1Pedro 3:21 - Tradução Bíblica Pacaas Novos

²¹ Com ca to' witan nanam pane, tomi' joc mam' mi' nain com ca ja' iri' pain ca howa nexi' pain xocori ca' quem. Ja' iri irin com ne, om ca hohoc xin homirixi', om na. An hwet e' irin ca wara tomi' xun Iri' Jam pain ca hohoc pin rain ca caracat ne pain xumu me xun ca'. To' witan pin napari', xi om ne ca to' e' mami' ara con Jeju Cristo ta.

1Pedro 3:21 Iomraidhean Croise

Mateus 28:19

Je ca tomi' xuhu' ca': Hwet hwet xam' jujun oro wari' pain oro xijein macan'. Pijim' hwet jujun pain capija, ma' ta taxipa' cacapa'. Ja' jujun pain com quem. Ja' iri jujun ne, an hwet ac hwein tara wixicon Te, je pain wuxu pain ca Panxita' capa' ca', je pain wixinain Tamataracon quem.

Marcos 16:16

Tomi' ac tococwa na: Wari' co howa ma', co ja' com ma' quem, to' witan ca' ac tocwa tara pain ca caracat nucun. Wari' co om howa ma' iri na ne, em' ma ta ac tocwa tara, wap tamana ac tocwa tara ta.

João 13:9

Na ra ac ca na. Ta hohoc e' main caxima me ta Taramaxicon ne. Hohoc rain mu je wina ca' quem ac con na.

Atos 16:33

Tomi' pan ac cocon na co tao' to nonon ma': Harahap je, hohoc tain nonahu' ca wap ac xihwe ma' ac tococwa na. Om ca xec tara e' ca, hohoc towa tata. Ja' ac tococwa na pain com pain ca howa cocon Iri' Jam quem, wirico, wiricoco oro win ma' ca co to ho' nonon ma' quem.

Atos 2:38

Cwirin' pin jein ca caracat nuhu' ta ac cocon na Pedro. Ja' ja' pi' pin ac xihwe tara pain com quem. Ma' ta querec pin' xihwe pain ca howa pin hun Jeju Cristo. Ma' ta xic am pin cain ca caracat nuhu' Iri' Jam ma' quem. Mi' ac cuhu' tara pain Tamataracon.

Atos 22:16

Je ca tomi' xim ca' ac capa' na: Para hehe ma ma'? Hap ra, tequi' pe ra, an hwet rain ca howa nem pain ca ja' ma com ta. Hohoc pin ne pain ca caracat ne ta ron Jeju quem. Ac i ma' na ca tomi' capa' Ananias pane.

Atos 8:36

Ca tiquin' mama' caca pain wana ma', aram aram hwet ac cacain na com ma', xuterem' ma'. Tomi' ac ca na wari': Noro ra, main ma' com ma'. Hohot na pain ca ja' mapa' pain com quem? Ac i ma' na ca tomi' con ma'.

Atos 8:37

Hohot na. Mo ta howa mon Jeju Cristo pain iri' xumum ma', hohot ac ne na pain ca ja' xim pain com ta ac con na Filipe. Howa ina ta ac ca na. Howa inon Jeju Cristo pain ca Panxica Iri' Jam ca ma' ac ca na quem.

Romanos 5:14

Ane cono' cono' pi' pin caca oro hwanana pane ne. Pain ca xo' ma' qui' ca Adão cara pane, cono' cono' ac caca na oro hwanana. Om paxi' na ca an xiho' cocon Adão pain ca caracat nucun pane, pain ca xo' tomi' in pin qui' con Iri' Jam pane, ane caracat pan caca ne. Ca cono' ac caca na, ca cono' ac caca na, aram aram ma' pin ac ca na Moisés. Je ca tomi' xuhu' ca': Adão cara pane, ac ca an xiho' con na co ma' co maqui' pa'ao' quem, wirico Jeju ma' quem. An xiho' paxi' non, ane jimao ca ne.

1 Coríntios 12:13

Ac i ma' iri' pain ca curucun Cristo iri' quem. Mija paxi' iri'. Ma' nana co judeu nana. Ma' nana co om judeu nana. Ma' nana co taramaja mi' e' nonon oro xucucun wari'. Ma' nana co om taramaja mi' nonon oro xucucun wari'. Mija paxi' iri', ane cut corom to cut corom to xam' capari' pain curucun Cristo Tamataracon Iri' Jam ne. An xiho' nain ca ja' iri' com pane, pain ca cut corom to mi' capari' pain curucun Cristo. Ma' xica' pe na Tamataracon Iri' Jam ca cut corom to mi' napari' pain curucun Cristo, om na xijein. Pe ho' pe ho' xam' napari' quem.

1 Coríntios 4:6

Pain ca tomi' joc mam' mi' xuhu' ne, pain ca tomi' mi' tain ca oin' xine tocwi ma', je pain ca tomi' mi' tain ca quep xine xirim ma', je pain ca tomi' mi' ton wari' co taramaja mi' non taramaxicon nucun ma' quem, tomi' mi' e' inain ta xere. Ma' ta quep xiho' xuhu' inuhu'. An hwet inain wuxu, an hwet inain wixicon Apolo quem. Ma' ta taraju pa' hwein ca tomi' ca Iri' Jam ta inuhu'. Xin to maho' je pain ca tomi' querec te paxica' huhun wari' co pijim' nunuhu' ma' ta napari'.

2 Coríntios 1:12

Tomi' querec te urut, xi om ne ca taxi' ara xujuxut pain ca tomi' iri'o' urut ta. Xuruxut xo' urut cocon oro wari'. Xuruxut xo' pan urut pahu' quem, om ca tomi' mixein camain' urut pahu'. Wirico Iri' Jam co mi' naparut pain ca xuruxut xo' nuxut, wirico co mi' naparut pain ca tomi' iri'o' nuxut quem. Om ca maqui' nein ca coromicat nein ca wari' wa, om na. Wirico Iri' Jam pan na co mi' naparut pain ca xuruxut xo' nuxut, xi xiram pa' ara caparut ta.

2 Coríntios 7:1

Je ca tomi' urut pahu' pain ca tomi' querec te urut pahu' ca'. Tomi' ac i ma' napari' Iri' Jam pain ca tomi' an pe mi' capari' pain ca tomi' nucun ca'. Na e' na pain ca an to pin xin oro ca to' pan teretem napari' pain cwerexi', je pain ca coromicat nexi' ca'. Na e' na pain ca tomi' ha' xun pain ca in ac xun quem. Win xumu xun pain ca to' hohot pin xim capari' ca'. Ca win xumu ac xun tara, ca win xumu ac xun tara, to' hohot mip ac capari' tara quem.

Gálatas 3:27

Xi win cwere pin ara hun Cristo pain ca an hwet hwein ca howa nuhu' pain ca ja' xihwe pain com pane ta. Ac ca to hun na, win ne ca to xun xocoricon wom cwa', ac i ma' hun Cristo pain ca win cwere pin hun.

Efésios 5:26

Ma' ta to' hohot cuhu' Iri' Jam xuhu' ta napari'. Ac ca hohoc pin capari' na pain com ma'. Mam' to' om pin napari' pain ca em' nexi' pain capijacon quem.

Colossenses 2:12

Ja' iri xihwe pain com pane ne, ac ca cut corom to wi xihwe con na, ac ca e' mami' wi hwe con na quem. Xi om ne ca howa ara hun Iri' Jam pain ca hwara' opa nucun ma', pain ca ha' con pain ca to' e' mami' con Cristo pane.

1 Timóteo 1:5

Je ca tomi' ac i ma' xim ca': Hu xo' roron co pijim' pan teretem nana ma'. Xumu xo' je, querec pin' jein carawa ca param mi' cuhu' Iri' Jam, howa iri'o' jein capijacon ca ca' na xihwe ta roron. Na ac ne tara pain ca om noc xucucun, je pain ca om noc cocon Iri' Jam quem.

1 Timóteo 6:12

Pain ca howa cara mon Cristo Jeju ma', ma' mija tara oro ca to' i'ina nem ma'. Je i ma' ira, na e' na pain ca momon hwara' opa tiquin' ca' main ta. Querec pin' ron Iri' Jam pain ca pe ho' cara ne ta quem, pain ca mi' xim pain ca om pi' ra ha' ne ca e' wa ta quem. Wara tomi' pe ara xi' nem pain ca e' cara wa pain ca xo' tora' qui' quem pane ta. Mija nana wari' co taraju nenem pain ca tomi' hwet main ca howa nem pane quem.

Hebreus 10:22

Je ca tomi' ca' xuhu' ca': Mam' wixicam pin xun Iri' Jam pain ca win xumu iri'o' xun, je pain ca howa mip xun ca'. Om ta tara con ta'a camain' xun pain ca xic am pin capari' pain ca caracat nexi' ta. Ac ca cam huco' mi' capari' na pain quicon Jeju pain ca coromicat pan teretem nexi' ca', ac ca hohoc xo' capari' na pain com ca awi tamana pain cwerexi' quem.

Hebreus 11:19

Ca' na ca coromicat nucun con Iri' Jam quem: Mo ta mi' pin ca panxita' cwa', ha' ac con tara Iri' Jam pain ca to' e' mami' con ta na ca coromicat nucun. Ac je paxi' na ca ara ca Iri' Jam quem. Ac ca to' e' mami' con na Isaque.

Hebreus 13:18

Tomi' mi' xut con Iri' Jam me. Xi taxi' pan ara urut pain ca hohot ne oro ca ara urut ta. Je ca param urut quem, param urut pain ca xuruxut xo' cara urut quem.

Hebreus 9:14

Ac i ma' na ca hwara' opa ne quinain oro carawa ma'. Hwara' opa paxi' na quinain oro carawa, ane hwara' opa tamana pan ne quicon Cristo ne. Hwara' opa tiquin' ca' nain quinain carawa, xi om ne ca awi tamana ara ca Cristo ta. Om ca em' camain' ca. Ha' non pain ca mi' pan xucun con Iri' Jam pane, xi quep xiho' pan ara con Tamataracon ca e' cara ta. To' hohot pin napari' quicon. To' om pin nain ca em' nexi' pain ximixi' pain ca coromicat nexi'. To' om pin nain ca toron ne ximixi' pain ca caracat nexi'. Om ca to' i'ina mami' capari' oro ca ara nexi' ca to' cono' pin napari' ca'. Ha' pin ac capari' na pain ca in ac xun Iri' Jam co e' cara quem.

Hebreus 9:24

Je ca tomi' xuhu' con Cristo cwa'. Om ca corom hwet con Iri' Jam pain Iri' Maxicon pain xirim ca quep pan caca wari' pane, ca an xiho' e' nain iri' xiricon pain pawin cain, om na. Corom hwet non pain pawin cain. Je ca pe pan ca pain xocori ca'. Pe ho' non Iri' Jam, tomi' mi' napari' con.

1Pedro 1:3

Tomi' hwet xin ca awi tamana nucun Iri' Jam co Te ca Taramaxicon nexi' Jeju Cristo ta. Xiram pa' tamana napari'. Mam' mi' napari' pain xocori ca e' wa pain ca to' e' mami' con Jeju Cristo ta. Je ca om tara con ta'a camain' xun pain ca howa xun ca', pain ca winim' xun pain oro ca mi' xim capari' ma'.

1Pedro 3:16

Tomi' in hwet xo' iri jujun ne, tomi' wixite e' ac huhun tara, ta tomi' ximama' huhun me ta. Tomi' hwet e' jujun pain carawa ca taxi' hwe pain ca hohot con Iri' Jam. Ma' ta wixipa' pin caca co tomi' napat nunuhu' pain ca xuruxut xo' nuhu' pain ca howa hun Cristo ta.