1Pedro 3:13 - Tradução Bíblica Pacaas Novos

¹³ Ma' tara wari' co quep em' nuhu' pain ca tama' ara xixi' na hwein ca awi wa ra? Om na ta!

1Pedro 3:13 Iomraidhean Croise

Romanos 13:3

Ane om na ne pain ca jin' tococwa oro taramaxicon ne. Wari' co xut xo' ma', om ca jin' cocon oro taramaxicon. Jin' xica' pe na wari' co pan tem ma'. Je ca tomi' xuhu' ca'. Mo ta xuruxut xo' hwe, om ac ne tara ca jin' huhun oro taramaxicon. Awi hwe ta ac cucuhu' tara quem.

Romanos 8:28

Taxi' irin i ca' quem: Oro carawa ca ara napari' ca', je ca mam' quep xiho' capari' Iri' Jam ta. Mam' quep xiho' quep xiho' pi' pin napari' pain oro carawa ca ara napari'. Pain ca om noc xun Iri' Jam cwa', mam' quep xiho' pan napari' pain oro carawa ca ara napari'. Wara tomi' ca' napari' Iri' Jam: Wari' ne inuhu' ta napari'. Ma' ta aram aram ara tain ca param ne pahu' ta napari'.

1 Coríntios 14:1

Je ca tomi' xuhu' ca': Ta noc huhun oro win ma' nuhu' me. Jain jain jujun, tomi' querec te jujun. Param jein oro ca taramaja taxi' wa ca mi' ne Tamataracon Iri' Jam ma' quem, jain jain jein quem. Hohot paxi' na pain ca param hwein oro xijein ca taramaja taxi' wa ca mi' ne Tamataracon Iri' Jam ma', ane hohot tamana pan ne ca param hwein ca pijim' hwet taxi' wa xocori capijacon Iri' Jam ne. Je tara ca win xumu tamana pan hwe ta. Jain jain tamana pan jein ca pijim' hwet taxi' wa xocori capijacon Iri' Jam ta.

Efésios 5:1

Mana panxita' pin nuhu' Iri' Jam. Om ca noc cuhu'. Je ta an xiho' hun quem.

1 Tessalonicenses 5:15

Ma' tara xumuhu' con wari' co quep xiram nuhu' ma'. Ta win mapa' ne hun me. Xiram pa' pan e' xujuhu' pain ca ara mi' xujuhu' pain ca awi wa me. Tama' xiram pa' xujuhu' pain ca xere xujuhu' ma', tama' xiram pa' jujun oro wari' ma' quem.

1 Timóteo 5:10

Hohot e' na pain ca quep xiho' tacama narima' co wara querec pin' wa pain ca ara taxipa' camain oro ca awi wa pane. Mo na: Co wara querec wet querec wet horon pin nanam humaxicam pane. Co querec te taxipa' nonon co howa nana co maqui' nanain xijein xirim pane, co cao' to ho' xine, pi'am to jein xuru ca' nonon pane. Co xiram pa' taxipa' nonon co howa nana pain ca ara mi' e' cocon pain oro carawa ca param caca pane quem. Co quep xiho' taxipa' nonon oro wari' co i'ina nonon oro carawa pane quem. Co win xumu taxipa' nain oro ca xiram pa' wa pain ca ara mi' cocon pain oro ca awi wa co howa nana pane quem. Mo ta xut xo' ac i ma' cama pain ca e' e' wet qui' ca taxicam pane, hohot ac ne tara pain ca quep xiho' tacama pain xocori ca'.

Tito 2:14

Om ca nain ho' xucun pari' pane, mi' pin caho' xuhu' ta napari' pane. Ma' ta to' witan ca' xuhu' pain oro ca pan teretem nuhu' ta napari'. Ac ca hohoc capari' na pain quicon. Ma' ta to' om pin tain ca caracat nuhu' ta napari'. Ma' ta iri' wari' ne xuhu' ta napari'. Param napari' pain ca win xumu xun pain ca tama' ara xin oro ca awi wa quem.

3João 1:11

Je ca tomi' xim pain ca tomi' querec te xim ca'. Ta an xiho' momon oro co pan teretem taxipa' nana me, an xiho' e' roron co ara nanain ca awi wa. Wari' co ara taxipa' nain ca awi wa ma', wirico co Te non Iri' Jam. Wari' co pan tem taxipa' ma' iri na ne, om ca querec pin' camain' con Iri' Jam.