1Pedro 3:4 - Tradução Bíblica Pacaas Novos

⁴ Ca awi nuhu' ma', maqui' pan tarain xumuhu' ma', pain ca om xec xec nuhu' je pain ca tacana pe ne iri' xumuhu' ma'. Om ca pi' ra ha' ne ca awi nequem narima' co awi ac i ma' ma'. Querec awi tamana non Iri' Jam quem.

1Pedro 3:4 Iomraidhean Croise

Mateus 11:29

Ja' ja' xine, na ra xine pain ca hu xim xuhu' ca'. Xao to wa ac hwein tara xumuhu'. Xi tomi' wixite ara xuhu' ta. Om ca xec xec ta' pain ca tomi' pan hot e' xuhu' ca'.

Mateus 21:5

Tomi' jujun oro wari' co to nanain Jerusalém ma'. Taraju wet je! Hwet nuhu' taramaxicon nuhu' ta! Om ca xec xec ca. Xao pe pe nain xonein wijimain burro. Ac i ma' na ca tomi' pe ca profeta pane.

Mateus 23:26

Om ca taraju pa' hwe ta oro fariseu. Ac ca om ne na tucuhu'. An to xo' cain' jein xumuhu' ma', awi iri'o' ac hwe tara pain oro ca ara nuhu'. Win ca wari' co hohoc cain' nain quimain ca mam' toc nucun pain ca mam' cao' nucun ma', awi ac ne na xonein ma' quem.

Mateus 5:5

Param mi' tata pain ca awi wa oro wari' co om xec xec nana ma'. Wiricoco ara xi' nana co mene mene pi' pin xin nanain oro xijein macan' ta.

Lucas 11:40

Om ca coromicat xo' hwe ta! Iri' Jam ma', co quep nain cwerexi' ca querec xine ca', om ca quep cain ximixi' pain ca coromicat nexi' ca om querec xine quem ra? Quep nain ta.

Lucas 16:15

Tomi' ac tococwa na: Ac ca iri'o' xi' ca' tara me paxi' hwe cocon oro wari' ta, ane querec pin' pan cuhu' Iri' Jam ne. Querec pin' nuhu' pain iri' xumuhu' ma'. Carawa ca in ac caca oro wari' ma', om ca hohot camain' con Iri' Jam. Noc pan nain ta na ca tomi' tococwa ma'.

Romanos 1:23

In ac xiroron Iri' Jam co om mi' pin ra ha' ma', tomi' querec te xiroron. Ane noc cocon ne. In ac e' nanain oro caji pacun ca an xiho' non wari' co mi' pin ma'. Tomi' querec te e' nanain oro caji pacun ca an xiho' non me je carawa je oro caji carawa ca ju macan' ma' quem.

Romanos 2:29

Om ca judeu ca wari' co tomi' ha' e' nain ca xirao' nucun Moisés ta. Judeu na wari' co iri' judeu pain iri' ximicon ma', co ac ca wac xirac xine na pain iri' ca coromicat nucun. Je Tamataracon Iri' Jam ca wac xirac non ma'. Wari' co wac xirac ac i ma' wa, wirico co hohot napa' ta ca Iri' Jam. Om na wari' co hohot na ta non.

Romanos 6:6

Taxi' ara xi' irin i ca' quem: Pain ca tatatain mi' tocwa pain pana Cristo pane, tatatain wi ac xine na wara cwerexi' con. Ma' ta to' om pin xine ca hwara' opa nein wara curuhu' ca caracat taxipa' ma' napari' Iri' Jam. Ma' ta tomi' ha' tomi' ha' om pin hwein ca param ximama' nuhu' pain ca caracat nuhu' ta napari'.

Romanos 7:22

Xi om ne ca tomi' querec te ara tain oro capijacon Iri' Jam ca tomi' ha' ra capa' ta. Tomi' querec te paxi' inain pain ca coromicat ne ca'.

2 Coríntios 10:1

Wata' pain ca Paulo ta' ca', tomi' ca' inuhu' pain ca an xiho' ton Cristo pain ca tomi' wixite nucun, je pain ca tomi' pan hot nucun ma' quem. Tomi' mip ca' inuhu' cocon oro win ma' nuhu' co tomi' ximama' ca' nana pata': Tomi' iri napari' pain ca pe ho' capari' ca' ne, tomi' pan hot e' napari'. Pe ni ca' iri napari' ne, pan to' ac cain na tarajixi', ac i ma' na ca tomi' ximama' caca pata'.

2 Coríntios 4:16

Je ca om naro urut ca'. Om paxi' na ca hwara' opa mami' ne curuxut ca', ane to' hwara' opa pan caparut pain xumuxut Iri' Jam ne. To' hwara' opa to' hwara' opa tiquin' naparut pain oro xijein xec quem.

Gálatas 5:23

Mi' napari' pain ca tomi' wixite xijexi'. Mi' napari' pain ca om ara e' xin ca param pan nexi' quem. Ara iri xin oro ca mi' capari' Tamataracon Iri' Jam ca' ne, om ca tomi' em' capari' ca xirao' nucun Moisés ta.

Efésios 4:2

Ta xec xec hwe me. Tomi' wixite xujuhu'. An hwet pe jein ca om noc xujuhu' pain ca tomi' pan hot xujuhu' ma'.

Colossenses 3:12

Tora' nuhu' Iri' Jam, iri' wari' ne nuhu'. Om ca noc camain' cuhu'. Je ca hohot ne pain ca xiram pa' tamana xujuhu' ma'. An hwet mi' xujuhu' pain ca awi wa. Ta xec xec hwe me ta. Tomi' wixite xujuhu'. Tomi' pan hot xujuhu' quem.

Colossenses 3:3

Xi cono' ca' ara hwein caramaji macan' ta. Xocori ca e' nuhu' ma', ac ca joc xa mi' xine na con Cristo pain ca win cwere hun ma'. Ac ca wara to ho' hun na Iri' Jam ma' quem.

1 Tessalonicenses 4:11

Win xumu mip jein ca xuruxut xo' wa, ma' ta om to' i'ina cuhu' oro carawa pain ca to ho' xujuhu' ma'. Ta querec wet hwein oro ca ara nucucun oro win ma' hwe me, querec wet e' jein oro ca ara pan nuhu' ma', ma' ta ma' cuhu' oro carawa ca param hwe ma', pain ca cut xin hwein carawa ca cao' wa ma'. Win ne ca wara hu urut pahu' pane.

2 Tessalonicenses 3:12

Tomi' mip urut cocon co ac i ma' nana ma' pahu'. Wirico Taramaxicon nexi' Jeju Cristo co mi' naparut pain ca hu ca' urut cocon ca': Na e' na pain ca taramaja xo' hwe. Mam' cut ac hwein tara carawa ca cao' wa je oro ca param hwe ma' quem.

1 Timóteo 2:2

Tomi' mi' xuxun con Iri' Jam oro taramaxicon cocon oro xucucun wari' co querec wet nanapari' quem. Ma' ta om to' i'ina capari' oro ca to ho' xijexi' ca'. Na ac capari' tara pain ca xuruxut xo' iri' pain ca ara xin oro carawa ca hohot non Iri' Jam, ac i ma' tara ca hu momon ma'.

2 Timóteo 2:25

Na e' na pain ca hu wixite xuxun co tomi' in pin nanapari'. Am mi' ton cocon pain ca cwirin' wa Iri' Jam ma'. Am mi' ton cocon pain ca taraju pa' wa capijacon ca iri'o' ma' quem.

Tito 3:2

Ta tomi' napat huhun oro wari' me ta roron. Ta tomi' mana' huhun me, tomi' querec te e' jujun, tama' tomi' wixite tomi' wixite pi' pin jujun oro wari' ta roron quem.

Tiago 1:21

Je ca tomi' xuhu' ca': An to an to pi' pin jein oro ca caracat wa je oro ca pan teretem wa ta. Ta xec xec hwe me, tomi' ha' jein capijacon Iri' Jam ca pijim' mi' xihwe ma'. Ac ca oin' pe xine ara xi' na pain xumuhu' ta. Hwara' opa na, to' witan taxi' nuhu' quem.

1Pedro 1:23

Xi mi' ara cuhu' pain xocori ca e' wa pain ca to' camara' mami' cuhu' Iri' Jam ta. Xocori ca e' nuhu' ma', om ca maqui' con wari' co mi' pin. Maqui' non Iri' Jam co e' cara ma'. Mam' to' camara' nuhu' pain capijacon ca e' ma', ca om pi' ra ha' ma'.

1Pedro 3:15

Win xumu jun Cristo, in ac e' jun pain iri' xumuhu'. Taramaxicon ne jun. Mo ta tomi' querec cucuhu' oro wari' ma', mo ta para howa hun Iri' Jam ma' cucuhu'. Wara awori xo' taxipa' ac hwe tara pain ca tomi' in hwet xo' huhun pain ca tomi' querec nucucun ma'.