1Pedro 3:11 - Tradução Bíblica Pacaas Novos

¹¹ In ca' tarain oro ca om awi wa. Ara e' tarain ca awi wa. Tomi' querec te caracan xijexi' ta totoron oro win ma' ca, om ta mana' caracan camain' xijexi' ta totoron.

1Pedro 3:11 Iomraidhean Croise

Mateus 5:45

Ma' ta querec pin' xihwe pain ca an xiho' hun Cotere' co pe pawin ma', pain ca om noc taxipa' cocon oro wari' co noc pan nonon ma'. Win ne ca ja' toha con xina ma'. Toha toha mi' xam' tata oro wari', toha mi' tata co pan teretem nana ma', toha mi' tata co awi nana ma' quem. Ac i ma' na pain ca tomi' pan' cain xowi' quem. Pan' pa' pan' pa' xam' tata oro wari', pan' pa' tata co xuruxut xo' nana ma', pan' pa' tata co om xuruxut xo' nana ma' quem.

Mateus 5:9

Param mi' tata pain ca awi wa oro wari' co quep xiho' nonon co mana' caracan xucucun ma'. Wiricoco ara xi' nana co mana panxica Iri' Jam xun tococwa ta.

Mateus 6:13

Narain ho' xut pain ca tomi' querec caparut Caxicon Jam quem. To' witan ca' xut con quem. Wum pan ara xi' na co Iri' Taramaxicon cara ma'. Tama' hwara' opa cara ma quem. Tama' awi tamana na ta cara nenem oro wari' cwa' quem. Amém, iri'o' na ca tomi' ne ta. Ac i ma' je pain ca tomi' xun hun Iri' Jam ta na ca tomi' tococwa ma'.

Marcos 14:7

Tama' ma' ara xi' nunuhu' oro wari' co om nonon carawa. To ho' cara tuturuhu' pa'ao'. Ha' tuturuhu' pain ca tama' quep xiho' huhun quem. Wata' iri na ne, om ta pe ho' cara xuhu'.

Lucas 1:79

Ac ca toha mi' tococwa tara oro wari' co to pira ca' nonon Iri' Jam ma', pain ca to cacain ca jitacat nein xim ca', pain ca jin' cacain ca cono' wa ca'. Mi' totoron pain ca taraju pa' wa, to' querec pin' totoron con Iri' Jam. Ca' na tarapari' pain ca xuruxut xo' wa quem. Ma' ta om toron ne xumuhu' ta napari'. Ac i ma' na ca tomi' ca Zacarias pane, pain ca tomi' hwet cain capijacon Iri' Jam con panxica pane.

Lucas 6:35

Je ca tomi' xuhu' ca': Ta noc huhun co noc nunuhu' ma' me. Xiram pa' jujun. Mo ta wajim' cucuhu' pain oro carawa ma', mi' ac huhun pain tara. Ta main mi' in hwet tatarapa' pain hwe me. Main mi' ac cuhu' tara pain oro ca awi tamana Iri' Jam. Querec pin' ac cucuhu' tara oro wari' pain ca an xiho' huhun Iri' Jam co Iri' Taramaxicon pan. Xi xiram pa' ara cocon oro caxicon wari' Iri' Jam ta. Oro wari' co om tomi' querec te taxi' nana pain ca cut caca carawa ca awi, je i ma' ira, xiram pa' pan nonon Iri' Jam ta. Oro wari' co pan teretem nana ma', je i ma' ira, xiram pa' pan ac cocon na quem.

Lucas 6:9

Tomi' ac tococwa na co tocojin' nonon ma': Tomi' querec xim inuhu'. Cain' cain' xixi' pain xec nein ca xao to wa ne ca xumu wa ca' quem? Ma' ca ara je capari' Iri' Jam quem? Om ca hohot ne pain ca quep xiho' xun wari' ra? Hohot na pain ca quep em' xun ra? Om ca hohot ne pain ca to' witan xun ra? Hohot na pain ca to' pa' pin xun ra na ca tomi' querec tococwa ma'.

João 17:15

Om ca tomi' xim pain ca cut ca' roron pain macan' ca' xim. Tomi' e' inem pain ca narain ho' roron con Caxicon Jam co caracat ta xim.

Romanos 12:18

Tomi' querec te jujun oro wari'. Mo ta mana' in pin cucuhu', je i ma' ira, tomi' querec te pan jujun. Tomi' querec te tomi' querec te xam' jujun.

Romanos 14:17

Xi tomi' xeo pa' capari' Iri' Jam pain carawa ca cao' wa pain ca taramaxicon pe ho' capari' ta. Om ca tomi' xeo pa' capari' pain carawa ca toc iri' quem, om na. Ma' na xijein carawa ca tomi' capari': To' hohot pin nuhu' Tamatara ta napari'. Mi' nuhu' pain ca om toron ne xumuhu' Tamatara ta napari'. Ja' tomi' querec te nuhu' Tamatara ta napari' quem, je i ma' ca tomi' capari' Iri' Jam.

Romanos 14:19

Je ca tomi' ca' xuhu' ca': Win xumu xin oro carawa ca mi' napari' pain ca om toron ne ximixi'. Win xumu xin oro carawa ca to' hwara' opa napari' pain ca howa xun Iri' Jam quem.

Romanos 5:1

Je ca tomi' xuhu' ca': To' hohot pin napari' Iri' Jam. Xi om ne ca howa ara xun ta. Je ca win ma' ne pin xun ca'. Je ca om toron ne ximixi' ca' quem. Wirico Taramaxicon nexi' Jeju Cristo co mi' napari' pain ca om toron ne ximixi'.

Romanos 7:19

Xi ara tain carawa ca awi ca ara ta' paxi' ta' ca'. Ara e' inain ca pan tem wa. Je i ma' ca ara cara ta' ca'.

Romanos 7:21

Je ca tomi' xuhu' ca': Ara xo' ta' paxi' ina, ane querec pin' xije pain ca pe ho' capa' ca param pan tem wa ne. Ac ca pe ho' capa' na xijein topac, ac ca tomi' capa' na: Pan tem ra pan tem ra napa'.

Romanos 8:6

Oro wari' co win xumu nanain oro ca param nucucun ma', cono' ac caca tara. Oro wari' co win xumu nanain oro ca param ne Tamataracon Iri' Jam ma' iri nana ne, ma' ac cocon tara ca om pi' ra ha' ne ca e' wa, om ac ne tara ca toron ne ximicocon quem.

Gálatas 5:22

Ane to' jimama' capari' Tamataracon Iri' Jam ne. Mo na oro ca ara mi' capari': Mi' napari' pain ca om noc xijexi'. Ja' tomi' querec te napari'. Mi' napari' pain ca om toron ne ximixi'. Mi' napari' pain ca tomi' pan hot xijexi', je pain ca xiram pa' xijexi' quem. Mi' napari' pain ca awi wa pain ca xuruxut xo' wa. Mi' napari' pain ca om tomi' capijacocon e' iri' pain ca ara taxipa' xin oro ca tomi' pe iri' quem.

Gálatas 6:10

Je ca tomi' xuhu' ca'. Ma' iri nana wari' co ximin nana ma' ne, quep xiho' ac xuxun tara, je cwerexi' mao tara. Oro win ma' nexi' co nari iri' cwa', pain ca howa wi xun Cristo cwa', wiricoco tatara co quep xiho' tamana iri' quem.

Colossenses 3:15

Wirico Cristo co mi' nuhu' pain ca tomi' querec te xujuhu', je pain ca xin ne xujuhu' ma'. Tomi' ha' jun pain ca coromicat xo' je cuhu' pain oro ca ara xi' hwe ma' quem. Je ara xi' na ca param mi' cuhu' Iri' Jam pain ca xo' howa xine qui' cuhu' pane. Tomi' querec te xujuhu' pain ca jao jao ma' xujuhu', xi om ne ca xica' pe ara ne xumuhu' ta nuhu'. Tama' tomi' querec te jun pain oro ca ara mi' cuhu' quem.

1 Timóteo 6:18

Hu mip ca' roron quem: Tama' ara jein oro ca awi wa. Ta xiram pa' hwein caramajuhu' quem me. Wara awori to je pain ca mi' mi' tiquin' hwein pain ca quep xiho' huhun oro wari' co om nonon carawa ta roron. Oro carawa ca awi ca ara caca ma', je i ma' iri' caramaxicocon pain ca caramaju caca ma'.

Hebreus 12:14

Win xumu jein i ca' quem, pain ca tomi' querec te xujuhu' pain ca jao jao ma' xujuhu' ma', je pain ca to ni ca' hwein ca caracat wa ma' quem. Wari' co om pe ni ca' nain ca caracat wa ma', om ta querec con Iri' Jam ta.

Hebreus 13:16

Ta miri'om xujuhu' me. Ara mi' iri xujuhu' pain ca awi wa ma' ne, pain ca quep xiho' caracan xujuhu' ma', ac ca ara mi' hun na pain ca awi wa Iri' Jam ma'. Hohot napa' pain ca ara ac i ma' hwe ta nuhu' quem.

Tiago 4:17

Je ca tomi' xuhu' ca': Wari' co querec pin' paxi' nain carawa ca awi ca ara ra con Iri' Jam ma', mo ta om ara cain, caracat ac ca na.

1Pedro 3:12

Xi om ne ca querec wet ara cocon oro co ara xo' nana Taramaxicon nexi' ta. Querec hohot mahu' ta nonon, taraju wet nonon pain ca tomi' xim urut pum ta cocon quem. Oro co ara pan teretem nana ma' iri nana ne, ari tata. Ari pan nonon Taramaxicon nexi'. Ac i ma' na ca xirao' pe xine pain capijacon Iri' Jam quem.

3João 1:11

Je ca tomi' xim pain ca tomi' querec te xim ca'. Ta an xiho' momon oro co pan teretem taxipa' nana me, an xiho' e' roron co ara nanain ca awi wa. Wari' co ara taxipa' nain ca awi wa ma', wirico co Te non Iri' Jam. Wari' co pan tem taxipa' ma' iri na ne, om ca querec pin' camain' con Iri' Jam.