1Pedro 3:10 - Tradução Bíblica Pacaas Novos

¹⁰ Je ca xirao' pe xine pain capijacon Iri' Jam quem: Wari' co param nain ca tomi' querec te wa ma', co hohot tarapa' oro carawa ca hwet pa' xim napa' ma', om ta tomi' ximao cain carawa ca om awi, om ta tomi' mixein ca quem.

1Pedro 3:10 Iomraidhean Croise

Mateus 19:17

Para tomi' querec mapa' pain carawa ca awi quem ac con na. Ma' xica' pe na co awi. Mo ta e' cara pe ho' ton mon Iri' Jam ma', na e' na pain ca tomi' ha' main oro ca xirao' nucun Moisés ca tomi' ha' je capari' ta non.

Marcos 8:35

Xi e' cara pe tain cain pawin wari' co win xumu e' nain ca param pan nucun pain macan' ta. Wari' co miri'om nain ca param pan nucun pain macan' ca' iri na ne, pain ca win xumu e' capa' ma', je pain ca pijim' hwet cocon oro wari' pain capijacon Iri' Jam pain ca to' witan toton cocon ca', wirico tara co e' cara pe tain nain pawin ta.

João 1:47

Querec iri non Natanael Jeju pain ca maqui' ca ne, tomi' ac ca na: Wirico co ma' wari' nein Israel co xut xo' ma'. Om ca mixein camain' ca na ca tomi' ca ma'.

João 12:25

Win ca wari' co win xumu e' nain ca param pan nucun pain macan' ca'. Om ta e' cara pe cain pawin ta. Wari' co om win xumu nain ca param pan nucun pain macan' ca' iri na ne, aram aram maqui' pa' ac con tara xec nein ca om pi' ra ha' ne ca e' nucun pain pawin.

Tiago 1:26

Wari' co coromicat ca' ma': Xut xo' ina pain ca win xumu ton Iri' Jam ta, mo ta coromicat ac i ma' ca, mo ta om an in an in cain ca tomi' nucun, mo ta tomi' ximao e' ca, om ca quep xiho' camain' con ca xut xo' paxi' nucun. Om na ximicon, xi xut xo' ca ta.

1Pedro 2:1

Je ca tomi' xuhu' ca'. An to an to pi' pin jein oro ca pan teretem wa je oro ca mixein wa ma'. An to pin jein ca ac ca iri'o' xi' ca' tara me hwe ma'. An to pin jein ca noc mi' caracan xujuhu' pain oro ca ara nuhu' ma'. An to pin jein ca tomi' napat xujuhu' ma' quem.

1Pedro 2:22

Om ca caracat camain' ca pane. Om ca mixein camain' ca quem.

Apocalipse 14:5

Om ca tomi' mixein camain' caca. Iri' wari' nana, om ca xuruxut pan teretem camain' caca.