1Pedro 3:16 - Tradução Bíblica Pacaas Novos

¹⁶ Tomi' in hwet xo' iri jujun ne, tomi' wixite e' ac huhun tara, ta tomi' ximama' huhun me ta. Tomi' hwet e' jujun pain carawa ca taxi' hwe pain ca hohot con Iri' Jam. Ma' ta wixipa' pin caca co tomi' napat nunuhu' pain ca xuruxut xo' nuhu' pain ca howa hun Cristo ta.

1Pedro 3:16 Iomraidhean Croise

Mateus 5:11

Wahu' pain ca tomi' xirac xihwe pain ca howa mahu' ma', je pain ca ja' tequi' quep em' xihwe ma', je pain ca tama' tomi' xina ximama' xihwe ma', ara ac i ma' iri xihwe pata' ne, param mi' ac xihwe tara pain ca awi wa ta.

Atos 24:16

Je ca win xumu tain oro ca xut xo' wa ca'. Oro ca awi wa ca taxi' ta' pain ca hohot con Iri' Jam cocon oro wari' ma' quem, je ca ara ta' ca'.

Atos 28:22

Ane taxi' urut cocon oro wari' pain oro xijein macan' ne, taxi' urut cocon pain ca tomi' napat tomi' napat xam' cocon oro win ma' nem co howa nonon Jeju ma'. Je ca taraju xim urut pum pain ca tomi' hwet maparut pain ca coromicat nem ma', pain ca howa nem con Jeju ma' na ca tomi' cocon ma'.

Romanos 9:1

Iri'o' na ca tomi' xim xuhu' ca', xi win cwere ara ton Cristo ta. Om ca tomi' mixein ta'. Tomi' napa' pain xumu Tamataracon Iri' Jam. Om ca tomi' mixein ma ta napa'.

2 Coríntios 1:12

Tomi' querec te urut, xi om ne ca taxi' ara xujuxut pain ca tomi' iri'o' urut ta. Xuruxut xo' urut cocon oro wari'. Xuruxut xo' pan urut pahu' quem, om ca tomi' mixein camain' urut pahu'. Wirico Iri' Jam co mi' naparut pain ca xuruxut xo' nuxut, wirico co mi' naparut pain ca tomi' iri'o' nuxut quem. Om ca maqui' nein ca coromicat nein ca wari' wa, om na. Wirico Iri' Jam pan na co mi' naparut pain ca xuruxut xo' nuxut, xi xiram pa' ara caparut ta.

2 Coríntios 4:2

Pain ca taramaja mi' urut con ca', noc urut pain oro ca ara joc xim xine ca pan teretem wa ma', ca to' wixipa' ma'. Om ca pijim' mixein urut pain capijacon Iri' Jam, om ca tomi' ni ca' urut pain ca tomi' mao nein quem, om na. Pijim' iri'o' e' urut pain, ma' ta taraju pa' caca oro wari' ta urut. Querec pin' xut pain ca pijim' iri'o' nuxut ca' urut cocon. Taxi' naparut Iri' Jam pain ca taramaja ac i ma' urut quem.

1 Timóteo 1:19

Howa cara rain capijacon Iri' Jam ca iri'o'. Ara e' rain oro ca awi wa ma', ca taxi' ma pain ca hohot con Iri' Jam ma'. Ma' ara xi' nana co an to pin nanain ca param nucun Iri' Jam. Taxi' paxi' xucucun pain ca om hohot con Iri' Jam oro ca ara caca ma'. Ane opain pin ne ximicocon ne. Je ca an to pin cacain ca howa wa.

1 Timóteo 1:5

Je ca tomi' ac i ma' xim ca': Hu xo' roron co pijim' pan teretem nana ma'. Xumu xo' je, querec pin' jein carawa ca param mi' cuhu' Iri' Jam, howa iri'o' jein capijacon ca ca' na xihwe ta roron. Na ac ne tara pain ca om noc xucucun, je pain ca om noc cocon Iri' Jam quem.

2 Timóteo 1:3

Tomi' querec te inon Iri' Jam co in ac ta' cwa', pain ca tomi' ha' iri'o' ton pain iri' xumu pain ca taramaja mi' ton ca'. Win caca oro hwanana nexi' pain cara pane, ac i ma' na pain ca in ac ton Iri' Jam ca'. Tomi' querec te inon pain ca tomi' mi' xim con. Tama' an hwet mi' inon pain wuxum, pain xec je pain xim quem. Tomi' querec te inem con ta inon pum.

Tito 2:8

Pijim' xo' e' roron pain iri' capijacon Iri' Jam quem, ma' ta om pijim' pan tem na ta ac quequem oro wari'. Mo ta pijim' ac i ma' momon, om ta na cocon pain ca tomi' napat cacapari' oro wari' co noc nanapari' ma'. Xi ma' ne ca tomi' napat ac cacapari' ta. Hehe e' tatara, wixipa' pin ac caca tara ta.

Hebreus 13:18

Tomi' mi' xut con Iri' Jam me. Xi taxi' pan ara urut pain ca hohot ne oro ca ara urut ta. Je ca param urut quem, param urut pain ca xuruxut xo' cara urut quem.

Hebreus 9:14

Ac i ma' na ca hwara' opa ne quinain oro carawa ma'. Hwara' opa paxi' na quinain oro carawa, ane hwara' opa tamana pan ne quicon Cristo ne. Hwara' opa tiquin' ca' nain quinain carawa, xi om ne ca awi tamana ara ca Cristo ta. Om ca em' camain' ca. Ha' non pain ca mi' pan xucun con Iri' Jam pane, xi quep xiho' pan ara con Tamataracon ca e' cara ta. To' hohot pin napari' quicon. To' om pin nain ca em' nexi' pain ximixi' pain ca coromicat nexi'. To' om pin nain ca toron ne ximixi' pain ca caracat nexi'. Om ca to' i'ina mami' capari' oro ca ara nexi' ca to' cono' pin napari' ca'. Ha' pin ac capari' na pain ca in ac xun Iri' Jam co e' cara quem.

1Pedro 2:12

Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.

1Pedro 2:15

Xi param mi' ara cuhu' pain ca ara e' hwein ca awi wa Iri' Jam ta. Ma' ta to' hehe pin huhun oro co tomi' napat ximama' nana pain ca om coromicat xo' nucucun.

1Pedro 2:19

Mo ta quep em' ximama' xihwe, om paxi' tara ca pan teretem hwe, mo ta quep em' ximama' e' xihwe. Mo ta coromicat ca' hwe: Je i ma' ira, taxi' urun Iri' Jam pain ca quep xiho' capari' pain ca wap ximama' cacapari' ca', mo ta coromicat ac i ma' hwe, tomi' querec te ac cuhu' tara Iri' Jam.

1Pedro 3:21

Com ca to' witan nanam pane, tomi' joc mam' mi' nain com ca ja' iri' pain ca howa nexi' pain xocori ca' quem. Ja' iri irin com ne, om ca hohoc xin homirixi', om na. An hwet e' irin ca wara tomi' xun Iri' Jam pain ca hohoc pin rain ca caracat ne pain xumu me xun ca'. To' witan pin napari', xi om ne ca to' e' mami' ara con Jeju Cristo ta.

1Pedro 4:4

Cain' cain' xira cocon ne nunuhu' oro co ara ara wet nanain i ma', tomi' xirac tomi' xirac ac cucuhu' na quem. Xi jao jao ma' mami' huhun pain oro ca quep ximama' nucucun pain ca ara pan teretem nucucun ta.