohot pin napari'. Pain ca to' hohot pin capari' ca', mi' napari' pain ca jao jao ma' xun pain ca awi nucun pain ca hwara' opa nucun ta.

Gálatas 3:14

To' witan ca' napari' pain ca tomi' noro nucun Iri' Jam Jeju Cristo, ma' ta hwet cocon ca wara param mi' tocwa Abraão oro wari' co om judeu nana ta na pain ca param mi' toton pain ca awi wa oro co howa nanapa' ta tococwa. Ma' ta mi' xuhu' pain ca wara tomi' pe ne ca', pain ca mam' mi' xuhu' pain Tamatara pain ca howa hun Cristo ta napari' Iri' Jam quem.

Efésios 4:32

Ca' je, xiram pa' xujuhu'. Quep xiho' xujuhu'. Mo ta ara cup xujuhu', ta mana' xujuhu' pain me. Mana' mana' om pin xujuhu' pain ca caracat nuhu' pain ca ara cup xujuhu' ma'. Win cuhu' Iri' Jam ma', pain ca ji'am pin cain ca caracat nuhu' con Cristo.

1 Tessalonicenses 5:15

Ma' tara xumuhu' con wari' co quep xiram nuhu' ma'. Ta win mapa' ne hun me. Xiram pa' pan e' xujuhu' pain ca ara mi' xujuhu' pain ca awi wa me. Tama' xiram pa' xujuhu' pain ca xere xujuhu' ma', tama' xiram pa' jujun oro wari' ma' quem.

Hebreus 12:17

Taxi' hun Esaú pain ca aram aram in pin ne ximicon quem. Tomi' xo' pan xirapa' te ta, tomi' mi' pan xirapa' con Iri' Jam ma', pain oro ca tomi' pe mi' capa' ta, ac i ma' na ca coromicat nucun. Tomi' mip paxi' non, aca xoc paxi' na quem. Ane noc pin tocwa ne, xi ha' con pain ca an in cain ca ara ca pane, pain ca param ni ca' cain ca tomi' pe mi' qui' con cote ca pane ta.

Hebreus 6:14

Tomi' ac con na: Tomi' iri'o' inem, ara mi' xim pain ca awi wa ta, to' mija toton oro waram winam quem ta na ca tomi' con pane.

1Pedro 5:10

Ame hwe e', om ta jain jain cara hwe, main pi' pin tara ca jain jain nuhu'. To' hohot pin ac cuhu' tara Iri' Jam. To' hwara' opa turuhu', mi' turuhu' pain ca om naro camain' wa, to' hwara' opa cara ac cuhu' tara. Xi wirico ara ca co xiram pa' taxipa' nuhu'. Wirico co wara param mi' nuhu' pain ca jao jao ma' hun pain ca awi nucun pain ca hwara' opa nucun ca om pi' ra ha' ma', xi om ne ca win cwere ara hun Cristo Jeju ta.