1Pedro 3:1 - Tradução Bíblica Pacaas Novos

^1-2 Wahu' quem oro narima', pain ca ma' cuhu' tarama' ma' quem. Tomi' ha' tomi' ha' xam' jujun taxuhu'. Am ma' caca waram taxuhu' co om howa nanain capijacon Iri' Jam ma'. Je i ma' ira, tomi' ha' cara jujun. Om paxi' tara ca cuc cuc huhun pain ca howa je howa je huhun ma'. Querec pin' iri tuturuhu' pain ca xuruxut xo' nuhu' ne, aram aram howa pin ac caca tara pain ca querec e' cucuhu' pain ca xuruxut xo' nuhu', je pain ca in ac iri'o' hun Iri' Jam ma' quem.

1Pedro 3:1 Iomraidhean Croise

Mateus 18:15

Tomi' ac caparut na: Mo ta ma' ca co win howa hwe co caracat ma', tomi' inem pain ca ara cup quem co win howa ma ma'. Hwet ac mon tara, tomi' xo' ac mon tara pain ca em' nucun. Xica' to je, om tara win ma' hwe. Mo ta ha' quem, mo ta cwirin' pin ca, ha' pin ac cuhu' tara pain ca tomi' querec te mami' xujuhu' pain ca xere xujuhu' ma'.

Romanos 10:16

Ane om howa howa pi' pin caca ne. Oro win judeu ta' co taraju nanain capijacon Iri' Jam con Jeju ma', ma' paric ca' e' nana co howa nanain. Om ca howa howa pi' pin cacain. Je ca xirao' pe ca Isaías cara pane. Ca' na ca tomi' nucun pane: Ma' co howa nain ca pijim' nuxut ca' Taramaxicon ne? Ac i ma' na ca xirao' pe ca Isaías cara pane.

Romanos 6:17

Je ca tomi' xuhu' ca', tomi' querec te tamana urut con Iri' Jam cwa' pahu', xi tomi' ha' pin ara hun pain xocori ca' ta. Taramaja mi' e' paxi' hwein ca caracat wa pain ca tama' tomi' ha' hwein pain cara pane. Ane tomi' ha' pin hwein capijacon Iri' Jam ca iri'o' pain xocori ca' ne. Tomi' ha' na iri' xumuhu' quem, tomi' ha' pin hun Iri' Jam pain oro caramaxicon ca ca' na xihwe ma'.

Romanos 7:2

Win cama narima' co ma' nam tarama'. Pe ho' cara ron taxim ta ac cam na ca xirao' nucun Moisés. Pain ca e' e' wet nucun taxicam ma', om ca an pe ac con. Win cwere nam, ac ca tucu pan cam na. Mo ta mi' pin ca taxicam, ac ca tacom' hot pin tacama na. Xi pe ho' cara ron mami' cam ca xirao' nucun Moisés ta.

1 Coríntios 11:3

Tomi' querec te paxi' inuhu' pain, ane ma' ma' wet ne i ca' ca taraju pa' je xuhu' ca' ne. Ca' na: Wirico Cristo co taramaxicon pe ho' non tarama' ma', taramaxicon pe ho' taramaxicon pe ho' xam' tata pain ca tarama' nucucun. Wirico tarama' co taramaxicon pe ho' nam narima' ma'. Wirico Iri' Jam co taramaxicon pe ho' non Cristo ma' quem.

1 Coríntios 14:34

cacam oro narima' ma'. Tacana to tatara oro narima' pain ca cut in xujuhu' ma'. Tomi' caho' tata pain ca tomi' am pin cocon co pijim' nana ma', pain ca tomi' querec cocon pain ca om taraju pa' nequequem. Tomi' ha' e' totoron waram taxicacam. Win ne ca xirao' pe ca Moisés cara pane.

1 Coríntios 7:16

Wum quem narima' pain ca howa ma ma', om ca taxi' mon taxim ma' quem. Mo ta aram aram howa pin ca pum, mo ta om howa pin ca pum. Wum quem, pain ca tarama' ma ma', pain ca howa ma ma' quem, om ca taxi' mam narima' nem quem. Mo ta aram aram howa pin cama pum, mo ta om howa pin cama pum.

Efésios 5:33

Tomi' paxi' ta Cristo pain ca om noc capari' pain ca howa xun ca'. Ane tomi' tomi' xam' cuhu' pain ca tarama' nuhu' pain ca ma' cuhu' narima' quem ne. Ta noc hwehwem manahu' ta. Win ne ca om noc pan xujuhu' ma'. Wahu' quem oro narima', na e' na pain ca tomi' ha' huhun waram taxuhu' ma' quem.

Colossenses 3:18

Tomi' inuhu' pain ca narima' hwe pain ca ma' cuhu' tarama' ma': Tomi' ha' jujun taxuhu'. Hohot ara xi' na pain ca tomi' ha' huhun ma', xi om ne ca win cwere ara hun Taramaxicon nexi' ta.

Colossenses 4:5

Xuruxut xo' je cocon oro co om howa nana ma'. Coromicat xo' je cocon. Ta miri'om camain' huhun me, ma' ta ha' cuhu' pain ca tomi' hwet huhun con Cristo ta.

2 Tessalonicenses 1:8

Oro wari' co noc nonon Iri' Jam ma', co om tomi' ha' je na nanain capijacon ca tomi' hwet napari' con Taramaxicon nexi' Jeju ma', wap ac tococwa tara pain ca win hwe pane tococwa ma'.

Hebreus 11:8

Howa non Iri' Jam Abraão cara pane. Je ca tomi' ha' con pain ca mao rain xijein macan' ca aram aram mi' xim ta con pane. Om paxi' na ca taxi' cain ca mao ta' ca pane, ane tomi' ha' ca ne. Mao ac ca na quem.

Hebreus 5:9

Pi' pin iri na ca taramaja nucun ca ara ra con Cote ca ne, pain ca hohot pin mapa' ta con ma', ha' pin ac con na pain ca to' witan cara tococwa oro co tomi' ha' nonon.

1Pedro 1:22

An to pin hwein ca caracat wa, xi om ne ca tomi' ha' pin ara hwein capijacon Iri' Jam ca iri'o'. Ha' pin nuhu' pain ca om noc iri'o' xujuhu' pain ca xere xujuhu' ma'. Je ca tomi' xuhu' ca', tama' tomi' querec te cara xujuhu'. Ta tomi' querec te e' ne capijahu' me, tomi' querec te iri'o' xujuhu', maqui' tarain iri' xumuhu' pain ca tomi' querec te xujuhu' ma'.

1Pedro 3:7

Wahu' quem, pain ca ma' cuhu' narima' ma' quem. Ma' tara xumuhu' pain ca to ho' xujuhu' ma'. Tomi' querec te jejem pain ca querec wet xo' hwehwem ma'. Querec pin' jejem pain ca om hwara' opa homa cacama ma', je pain ca om an xiho' cucuhu' pain ca hwara' opa nuhu' ma'. Xi mi' ara cacam pain ca om pi' ra ha' ne ca e' wa Iri' Jam ta. Win cuhu' ma'. Ac i ma' jejem manahu', ma' ta om i'ina hwe pain ca tomi' xun hun Iri' Jam ma' quem.

1Pedro 4:17

Xi maqui' pin ara ne xec nein ca to' i'ina capari' oro carawa ta. Mi' cain' napari' pain Iri' Jam, ma' ta hwara' opa mip hwe pain ca howa nuhu' ta napari'. Pain ca to' i'ina capari' oro carawa ca', jain jain paxi' iri'. Oro co om tomi' ha' nanain capijacon ca pijim' mi' tococwa con Jeju ma' iri nana ne, ximin pan tatara, mija tara ca jain jain nucucun pain ca wap tamana xun tococwa ta.