1Pedro 3:12 - Tradução Bíblica Pacaas Novos

¹² Xi om ne ca querec wet ara cocon oro co ara xo' nana Taramaxicon nexi' ta. Querec hohot mahu' ta nonon, taraju wet nonon pain ca tomi' xim urut pum ta cocon quem. Oro co ara pan teretem nana ma' iri nana ne, ari tata. Ari pan nonon Taramaxicon nexi'. Ac i ma' na ca xirao' pe xine pain capijacon Iri' Jam quem.

1Pedro 3:12 Iomraidhean Croise

João 9:31

Taxi' urun Iri' Jam pain ca miri'om cocon oro caracat pain ca quep xiho' xut me cocon ma'. Ane xiram pa' cocon co tomi' ha' nonon ma' ne, co ara nanain ca param nucun ma'.

Tiago 5:16

Je ca tomi' xuhu' ca'. Tomi' hwet mi' xujuhu' pain ca caracat nuhu' ma'. Tomi' mi' xujuhu' con Iri' Jam quem. Ma' ta xio pin hwe. Wari' co xut xo' ma', tomi' mi' iri non con Iri' Jam win ma' ca ne, hwara' opa tamana na ca tomi' nucun. Mi' pan non pain ca tomi' nucun Iri' Jam ta.